Feeds:
Posts
Comments

Archive for January, 2010

Somal di Jabotabek on ulaon marhata sinamot dipatupa laos ditingki pesta unjuk i dung sidung marbagi jambar, jala paranak pe nunga manjalo tumpak pangurupion sian boru/bere na dohot dongan tubu, dongan sahuta & ale-ale.

Somalna andorang so di hatahon raja parhata ni paranak godang ni sinamot sipasahaton ni paranak tu parboru sai di mangalap hata (di pajagar) do panghataion tu boru, tar songon on:

Raja parhata ni parboru

On pe di hamu amang boru nami tangkas ma hatahon hamu godang ni sinamot ni boru nami

Raja parhata ni paranak.

Mauliate ma raja nami, Andorang so huhatahon hami somba ni uhum nami, parjolo ma hualap hami hata sian boru dohot bere nami songon i nang sian raja dongan sahuta . Onpe di hamu boru dohot bere nami panghataion on pinasahat ma tu hamu asa rap hita mangelek tulang mu hula hula i .

Alus ni boru ni paranak .

Mauliate ma di hamu rajanami, ala dipasahat hamu do panghataion tu hami boru dohot bere, didok na tua tua :

“ Durung do tutu boru ,tomburan hula hula

Ingkon do tumpahan ni boru na borat di hula hula .”

Ba rap mangelek ma hita rajanami, sombahon hamu ma sinamot si tombol i , Asa tung pintor las roha ni tulang i,  ima hula hula ni hula hula nami. Songon i ma sian hami boru dohot bere, botima.

Nasomal sala binege ima na jotjot an boru mandok :

Mauliate ma di hamu rajanami, ala dipasahat hamu do panghataion tu hami boru dohot bere : MANOLOPI NAULI MA HAMI (Menyetujui/Mengesahkan)

Ba molo manolopi boru dohot bere berarti nda nunga un timbo posisina sian hula-hulana ?.

Jadi asa taparrohahon jala taparateatehon ma i tu joloan on asa unang ma nian adong na sala jala ta boto be ma posisi nta.

Sampe Sitorus (A. Hitado Managam)

Read Full Post »

Godang do ulaon na ingkon mardalan parjambaran.

Jala adong do ragam ni jambar.Alani rumit ni parjambaron di halak Batak sai jolo dibahen tonggo raja manang ria raja. Ipe asa dipamasa ulaon .

I  Goar ni jambar.

1 Jambar hata .

2 Jambar JUHUT ( Jagal )

3 Jambar SINAMOT  ( Uang ) .

II  Pinahan na boi di bagi gabe jambar .

1        Babi ( Pinahan lobu -namarmiakmiak )

2        Hambing  ( masa di Parmalim / Muslim )

3        Lombu ( lombi sitio / lombu JONGGI )

4        Hoda ( masa di ulaon ni Toba Humbang )

5        Horbo ( Sitingko tanduk / Sisapang na ualu / Gaja toba )

III Ulaon na mardalan parjambaron.

1        Marhusip ( jambar Surung surung horong ni parboru )

2        Tonggo raja / Ria raja .

3        Ulaon unjuk / Pangoli anak manang Pamuli boru )

4        Manuruk manang mangompoi jabu .

5        Manulangi ( molo maralaman /sulang sulang Hariapan )

6        Manghatidangkon Haporseaon / Malua .

IV  Pardalan ni manang pembagian ni jambar .( namasa di Parsadaan Raja Sitorus dohot Boruna di JABODETABEK ).

1 Pinahan lobu / Namarmiakmiak (Babi).

A      Ulaon Tonggo raja / Ria raja

.a  Namarngingi siamun tu Parsinabung .

b  Namarngingi hambirang tu Panamboli .

c   Osang tu Boru .

d   ihur ihur tading di suhut .

B       Ulaon unjuk

.a   Namarngingi tu Hula hula dohot Tulang

.b  Osang tu boru .

.c   Ihur ihur tu Parboru ( molo Sitorus Paranak  / Dibagihon molo Sitorus Parboru )

.d   Soit tu dongan sahuta .dongan tubu .Pangula ni Huria.Pemerintah Setempat.

.e   Somba somba tu horong tulang sahat tu hula hula anak manjae.

2  Sigagat duhut ( Lombu .Hoda .Horbo .)

A   Ulaon unjuk Pamuli boru

.a   Namarngingi    tu Hulahula dohot Tulang ni boru muli .

.b  Osang tu boru .

c. Tanggalan tu pariban

d Somba somba / rusuk galapang tu horong ni tulang sahat tu hulahula anaka manjae.

,e  Soit / buhubuhu dongan sahuta Aleale DNA.

.f  Panamnoli /gonting tu dongan sahuta .

.g  Ihurihur tading di hasuhuton .

.h  pohu ( tango tango .tambahan tu jambar soit dohot somba somba .)

C   Ulaon SARI MATUA . SAUR MATUA .SAURMATUA MAULIBULUNG.

.a    Namarngingi parsiamun tu Hulahula ni na monding.

‘b   Namarngingi parsiambirang tu Bona Tulang .

c   Osang parsiamun   tu Boru tubu.

.d   Osang parhambirang  tu Boru tubu parsadaan.

.e    Somba somba ( rusuk ) Hulahula na marhahamaranggi .hulahula anak manjae, Bonani ari dohot Tualng rorobot

.f    Buhubuhu /soit tu Sihasihal .

.g    Tanggalan  tu  Pariban dohot na asing .

.h    Panamboli tu Dongan tubu .

.i     Ihur ihur  tu Tulang silehon saput .

.j     pohu ( tango tango .tambahan  tu jambar  somba somba .)

.k    Jambar na tading di suhut .

Catatan   :

Molo hompal ulu gabe jambar ni panambak ( sipitudai ) ,rusuk galapang ma jambar ni Hula hula ni na monding .somba somba ma jambar ni sude tulang dohot hula hula .

Anggo ihur ihur hot do jambar ni sipasahat saput .

Tangerang    ; Juli – September 2009


( Posman Sitorus S.Sos )

Read Full Post »

Follow

Get every new post delivered to your Inbox.

Join 878 other followers

%d bloggers like this: