Feeds:
Posts
Comments

Archive for the ‘Budaya & Adat Batak’ Category

Setelah Pemberkatan Nikah selesai dilaksanakan digereja, biasanya penatua gereja memberikan kesempatan kepada keluarga untuk memberikan sambutan. Yang berlaku umum adalah kesempatan pertama di berikan kepada keluarga pihak mempelai pria baru kemudian keluarga pihak mempelai wanita.

Yang menjadi pertanyaan: Siapakah yang berwenang memberikan sambutan (huhuasi) ?. Jawabannya adalah : Di tonggo saripe sudah pasti di putuskan siapa yang menjadi paidua ni suhut. Maka yang seharusnya berwenang memberikan sambutan adalah Paidua ni Suhut. Di beberapa kesempatan saya perhatikan hal ini belum di persiapkan bahkan yang bertugas memberikan sambutan baru di tunjuk sesaat sebelum pemberkatan, bahkan ada kejadian baru di tunjuk ketika Penatua gereja sudah memberikan waktu & tempat. Dampaknya tentu terlihat ‘kurang” persiapan. Di sisi lain pernah terjadi huhuasi di sampaikan oleh dongan tubu nahumolang (hasuhuton Sitorus Dori, huhuasi sian hahadoli Sitorus Pane). Semestinya ini tidak boleh terjadi, kedepan hal seperti ini harus kita hindari. Ingkon ingot do hita di hata ni natua tua na mandok :

Martampuk bulung, marbona sakkalan.
Marnata do suhut, marnampuna do ugasan.

Metmet do sihapor lunjung
Dijunjung do baringinna

Agar hal diatas tidak terjadi (di alami) pada pembaca, maka di bawah ini kami tuliskan contoh “huhuasi paidua ni suhut”.  Contoh ini di tulis dalam bentuk ulaon di alap jual (ulaon di alaman ni parboru).

Huhuasi Paidua ni Suhut Paranak (Ulaon Di Alap Jual)

Hamu angka napinarsangapan, amanta raja dohot inanta soripada. Jongjong au dison songon wakil sian paranak. Parjolo ma hami mandok mauliate tu Amanta Debata na mandongani hita sahat tu sadarion. Songon i ma nang tu hamu pangula ni huria nami dohot amang Pandita ……. (sebutkan namanya) naposo ni Tuhanta naung pasahathon pasu-pasu parbogason di anak dohot boru ni huria i. Suang songoni ma tu hamu na huparsangapi : raja ni dongan tubu, raja ni dongan sahuta, raja ni parboruon, raja ni ale-ale, tarlumobi ma di hamu raja ni hula-hula dohot tulang nami, dohonon nami ma mauliate malambok pusu di siala haroromuna tu bagas joro na badia on ima na mangadopi pamasumasuon ni anak dohot parumaennami. Marhite on gomos hupangido hami tu hamu, dung haruar hita annon sian bagas joro on asa marneang ni langka ma hamu rap udur ma hita tu inganan pesta unjuk  naung pinarade ni hula-hulanta di (sebutkan nama & alamat gedung)*, asa rap hita di si marsipanganon jala patupahon adat na gok tu hula-hulanta jala manjalo adat na hombar tusi sian nasida. Molo tung adong sian tonga-tonganta na so sahat dope gonghon dohot jou-jou sian hami hasuhuton, ba laos hatangkon ma nuaeng na manggonghon huhut manjou hamu. Hu ulahi hami ma mandok mauliate godang. Boti ma.

*)  jika ulaon di taruhon jual maka diganti dengan : naung hu parade hami di (sebutkan nama & alamat gedung)

Huhuasi Paidua ni Suhut Parboru (Ulaon Di Alap Jual)

Songon wakil suhut parboru, jongjong au dison parjolo mandok mauliate tu Amanta Debata na mangalehon ari nauli ari na dengagn di hita, ai nunga saut sahat manjalo pasu-pasu parbogason boru dohot helanami marhite naposo ni Tuhanta. Tama do antong mandok mauliate hami tu hamu pangula ni hurianami suang songoni nang di amanta Pandita ……. (sebutkan namanya). Tu hamu saluhutna na huparsangapi : raja ni dongan tubu, raja ni dongan sahuta, raja ni parboruon, raja ni ale-ale, tarlumobi ma di hamu raja ni hula-hula dohot tulang nami, dohonon nami ma mauliate malambok pusu di sude na binahen mu tu hami sadari on. Ndang tarbalos hami i, Tuhanta Debata ma pasahathon pasupasuna tu sude hamu na huparsangapi hami. Angkup ni i songon naung pinaboa ni parboruon nami nangkin, nunga hu parade hami inganan pesta unjuk di… (sebutkan nama & alamat gedung)*. Dibagasan unduk dohot serepni roha gomos hami marpangidoan asa rap udur ma hita tu inganan pesta unjuk i laho mangan indahan na las dohot minum aek sitiotio, laos manjalo adat sian parboruonta huhut pasahat adat tu nasida mangihuthon hasomalanta. Molo tung adong sian tonga-tonganta na so sahat dope gonghon dohot jou-jou sian hami hasuhuton, ba laos hatangkon ma nuaeng na manggonghon dohot na manjou hamu. Hu ulahi hami ma mandok mauliate godang. Boti ma.

*)  jika ulaon di taruhon jual maka diganti dengan : nunga di parade parboruon nami sipanganon pesta unjuk, inganan na di… (sebutkan nama & alamat gedung)*

Pinadomu ni (dirangkum oleh):
Sampe Sitorus (A. Hitado Managam)

Referensi dan Daftar Pustaka :

  1. Jambar Hata, T.M Sihombing, CV Tulus Jaya
  2. Garis Besar Ruhur-Ruhut Paradaton Sitorus, Buku Parsadaan Raja Sitorus Dohot Boruna (PARSIBONA) JABOTABED)
  3. Dalihan Natolu Nilai Budaya Suku Batak, Drs. DJ Gultom Rajamarpodang, CV Armada –Medan
  4. Literatur lain dan pengamatan serta pengalaman penulis .

Read Full Post »

Molo ro gonghon dohot jou-jou tu hita sian parboruonta di na laho pamuli (pahutahon) boru nasida, angka on na porlu parate-atehononta :

  1. Siboanonta ima Tandok namarisi Parbue Gabe (tandok tar umbalga sian angka uduran), Dengke Simudur-udur, Ulos HEMBANGTUA  (jenis ulos Ragi Hotang) Ima ulos sian tulang ni namuli, patandahon roha napantis do tulang i mangalehon pasupasu tu berena asa si ripe gabe, si ripe horas namanjalosa. I do umbahen sai umpudi tulang pasahathon ulosna, asa tulang i do pahembanghon pasupasuan (penutup)
  2. Panghataion ima peran mandok hata sebagai Tulang terdiri atas 3 bagian yakni : a. Ketika marhata sinamot,  pihak parboru biasanya mangido panuturion sian horong ni hula-hula dohot tulang andorang so di gabehon nasida somba ni uhum somba ni adat na naeng pasahaton ni paranak tu nasida (parboru). b. Mandok hata di na manjalo upa tulang (panandaion)  c. Marhata sigabe-gabe ketika pasahat ulos ke penganten.

Asa ummura antusanta pinatorang ma songon naung hea ni ulahon tingki parbogason ni ibebere niba Rita br Parhusip (boru ni Op.Sintong Parhusip / iboto ni Alden Parhusip) na marhamulian tu marga Manurung. Ulaon unjuk di Jakarta.

Di bawah ini akan kita ulas item no 2 yakni Panghataion.

Ketika Marhata Sinamot pihak parboru biasanya mangido panuturion sian horong ni hula-hula dohot tulang andorang so di gabehon nasida somba ni uhum somba ni adat na naeng pasahaton ni paranak tu nasida (parboru).

Somalna tar songon on ma Raja Parhata ni Parboru di na mangido panuturion : “Di bagasan tingki on mangido panuturion dohot poda hami tu hamu di parbogason ni borunami, ibeberemuna. Ai di jolo hamu raja siaduon, di pudi pe hamu raja si paimaon, di tonga-tonga hamu raja sihaliangan. Nunga tangkas nangkin hupangido hami tu raja ni pamoruonnami, i ma sinamot ni borunami. Asa hombar tu si, mangido hami di angka poda dohot panuturion sian hamu Rajanami. Hupasahat hami ma partingkian on tu hamu. Botima!” . Laos di suruma boru parlopes manaruhon mic dohot daftar horong ni hula-hula dohot tulang tu hula-hula.

Alus ni Hula-hula tar songon on ma:

Mauliate ma di hamu parboruoan nami ………(di dok margana), di na di paandar hamu panghataion jala mangido panuturion hamu sian hami horong ni hula-hula dohot tulang mu. (Kemudian berpaling kearah rombongan Hula-hula & Tulang).

Suang songoni ma di hita horong ni hula-hula dohot tulang nunga tangkas rap umbegesa hita di na mangido panuturion parboruonta (marga……….) tu hita asa mardos ni roha ma hita ise ma hita na pasahat panuturion ? (Somalna hula-hula tangkas do na pasahathon panuturion).  Jadi dos ma rohanta sada silompa gadong dua silompa ubi ma ate ? Molo tung hami hula-hula pe na pasahathon panuturion sude ma hita dapotan uli ate !

Di hamu parboruonnami, Raja…….. (di dok margana), nunga sada roha nami sian horong ni hula-hula dohot tulangmu, molo sian hami horong ni hula-hulamu, nunga huida jala hu paihut-ihut hami angka panghataion-muna dohot raja ni pamoruonmu marga………di dok margana).. Asa molo sian hami, dohonon-nami ma songon hata ni natua-tua:

Aek godang ma inna tu aek laut
Dos ni roha do antong sibaen na saut

Nunga tangkas hu ida jala hu paihut- ihut hami panghationmuna jala di dos ni roha muna, asa dohonon ma antong :

Amporik mallipik, Onggang marbabang.
Gabe do parsinamot naotik, rap gabe do nang parsinamot nagodang.
Antong.. gabehon hamu ma sinamot ni ibeberenami i.

Ai molo dung digabehon hamu i, asa dapot ma antong songon ni dok  i umpasa

Balintang ma pagabe, tumundalhon sitadoan,
Ari mu ma antong namarhula-marboru gabe, molo tangkas hamu marsipaolo-oloan.

“Songon ima hata sian hami horong ni hula-hula dohot tulang. Botima!”

Ketika Manjalo Upa Tulang

Di na laho pasahathon upa tulang tu hula-hula tangkas ni parboru, rap udur do parboru dohot paranak laho pasahathon i. Parboru ma napatandahon alai Paranak ma napasahathon Upa Tulang. Dung dipasahat Paranak Upa Tulang dohonon ni Tulang ni Boru Muli ma hatana tarsongonon :

Nuaeng pe nunga di pasahat hamu tu hami Upa Tulang, asa dohonon nami ma antong songon ni dok ni natua-tua :

Sinuan bulu sibahen na las,
Nunga tapungka partuturon sai gabe ma hita jala horas, Botima.

Ketika Marhata Si gabe-gabe (Pasahat Ulos)

Untuk detailnya silahkan click Kategori: Umpasa (disana ada beberapa tulisan yang berkaitan dengan mandok hata pasahat ulos)

Read Full Post »

Molo ro gonghon dohot jou-jou tu hita sian parboruonta di na laho pangolihon anak nasida, angka on na porlu parate-atehononta :

  1. Siboanonta ima Tandok namarisi Parbue Gabe (tandok tar umbalga sian angka uduran), Dengke Simudur-udur, Ulos  marbagas (jenis ulos Ragi Hotang)
  2. Panghataion ima peran mandok hata sebagai Tulang terdiri atas 3 bagian yakni : a. Ketika marhata sinamot pihka paranak biasanya mangido panuturion tu horong ni hula-hula dohot tulang andorang so di hatahon nasida somba ni uhum somba ni adat tu hula-hula nasida (parboru). b. Mandok hata dung manjalo tintin marangkup.  c. Marhata sigabe-gabe ketika pasahat ulos ke penganten.

Asa ummura antusanta pinatorang ma songon naung hea ni ulahon tingki parbogason ni bere niba Sondang Manurung dohot “boru niba” boru Pakpahan.

Di bawah ini akan kita ulas item no 2 yakni Panghataion.

Ketika Marhata Sinamot pihak paranak biasanya mangido panuturion tu horong ni hula-hula dohot tulang andorang so di hatahon nasida somba ni uhum somba ni adat tu hula-hula nasida.

Somalna tarsongonon ma Raja Parhata ni Paranak di na mangido panuturion : “Di hamu hula-hulanami dohot tulangnami (digorahon sude margana sahat tu hula-hula namarhaha-anggi dohot anak manjae)

“Rajanami, nunga tangkas nangkin hupangido jala huelek-elek hami raja ni hula-hulanami, dongan parhundulmu, taringot tu sinamot ni parumaennami, jala laos ulaon sadari. Di tingki on mangido hami di angka poda dohot panuturion sian hamu. Asa hupasahat ma tingki on tu Rajai. Hamu ma na masiaturan. Botima!” Laos di suruma boru parlopes manruhon mic tu hula-hula.

Alus ni Hula-hula tar songon on ma:

Mauliate ma di hamu parboruoan nami (di dok margana), di na di paandar hamu panghataion jala mangido panuturion hamu sian hami horong nihula-hula dohot tulang mu. (Kemudian berpaling kearah rombongan Hula-hula & Tulang).

Suang songoni ma di hita horong ni hula-hula dohot tulang nunga tangkas rap umbegesa hita di na mangido panuturion parboruonta (marga…) tu hita asa mardos ni roha ma hita ise ma hita na pasahat panuturion ? (Biasanya hula-hula tangkas do na pasahathon panuturion).  Jadi dos ma rohanta sada silompa gadong dua silompa ubi ma ate ? Molo tung hami hula-hula pe na pasahathon panuturion sude ma hita dapotan uli ate !

Di hamu parboruonnami, Raja…….. (di dok margana), nunga sada hami sian horong ni hula-hula dohot tulangmu. “Molo hata sian hami, denggan do huida hami angka pangidoan-muna dohot dongan parhundulnami jala tangkas do hu paihut-ihut hami hamu di pangkataion muna namar sipaolo-oloan dibagas dame na marhula-marboru. Somalna do ianggo Parboru sai na naeng do pangidoonna godang sinamot ni boruna, jala hamu pe antong ingkon ingot do hamu di hata namandok “Namandanggurhon tu dolok do molo basa namarhula-hula” jadi olat ni na tarbahen hamu pasangaphon hula-hulamu ba bahenon mu do antong.  Suang songoni nang di hamu dongan parhundul nami (didok marga ni parboru) asa tong ingot hita di hata ni natua-tua namandok :

Amporik marlipik onggang marbabang;
Gabe do parboli na otik gabe do nang parboli na godang.

Asa dohonon nami ma songon hata ni natua-tua:

Bona ni Aek Puli ma di atas Dolok Sitapongan
Sahat do hamu dapotan uli, Ala tangkas do dapot di hamu roha na masipaolo-oloan.

“Songon ima hata sian hami horong ni hula-hula dohot tulang. Botima!”

Ketika Manjalo Tintin Marangkup

Rap borhat do paranak dohot parboru pasahathon upa tulang si jalo tintin marangkup. Di pasada ma hepeng na sian paranak dohot parboru. Napatandahon ma ianggo pihak paranak, alai napasahathon, pihak parboru do. Taringot tu godang manang bilanganna saguru tu dos ni roha do i.

Hata sian suhut Parboru:

“Di hamu haha parhundulnami Raja………(laos didok margana), tulang ni helanami, marnatampak do hami di son laho pasahathon jambar na gok tu hamu sian sinamot ni borunta. Otik so sadia pe on, las ma rohamu manjalo. Botima!”

Hata sian Tulang sijalo Tintin Marangkup:

“Mauliate ma di hamu dongan parhundulnami Raja……  (di dok margana) marnatampak hamu tutu ro dohot pamoruonnami Raja ……..(di dok margana) mandapoton hami di son laho pasahathon jambar na gok i ma upa tulang, di dok tutu tintin marangkup. Dohonon nami antong :

Bulung namartampuk, bulung ni simarlasuna,
Nunga hujalo hami tintin marangkup,
Dohonon ma hata pasu-pasuna

Hot pe jabu i, tong do i margulang-gulang
Boru Pakpahan pe di alap bereniba si  Sondang na tong do i boru Sitorus boru ni Tulang.

Jadi borunta on ianggo di hutanami di Lumban Tonga-tonga – Silamosik  boru Sitorus do on . Alani i sada ma hita maradophon boronta on, ia hamu di jolo hami ma di pudi ia hami di jolo hamu ma di pudi paihut-ihut nasida. Jadi ampara mulai sadari on  si sada boru ma hita si sada anak.

Tu nasida pe antong dohonon ma songon ni dok ni natua-tua :

Dakka ni arirang, peak di tonga onan,
Badan nasida na so jadi sirang, tondi nasida marsigomgoman

Giring-giring ma tu gosta-gosta, tu boras ni singkoru,
Sai tibu ma nasida mangiring-iring anak, huhut mangompa-ompa boru.

Asa Rimbur ni Pakkat ma ina tu rimbur ni Hotang,
Sai tudia pe nasida mangalakka, sai tusi ma hamu dapotan pansamotan.

Botima , Horas ma di hita

Ketika Marhata Si gabe-gabe (Pasahat Ulos)

Untuk detailnya silahkan click Kategori: Umpasa (disana ada beberapa tulisan yang berkaitan dengan mandok hata pasahat ulos)

Read Full Post »

Sama halnya dengan Paranak, maka Parboru pun yang duduk di panggung di sisi kiri mempelai wanita: Natoras (ayah-ibu mempelai wanita), Sijalobara /Pamarai (saudara laki-laki ayah mempelai wanita/abang atau adik ayah mempelai wanita, Simandokhon/Simanggokhon (saudara laki-laki mempelai wanita/abang yang sudah berkeluarga atau anak laki-laki dari saudara ayah mempelai wanita), urutan berikut adalah keluarga terdekat yakni adik dari Pamarai atau adik dari Simangdokhon

Peran dan tanggung jawab Sijalobara/Pamarai dan Simanggokhon (dari pihak perempuan) juga berat yakni :

Sijalobara (Pamarai) :

  1. Bertanggung jawab atas jalannya seluruh acara dengan baik, tertib dan lancar. Pamarai yang bertanggung jawab dan berurusan dengan dongan tubu, parhata dan mengerahkan boru untuk marhobas.
  2. Mengingatkan hasuhuton perihal todoan (sesuai kesepakatan) termasuk memastikan kehadiran & kesiapsiagaan si jalo todoan dohot  panandaion.
  3. Bertanggung jawab atas ketersediaan semua amplop pinggan panganan tu horong ni hula-hula & tulang,
  4. Sijalobara (pamarai) mangalusi sungkun-sungkun ni Raja Parhata taringot tu sinamot Biasanya sebelum di undukhon/diolophon perihal jumlah sinamot yang akan di terima sesuai yang di sampaikan Raja Parhata Paranak, maka Raja Parhata ni Parboru akan menanyakan hasuhuton tanggapan mereka atas permintaan pihak paranak, maka yang berwenang menjawabnya adalah Pamarai. Adapun jawabannya biasanya sbb: Di hamu hahadoli/anggidoli sian mulana pe nunga hupasahat hami tu hamu ianggo panghataion tu parboruonta, alai asa tung pos rohamu dohononku ma: Tandokhu do tandokmu, pandokhu do pandokmu, Raja do hamu na huparaja hami, raja do hamu na hu pajolo hami, nunga uli rohanami ba rap uli ma rohanta di sinamot na hinatahon ni parboruonta i,  olophon hamu ma hahadoli/ anggidoli, botima.
  • Catatan: Ingkon Sijalobara (Pamarai) do namangalusi sungkun-sungkun ni Raja Parhata ni Parboru alana molo Sinamot ringgit do di pamasuk ma i tu Puro, molo sinamot dorbia do dipamasuk ma tu Lobu. Ibana do melapor tu Suhut Sihabolonan taringot tu jumlah ni Ringgit dohot Dorbia sinamot na pinasahat ni paranak.  Jadi laos  Sijalobara (Pamarai) do na memastikan jumlahnya sesuai dengan yang telah di sepakati. Namun kenyataan sering kita perhatikan di pesta unjuk Sijalobara (Pamarai) dan Simanggokhon tidak menjalankan peran dan tanggung jawabnya bahkan terkesan asal duduk manis dipanggung. Yang memeriksa dan menghitung jumlah sinamot pe gabe Raja Parhata ni Parboru. Seharusnya Raja Parhata ni Parboru hanya sekedar melihat dan memastikan bahwa yang membawa pinggan sinamot adalah ayah dari pengantin pria (sekarang ini sering kita pehatikan yang membawa pinggan sinamot ibu pengantin pria – hal ini salah besar), setelah itu rombongan paranak di persilahkan naik ke panggung untuk selanjutnya menunjukkan sinamot ke Sijalobara (Pamarai), setelah di periksa dan di hitung Sijalobara, maka paranak dalam hal ini ayah pengantin pria selanjutnya akan menyerahkan ke ibu pengantin wanita. Ama do na pasahat sinamaot karena ama do uluan (kepala keluarga) dan yang bertanggung jawab atas pangolihon anak termasuk maharnya. Ina do namanjalo sinamot karena ina do si tiop puro (segala bentuk penerimaan harus ke bendahara keluarga).

Simandokhon:

  1. Bertanggungjawab dan memastikan kehadiran dari para undangan termasuk memastikan tersedia tempat duduk bagi mereka (tarlumobi inganan hundulan ni horong ni Hula-hula & Tulang)
  2. Bertanggungjawab atas pendistribusian dan pembagian konsumsi & logistik.
  3. Memastikan kesiapsiagaan na pasahat Ulos todoan.sesuai jumlah yang telah disepakati.

Diluar tugas utama Sijalobara & Simanggokhon tersebut maka selebihnya akan menjadi tugas dan tanggung jawab Paidua ni Suhut termasuk membacakan daftar dengke siuk (hujalo hami do dengke siuk sian …….. dst), dan menjadi penghubung dengan protokol dan raja parhata. Artinya paidua ni suhut lah yang menjai koordinator lapangan pelaksanaan ulaon unjuk dan dibawah koordinasi dari Sijalobara dan Simanggokhon. Note: suhut (orang tua mempelai wanita) seyogyanya hanya duduk tenang dan senyum manis, segala hal harus bisa diatasi dan di selesaikan oleh tiga serangkai Sijalobara, Simanggokhon, Paidua ni Suhut.

Pertanyaannya siapakah Paidua ni Suhut tersebut ?  Paidua ni suhut ialah keluarga terdekat suhut sihabolonan yang tidak duduk di panggung yakni anak dari bapa tua atau bapa uda dari suhut sihabolonan yang memang telah disepakati dalam tonggo saripe untuk menjadi berperan sebagai paidu ni suhut. Contoh : jika saya pamulihon boru dan ulaon tersebut di Jakarta ini, maka di tonggo saripe akan kami tetapkan siapa yang duduk di panggung. Sijalobara (abang A. Tamado atau angginiba A. Dimpos), Simanggokhon (Julius atau Dimpos atau Hitado Managam–dalam konteks ini kita anggap mereka sudah berkeluarga), maka paidua ni suhut adalah diantara abang Willem Sitorus,  Sahat Pardomuan  Sitorus, atau Muji Sitorus (baca juga tarombo penulis – klick katgeori administrator, lihat silsilah administrator)

(Dirangkum dari berbagai sumber termasuk panuturion ni angka natua-tua)

Read Full Post »

Di pesta pernikahan adat batak pasti kita temukan sederetan orang duduk berpasang-pasangan di panggung dekat mempelai. Adapun mereka yang duduk di kursi tersebut adalah keluarga terdekat dengan urutan sbb:

Sisi Kanan Mempelai Pria : Natoras (ayah-ibu), Pamarai (saudara laki-laki ayah mempelai pria/abang atau adik ayah mempelai pria, Simanggokhon (saudara laki-laki mempelai pria/abang yang sudah berkeluarga atau anak laki-laki dari saudara ayah mempelai pria), urutan berikut adalah keluarga terdekat yakni adik dari Pamarai atau adik dari Simanggokhon. Demikian halnya dengan yang duduk di sisi kiri mempelai wanita: Pamarai /Sijalobara (saudara laki-laki ayah mempelai wanita/abang atau adik ayah mempelai wanita, Simandokhon/Simanggokhon (saudara laki-laki mempelai wanita/abang yang sudah berkeluarga atau anak laki-laki dari saudara ayah mempelai wanita), urutan berikut adalah keluarga terdekat yakni adik dari Pamarai atau adik dari Simanggokhon

Sesungguhnya peran dan tanggung jawab Pamarai dan Simanggokhon (dari pihak pria) sangat berat yakni :

Pamarai :

  1. Bertanggung jawab atas jalannya seluruh acara dengan baik, tertib dan lancar. Pamarai yang bertanggung jawab dan berurusan dengan dongan tubu, parhata dan mengerahkan boru untuk marhobas.
  2. Memastikan dan mengingatkan hasuhuton perihal sinamot dan bertanggung jawab atas ketersediaan semua amplop todoan dohot panandaion, amplop pinggan panganan sesuai dengan yang telah disepakati, termasuk kehadiran & kesiapsiagaan napasahat todoan sesuai daftar.
  3. PAMARAI mandok hata patujolo ni mangido pangurupion/manjalo tumpak , songonon ma hatana si dohonon ni pamarai: Hamu angka na huparsangapi hami, amanta raja dohot inanta soripada, Di hamu dongan tubu nami, dongan sahuta, aleale, tarlumobi ma dihamu borunami dohot berenami, tung hirim si tutu do rohanami di ungkap ni roha mu mangurupi hami, songon nidok ni umpama: sisolisoli uhum siadapari gogo, nunga rade hami di son laho manjalo tumpak, panungkolionmu dihami na pangolihon anaknamion, ro ma hamu mamboan tumpak mu nunga rade hami manjalo. Songoni ma nang di hamu horong ni Hula-hula dohot Tulangnami songon nidok ni umpama ma dohonon nami: Dangka do dupang, Amak do rere, Amang do Tulang, Anak do ia Bere’ Molo tung ungkap roha ni Raja i naeng manumpahi hami di pangoli ni  Anaknami  Beremuna on, las ma rohanami manjalo. Mauliate ma parjolo hupasahat hami. (langsung mangido musik – Songoni ma di hamu parmusik nami ala naeng manjalo tumpak pangurupion ma hami sian Dongan Tubu nami, Boru dohot Bere, suang songon i nang ale-ale dohot dongan sahuta nami, asa baen damang ma musik na hombar tu si, Botima)
  4. catatan: sasintongna ingkon PAMARAI do namanggora tingki laho manjalo tumpak dohot na mandok maulitae tu angka na pasahat  tumpak dung sidung na manjalo tumpak, alana PAMARAI ima Suhut Paranak, na manjalo Tumpak sian angka Sisolhotna, molo tumpak ringgit di pamasuk ma i tu Puro, molo tumpak dorbia dipamasuk ma tu Lobu. Ibana do melapor tu Suhut Sihabolonan taringot tu jumlah ni Ringgit dohot Dorbia sian Tumpak ni angka Sisolhot. Jadi laos PAMARAI do annon na mangalehon kesempatan tu parumaen laho sahali manjomput amplop tu nasida, dungi pasahathon ni pamarai ma tumpak i tu inanta hasuhuton. Namun kenyataan sering kita perhatikan di pesta unjuk Pamarai dan Simanggokhon tidak menjalankan peran dan tanggung jawabnya bahkan terkesan asal duduk manis dipanggung. Manjalo tumpak pe protokol na ma namandok hata huhuasi jala na mangalehon kesempatan tu parumaen laho manjomput amplop sian tumpak ipe laos protokol i nama tong, songon i na pasahathon tu inanta hasuhuton.

Simanggokhon:

  1. Bertanggungjawab dan memastikan kehadiran dari para undangan termasuk memastikan tersedia tempat duduk bagi mereka (tarlumobi inganan hundulan ni horong ni Hula-hula & Tulang)
  2. Bertanggungjawab atas pendistribusian dan pembagian konsumsi & logistik.
  3. Memastikan kesiapsiagaan sijalo ulos sesuai daftar sijalo ulos.

Diluar tugas utama Pamarai & Simanggokhon tersebut maka selebihnya akan menjadi tugas dan tanggung jawab paidua ni suhut termasuk membacakan daftar dengke siuk (hujalo hami do dengke siuk sian …….. dst), dan menjadi penghubung dengan protokol dan raja parhata. Artinya paidua ni suhut lah yang menjai koordinator lapangan pelaksanaan ulaon unjuk dan dibawah koordinasi dari Pamarai dan Simanggokhon. Note: suhut (orang tua mempelai pria) seyogyanya hanya duduk tenang dan senyum manis, segala hal harus bisa diatasi dan di selesaikan oleh tiga serangkai Pamarai, Simanggokhon, Paidua ni Suhut.

Pertanyaannya siapakah paidua ni suhut tersebut ?  Paidua ni suhut ialah keluarga terdekat suhut sihabolonan yang tidak duduk di panggung yakni anak dari bapa tua atau bapa uda dari suhut sihabolonan yang memang telah disepakati dalam tonggo saripe untuk menjadi berperan sebagai paidu ni suhut. Contoh : jika saya pangolihon anak dan ulaon tersebut di Jakarta ini, maka di tonggo saripe akan kami tetapkan siapa yang duduk di panggung. Pamarai (abang A. Tamado), Simanggokhon (Tamado-dalam konteks ini kita anggap sudah berkeluarga), maka paidua ni suhut adalah diantara abang Willem Sitorus,  Sahat Pardomuan  Sitorus, atau Muji Sitorus (baca juga tarombo penulis – click kategori administrator, lihat silsilah administrator)

Sampe Sitorus /br Sitanggang (A.Hitado Managam Sitorus)

(Dirangkum dari berbagai sumber termasuk panuturion ni angka natua-tua)

Read Full Post »

Aha do si boanon tu tutur molo ro hita tu sada ulaon ?. Na parjolo ingkon botoonta aha do haroronta (sebagai apa kita datang).

1. Ulaon Las Ni Roha Di Jabu (Pasahat Ulos Mula Gabe, Mamoholi/Tardidi,Malua Sian Panghanghungi/Lepas Sidi).

Pasahat Ulos Mula Gabe

Hula-Hula tangkas (parboru) mamboan : Parbue Gabe (tandok berisi beras), Dengke Sitio-tio/Simudur-udur/Sahat, Ulos Bintang Maratur.

Jala holan Hula-Hula tangkas (parboru) do napasahat ulos (uduranna dang pasahat ulos). Siboanon ni uduruan ni Parboru : Parbue Gabe (tandok berisi beras).

Molo pihak paranak do hita dang pola adong siboanonta ai namanjalo haroro ni Hula-hulado hita.

Mamoholi/Tardidi

Molo holan mamoholi do dang adong ulaon tardidi somalna horong ni Parboru  mamboan Parbue Gabe (tandok berisi beras) dohot manuk jambe (ayam jantan) na mangolu laos ima di lompa. Nasomal nuaeng on molo ulos parompa dipasahat tingki di ulaon tardidi.

Di ulaon tardidi, Hula-Hula tangkas (parboru) mamboan : Parbue Gabe (tandok berisi beras), Dengke Sitio-tio/Simudur-udur/Sahat, Ulos Mangiring. Jala holan Hula-Hula tangkas (parboru) do napasahat ulos (uduranna dang pasahat ulos). Siboanon ni uduruan ni Parboru (horong ni tulang ni na  tardidi): Parbue Gabe (tandok berisi beras), molo uli rohanta tapasahat ma singkat ni ulosta hepeng songon pasi baju ni berenta na tardidi i. Horong pariban ni natoras ni na tardidi i mamboan pasibadak ni na tardidi i.

Molo pihak paranak do hita siboanonta: Parbue Gabe, horong ni boru pasahat pasibadak ni na tardidi i. Dongan sahuta mamboan Parbue Gabe manang pasibadak ni na tardidi i.

Malua sian panghanghungi (lepas sidi)

Hula-Hula tangkas (parboru/tulang ni na lepas sidi) mamboan : Parbue Gabe (tandok berisi beras), Dengke Sitio-tio/Simudur-udur/Sahat, Ulos Sadum (lambang kecerian/suka cita). Siboanon ni uduruan ni Parboru (horong ni tulang ni na lepas sidi) : Parbue Gabe (tandok berisi beras), molo uli rohanta tapasahat ma singkat ni ulosta hepeng songon si palas roha ni berenta na lepas sidi i. Horong pariban ni natoras ni na tardidi i mamboan si palas roha ni na lepas sidi i (jala tu na lepas sidi ido i di tabehon). Dongan sahuta mamboan si palas roha ni lepas sidi i.

Molo pihak paranak do hita siboanonta: Parbue Gabe, horong ni boru pasahat si palas roha nina lepas sidi i.

2. Ulaon Las Ni Roha Na Asing (HUT, Jubielum Pernikahan)

Somalna sai diboan Hula-hula & Tulang do dengke. Boru sai tar dijalangkon do hepeng, dung i sude angka na asing mamboan boras manang hepeng.

 

3. Ulaon Manuruk / Mangompoi Jabu.

Hula-Hula tangkas (parboru) mamboan : Parbue Gabe (tandok berisi beras), Dengke Sitio-tio/Simudur-udur/Sahat, Ulos Sadum (lambang kecerian/suka cita). Tulang tangkas ni par jabu mamboan : Parbue Gabe (tandok berisi beras), Dengke Sitio-tio/Simudur-udur/Sahat, Ulos Sadum (lambang kecerian/suka cita). Jala holan Hula-Hula (parboru)  dohot Tulang tangkas do napasahat ulos (uduranna dang pasahat ulos).

Siboanon ni uduruan ni Parboru dohot Tulang  (horong ni hula-hula dohot tulang ni na mamasuhi jabu) : Parbue Gabe (tandok berisi beras). Horong Pariban, Dongan Sabutuha, Dongan Sahuta dohot Ale-ale mamboan Parbue Gabe. Horong ni boru maboan hepeng (sampetua) manang pinahan lobu/lombu/horbo.

4. Ulaon Pamuli Boru.

Sude na pinio ni hasuhuton parboru (termasuk horong ni hula-hula & tulang) mamboan Parbue Gabe (tandok berisi beras). Parboru namarhaha-maranggi (solhot) mamboan dengke siuk. Ido asa somal tabege di gorahon di ulaon unjuk : hujalo hami do dengke siuk sian kel. ……../br ………. (amangudana) dll.

Taringot tu ulos holan hasuhuton namarhaha maranggi ma na pasahat ulos, ianggo angka uduran dohot pariban di papungu ma hepeng songon singkat ni ulos jala dipasahat ma i tu penganten tingki mangulosi, jala denggan ma di hatahon i tu penganten asa nasida ma manuhor ulos silomo ni rohana. (dalam pengertian mamfaatkanlah uang tersebut untuk keperluan berumah tangga). Hal ini lebih baik sehingga tidak terkesan obral ulos dan acara bertele-tele.

Hula-Hula tangkas (tulang ni na muli), Horong ni Tulang dohot Horong Hula-hula & Tulang mamboan : Parbue Gabe (tandok berisi beras), Dengke Siuk, Ulos Ragi Hotang (lambang pengikat kasih). Ido asa somal tabege di gorahon di ulaon unjuk : hujalo hami do dengke siuk sian Hula-hula nami (di dok margana)  ………………  sian ……………. dst.

Holan angka Hula-hula tangkas dohot Tulang tangkas ma  na pasahat ulos. Sude uduran ni Hula-Hula (tulang ni na muli), Horong ni Horong Tulang  dohot Horong Hula-hula di papungu ma hepeng songon singkat ni ulos jala di pasahat ma i tu penganten tingki mangulosi, jala denggan ma di hatahon i tu penganten asa nasida ma manuhor ulos silomo ni rohana. (dalam pengertian mamfaatkanlah uang tersebut untuk keperluan berumah tangga). Hal ini lebih baik sehingga tidak terkesan obral ulos dan acara bertele-tele.

Demikian halnya dengan punguan-punguan termasuk dongan sahuta cukuplah hanya ulos yang sesuai dengan AD/ART punguan, lainnya di papungu ma hepeng songon singkat ni ulos jala di pasahat ma i tu penganten tingki mangulosi, jala denggan ma di hatahon i tu penganten asa nasida ma manuhor ulos silomo ni rohana.

5. Ulaon Pangoli Anak.

Hula-Hula tangkas (tulang ni na mangoli), Horong ni Tulang dohot Horong Hula-hula & Tulang mamboan : Parbue Gabe (tandok berisi beras), Dengke Siuk, Ulos Ragi Hotang (lambang pengikat kasih). Ido asa somal tabege di gorahon di ulaon unjuk : hujalo hami do dengke siuk sian Hula-hula nami (di dok margana)  ………………  sian ……………. dst.

Holan angka Hula-hula tangkas dohot Tulang tangkas ma  na pasahat ulos. Sude uduran ni Hula-Hula (tulang ni na mangoli), Horong ni Horong Tulang  dohot Horong Hula-hula di papungu ma hepeng songon singkat ni ulos jala di pasahat ma i tu penganten tingki mangulosi, jala denggan ma di hatahon i tu penganten asa nasida ma manuhor ulos silomo ni rohana. (dalam pengertian mamfaatkanlah uang tersebut untuk keperluan berumah tangga). Hal ini lebih baik sehingga tidak terkesan obral ulos dan acara bertele-tele. Jala asa sesuai tu hata ni sijolo-jolo tubu ” amak do rere anak do ibebere” jadi dang sala molo tung manumpakhi pe angka Horong ni Tulang dohot hula-hula.

Dongan Tubu, Boru /Bere , Dongan Sahuta, Ale-ale pasahat tumpak di alaman kecuali ”sapanganan” (na marhaha maranggi dohot boru na solhot ba martumpak di jabu ma nian tingki manjalo parumaen di jabu dung sidung mulak sian parpestaan/gedung).

Di Ulaon Pasahat Sulang-sulang pahompu(mangadati nunga adong ianakhonna) Batu ni Sulang (mangadati dang adong dope ianakhonna),  tar dos do boan boan dohot tingki pamuli boru / pangolihon anak. (tinggal kita datang dari pihak mana).

6. Parmonding ni  Natua-tua (Sarimatua/Saurmatua/Maulibulung).

Hula-Hula, Tulang dohot Horong Hula-hula & Tulang mamboan : Parbue Gabe (tandok berisi beras), dohot ulos sesuai hasil parrapoton (tonggo raja)

Dongan Sabutuha, Dongan Sahuta dohot Ale-ale mamboan boras manang hepeng. Boru/Bere mamboan hepeng.

7. Pesta Manambakhon Ompu.

 

Hula-Hula, Tulang dohot Horong Hula-hula & Tulang mamboan : eme (tandok berisi padi), dohot Ulos (sesuai hasil parrapoton /tonggo raja).

Boru mamboan hepeng manang pinahan (lombu/horbo). Dongan Sabutuha, Dongan Sahuta dohot Ale-ale mamboan boras manang hepeng.

Pinadomuni (dirangkum oleh) :

Sampe Sitorus, SE  (A. Hitado Managam Sitorus)
Medang Lestari B3/K11  08129052462

 

 

Referensi & Daftar Pustaka :

 

  1. Jambar Hata – Dongan Tu Ulaon Adat, T.M Sihombing, CV Tulus Jaya
  2. Dalihan Natolu Nilai Budaya Suku Batak, Drs. DJ Gultom Rajamarpodang, CV Armada –Medan
  3. Garis Besar Ruhur-Ruhut Paradaton Sitorus, Buku Parsadaan Raja Sitorus Dohot Boruna (PARSIBONA) JABOTABED
  4. Literatur lain dohot panuturion ni natua-tua

Read Full Post »

Jot-jot do binege hata manuruk-nuruk, aha do lapatanna jala aha disuruk?

Molo sohot anak dohot parumaen na so martinasak (dang dope mangadati /mangalua), ingkon do ulahonon ni natoras ni paranak, anakna dohot parumaenna manopot hula-hulana, ima simatuani anakna i. Ima ginoaran tardege balintang, tarsuruk tohang.

Dung manang pigapiga bulan dung mangalua keluarga na imbaru i, dung hira mombun muruk ni Parboru, ditingkina diutus Paranak ma Parboruonna laho mangadopi Parboru, mangelek-elek asa boi nasida nian ro manuruk-nuruk tu huta ni Parborui laos manangkasi utangna di paradaton. Dung masipaolo-oloan, dibuhul nasida ma tingki dipanjalo ni Parboru diharoro ni Paranak laho mangulahon Ulaon Adat Na-Manuruk-nuruk.

Manuruk-nuruk lapatanna: ala naung marsala iba, tar biar do roha mandapothon inganan ni Parborui, godang angka sihabiaran dibahen i gabe songon namanuruk-nuruk ma iba laho pajumpang huhut dibagasan biar ni roha. jala unang pinadirgak simanjujung songon napatuduhon gogo ingkon unduk do.

Di ulaon manuruknuruk mamboan sipanganon dohot namargoarna do paranak.  Siadopan: ditingki par ro ni Paranak laho manuruk-nuruk tu jabu ni Parboru:
1. SI UNGKAP BAHAL

Dung sahat rombongan ni Paranak di alaman ni Parborui (bahal ni Huta) nunga jongjong disi manang piga halak sian Parboru. Lehonon ni Paranak majolo parisapan tu nasida, dungi didok ma hatana: Rajanami, huboto hami do naung sala hami pajolo holong papudi Uhum, na ro do hami nuaeng marsomba tu hula-hulanami laho manopoti hasalaannami, asi ma roha ni Raja i, buka hamu ma bahal i asa masuk hami.

SI UNGKAP BAHAL : – songoni ma lelengna dohot lojanami pajaga- jaga bahal on, hape ro hamu mangido asa hu-ungkap hami asa masuk hamu. Alai ala na naeng manopoti sala hamu las do rohanami disi, alai jolo garari hamu jolo Upa ungkap bahal.

Paranak : Mauliate ma Raja ni hamu sijaga bahal on, ba dison otik-godang hupasahat hami ma sipalas rohamu. Dung diungkap bahal adapon ma muse Sordadu sitiop hujur goaran ma:

2. SANGKE HUJUR

Songon panghataion na mangadopi Ungkap Bahal i, tarsongoni ma cara panghataion dohot silehonon sipalas roha nasida goaron mai Upa Sangke Hujur.

3. PANGIHUT-IHUT :

Detektif = mata-mata, jala sipasahat laporan tu Parboru, manang nasongon dia posisi ni Borunai dihuta ni Paranak. Hadapon museon huhut gararon upana = Upa ni Pangihut-ihut.

4. RAJA HUTA (Komando)

Ingkon denggan ma hata elek-elek tu Raja ni Huta ai laos nasida na boi dohonon gabe dongan laho mangadopi Pihak Parboru

Alai diangka nadeba: Dung sidung marsipanganon, jala di nalaho mamungka manghatai Paranak dohot Parboru disi ma dipangido Parboru asa gararon:

1.Upa ni si ungkap Bahal – 2. Upa ni Sangke Hujur – 3. Upa ni Pangihut-ihut – jala parpudi asa sahat iba namanungkun utang gararon ma -4. Upa ni Raja ni Huta.

ULAON DUNG MASUK PARANAK TU BAGAS NI PARBORU

Dung masuk Paranak na ni joloan ni Boruna na mamboan Ampang marisi Namargoarna dohot sipanganon na asing, dipeakhon ma jolo ditonga-tonga ni inganan ni namarpungui paima disigati Pihak Parborui.(songon ditingki Ulaon Marhusip)

Pendek kata, dung disigati, dipauli Boru ni Paranak ma sipanganoni tu inganan pangaradean (dapur) paima dipungka ulaon. Laos ditingki namasuhi Paranak nunga marbaris Parboru manjalo jalang-jalang ni Paranak huhut dipatuduhon Parboru inganan di Paranak.

Pasahat Tudu-Tudu ni Sipanganon Paranak tu Parboru:

Rajanami, Hula-Hulanami parjolo ma hami pasahathon hamauliateon ni rohanami tu Tuhanta Pardenggan Basa i di pandonganionNa di hami ro mandapothon hamu Hula-Hulanami jala hudapot hami hamu di bagas namarampang namarjual on dibagasan hahipason dohot las ni roha manjalo hami. Huboto hami do tangkas Rajanami balga ni hasalaan nami maradophon hamu ima napajolo holong anaknami dohot borumu, papudi uhum, di bahen i ma hami ro tu adopanmu Rajanami manomba hamu sampulu jari pasampulu sada simanjujung manopoti hasalaan nami i, ai molo sala ni anakna, sala ni Amangna do i. Hutopoti hami ma Rajanami hasalaan nami i.
Dison, Rajanami hupasahat hami ma tudu-tudu ni sipanganon tu adopanmu laho manubut rohamu di hasalaan nami i,  ihut tusi dohonon nami ma:

Godang sibutong-butong, otik sipir ni Tondi, tung songon on dope na boi tarpatupa hami laho manomba hamu Rajanami, pamurnas mai tu daging saudara tu bohi, sipalomak imbulu mai sipaneang holi-holi sai songon bagot na marhalto ma na tubu dirobean, las ma rohani hula-hulanami manjalo huhut manganhon, mandok mauliate ma hami na mangalean. Botima, huhuasi nami Rajanami.
(Parboru manariashon namanjalo tudu-tudu ni sipanganon tu dongan tubu, boru dohot Raja na ginokkon na pungu i, huhut laos di gora Boruna paradehon Dengke sipasahaton nasida)

Pasahat Dengke Parboru:

Dihamu Parboruon na ro mandapothon hami di bagas on, nunga di pasahat hamu tu hami tudu-tudu ni sipanganon nuaeng antong hupasahat hami ma tu hamu Dengke Simudur-udur, Dengke si Si tio-tio, Dengke Sahat, dohot pangidoan asa unang be masa angka namangarsahi roha ni dongan tu joloan on, alai sai Asi ma Roha ni Tuhanta, sai mudur-udur ma antong parhorason panggabean i di hita tu joloan on, songon tio ni rohamuna i ro mandapothon hami sai tio ma nang angka pansamotan i jala dengke sahat ma on sai sahat ma pasu-pasu ni Tuhanta di partondongonta tu joloan on. Songon on pe dengke nahupasahat hami on, las ma rohamu manjalo.
Masijalangan – hundul be tu ingananna – martangiang sian Paranak. –

MARSISISEAN

Dung sidung marsipanganon:
Parboru : Manungkun taringot tu tudu-tudu ni sipanganon

Paranak : Surung-Surungmu doi Rajanami

Songon ditingki Na Marhusip dipasoding Boru ni Parboru tudu-tudu ni sipanganoni mamungka ma manghatai.

Panise sian Pihak Parboru tu suhut Parboru: (namardongan tubu marsisisean)

Hata ni Haha-Anggi ni Parboru:

Manghatai ma hita ampara, Gonghon sipaimaon jou-jou sialusan. Ia nunga ro hami tu bagasta na marampang na marjual on; hundul iba di amak tiar, sai tiar ma parnidaanta tu joloan on. Nunga huhut bosur iba mangan indahan nalas jala sagat marlompan natabo, jadi hata ni sipanganon i ba dipaboa amparaniba ma. Botima.

Paidua ni suhut mangalusi :

Gabe ma jala horas, ampara, mauliate do dohonon nami di haroro muna tu bagasta on, ai pintor di oloi hamu do jou-jounami. Sian i tarido do na sapangkilalaan hita di ganup adong na masa di hita. Taringot di hata ni sipanganon panggabean parhorasan do. Boti ma.

Hata ni Haha-Anggi ni Parboru:

Ba anggo i do hape nauli ma i. Alai songon ni dok ni ompunta si jolo-jolo tubu: Sai marangkup do na uli mardongan do nadenggan. On pe tangkas ma di paboa ampara niba siangkupna songon na hundul, sidongannna songon na mardalan. Botima

Hata ni Haha-Anggi ni Parboru:

Tutu do i ampara na ni dok muna i sai marangkup do na uli mardongan do nadenggan. Jadi asa tung tangkas botoon ni hamu sude na hupio hami taringot tu lapatanni punguanta sadarion, songon na niidamuna ampara, na ro do nuaeng tu jabunta on parboruonta marga………………

Manaruhon sipanganon di hita. Jadi rap ma hita manungkun tu nasida manang aha do hinarohon nasida tu bagasta on. Tu sude na hupio hami do hata nami on. Botima.

Hata ni Haha-Anggi ni Parboru:

Mauliate ma ampara nunga di paboa hamu pangalaho ni parpunguanta on, jala di pangido hamu asa rap manungkun hita tu parboruonta taringot hinarohon nasida apala di ombas on.

Na denggan ma i tutu, laos husungkun ma tu hita salauhutna: ise ma sian hita namanungkun nasida?  (Somalna dialusi na torop: “ Ba laos hamu ma “) dung i diuduti :

Hamu parboruon nami marga ….., Ala nunga huboto hami na manuruk-nuruk do hamu sadari on, jolo lehonon nami do tingki tu dongan sahuta nami papuas rohana tu hamu. Dihamu dongan sahuta nami pinasahat ma partingkian tu hamu.

Hata ni Dongan Sahuta:

Di hamu lae, namangudurhon anak dohot parumaenmuna na mangalua i do tu son. Jadi andorang so pinungka panghataion jolo pangidoonku dope siilehononmuna tu hami na mardomu tu adatni huta nami. Asa garar hamu ma jolo :

Parjolo Upa SI UNGKAP BAHAL/HARBANGAN ai na diungkap nasida do harbangan asa boi hamu masuk tu huta on.

Paduahon Upa SANGKE HUJUR ai niumpat do hujur laho mamantom panangko, alai ala naung ro hamu mangaku hasalaonmuna, ba sangke on na ma hujur i, asa boi hita manghatai dibagasan dame. Jala laho pasahathon i ingkon do tu sude hami ris bahenon mu. (semua harus kebagian namun perihal nominal sesuai kemampuan).

Pande Hata ni PARANAK

Nauli Rajanami, rade do hami mangehon i, Ba rade ma hamu Rajanami manjalo (uang diserahkan /di salamkan).

Hata ni Dongan Sahuta

Mauliate ma. Di hamu hasuhuton nami nunga denggan dipasahat nasida tu hami sipasahaton nasida, asa uduti hamu ma.

Pande Hata ni PARBORU

Amangboru… songon hata ni ompunta sijolo-jolo tubu do dohononku:

Sai jolo ni nangnang do asa ninung-nung

Sai jolo pinangan do asa sinungkun

Ba nunga bosur hamia mangan indahan na las na binoanmuna i, sagat marlompan na tabo. Nuaeng pe ba paboa hamu ma tu hami dia do hinarohon muna dohot lapatan ni sipanganon na binoan muna i. Tangkas ma hatahon hamu Dia nangkatna, dia ultopna, Dia ma hatana, dia nidokna. Sibegeon ni sipareon, sipeopon ni roha. Botima da Raja ni boru.

Pande Hata ni PARANAK

Gabe ma hita jala Horas Rajanami. Taringot di hata ni sipanganon i, ba sai pamurnas mai tu pamatang muna, saudara tu bohimuna. Tung so sadia pe i nuaeng, sai hadengganhon hamu ma i Rajanami.

Mauliate ma di Tuhanta Pardenggan Basai, Mauliate ma dohonon nami nang tu hamu saluhutna Hula-Hulanami, Paribannami, Raja ni Dongan Sahuta na huadopi hami nuaeng dison diharadeon ni rohamu manjalo hami na ro tu bagas namarampang namarjual, namarsangap namartua sigonggom pangisina. Rajanami! Nunga tardege balintang hami tarsuruk tohang ni jabu ni Raja i, patuduhon topot-topotnami. Ia di ari na salpu martonga ni jabu martonga ni asean anaknami dohot boru ni Raja i ndang tarpatupa hami dope somba ni adat somba ni uhumnami tu Raja i, ala ni pogos do Rajanami.

Ia haroro nami mamboan anaknami dohot parumaen nami, Borumu laho manopoti hasalaan nami Rajanami, di angka pangalaho ni anaknami napajolo holong papudi uhum ima naparajahon Borumu. Nunga sala hami disi, ai molo hasalaan ni anakniba, hasalaan ni natorasna do i, laos dison do hahadolinami dohot angkangborunami pangintubu di anaknami on, asa rap ma hami marsomba tu hamu Rajanami asa salpuhon hamu ma hasalaan nami i huhut manjalo anaknami on gabe anakmu nang pe naung sala ibana maradophon hamu ditingki nasalpu i.

Songoni ma jolo sombanami Rajanami.

Pande Hata ni PARBORU:

Mauliate ma di hamu Amangboru, sintong do nidokmunai nunga pajolo gogo hamu papudi uhum, nuaeng ro hamu manopoti salamu, tarjalo hami do i ai songoni pe pambahenmu tu hami, marsak hami saluhut, alai tutu Dame nasian Tuhanta do namian dihita, nunga mulbas rohanami dung huida hami bohi ni Borunami, hipas do ibana huida hami. Taringot tu pangidoan muna i na boi ma oloan nami alai jolo pature hamu ma jolo somba-sombamu tu si ungkap bahal, sanghe hujur, pangihut-ihut dohot Raja ni huta asa dung sidung denggan di adopi hamu nasida asa hulehon hami angka alusnami tu hamu.

- Aluasna (molo nunga di adopi nangkin sebelum masuk tu bagas ni hula- hula): nunga husomba hami nasida nangkining Rajanami, ai anggo soi beha ma parmasuk nami laho mangadopi Raja i).

- Alusna (molo dang dope di adopi nangkin sebelum masuk tu bagas ni hula-hula): dia ma nasida Raja i si ungkap bahal asa husomba hami (serahkan sejumlah uang), dia ma Raja i sitiop Hujur asa husomba hami asa disanghe hujuri (serahkan sejumlah uang), dia ma nasida Raja i pangihut-ihut asa husomba hamu paulak loja nasida (serahkan sejumlah uang)– dia ma Raja i Rajani Huta asa husomba hami asa di ondingi jala didongani hami laho mangadopi hamu Raja ni Hula-Hulanami.

Dung sidung sudena i di garar Paranak, didok ma asa mangido panuturion sian Parboru dohot angka pasu-pasu.

Dialusi Parboru dohot angka Boruna songon on:

Jolo pasahat hamu ma pasituak natonggi tu sude hami napunguon asa hupasahat hami hata nauli hata pasu-pasu tu hamu.

Paranak manuru Anakna dohot Parumaenna pasahat Pasituak Natonggi tu sude hula-hula napungu dibagasi.

Pande Hata ni PARANAK

Rajanami, ia nunga husomba hami hamu sude songoni nunga hupasahat hami pasituak natonggi tu hamu asa olo ma hamu Rajanami mansalpuhon sude hasalaan nami i jala pangidoan nami laos pasu-pasu hamu ma hami Rajanami asa tiur-tiur angka sidalanan tujoloan on. Alai tahe asa tung sude mardame-dame parjolo ma jolo dohononanmi asa manopoti hasalaannna Anak nami dohot Parumaen nami tu hamu hula-hula nami tarlobi ma tu Tunggane dohot Inangbao nami di bagas on.  Laos di suru ma jongjong anak dohot parumaen i marsomba tu adopan ni Simatuana laho mangido maaf huhut didok hatana :

Parjolo ma hami mandok mauliate tu Amanta Debata Pardenggan Basai. Di hamu Amang dohot di hamu Inang, songon i nang di sude hamu nahuparsangapi hami, marsomba ahu sampulu jari pa sampulusada simanjujung manopoti hasalaanhu maradophon hamu di angka ari nasalpu i di nahuparaja Borumu so dohot parbinotoanmu, huluahon ibana sian jolomu, huarsahi hamu holan ala ni natarboan rohangku ahu namanghaholongi borumuna on. Huhilala do songon dia muruk dohot hansit ni rohamu hubahen alai namarsomba ma ahu nuaeng mangido lambas ni rohamu asa olo hamu marpamuati ma rohamu disude hasalaanhi maradophon hamu, jala marsomba ahu mangido haradeon ni rohamu asa jalo hamu ma ahu gabe anakhonmu,

Pos ma rohamu Amang, Inang sai na haholonganhu do Borumu na i sian sude roha dohot pangalahonhu, sai boan hamu ma hami di tangiangmu asa sai didongani Tuhanta hami di na mandalani ngolu parsaripeon nami on.

Botima pangidoanhu Amang, Inang, mauliate ma dihamu.

Pande Hata ni PARBORU:

Ima tutu Amang Hela nang di Borunami, nunga ditanda hamu salamu jala nunga las rohanami di naditopoti hamu hasalaanmu tu hami tarlobi tu simatuamu, sai sahat ma angka nauli sahat ma nadenggani tu hamu tujoloanon pasu-pasuon ni Tuhanta.

Laos dipasahat ma panghataion tu Parboru:

I pe Angkang, nang di Angkang Boru nunga dibege hamu panopotion ni hasalaan ni Helanta dohot Borunta ba nuaeng hupasahat ma tu hamu.

Parboru/Pangintubu (Natoras ni boru):

Di hamu Amang Hela nang di ho Boru Hasian, songoni ma balga ni arsak ni rohanami dibahen hamu, tarlobi pangalaho ni Borunghon, tung mansai hansit rohanami, so na hu orai hami hamu mardongan alai songoni ma pambahenmu tu hami, hansit situtu rohanami haru so tarbereng hami angka tondong, hira hami na sai mangambati pardonganonmu, so binoto alana gabe songoni pambahenmu tu hami. Alai tutu, nunga ro hamu manopoti hasalaan muna i tu hami, nunga mulbas muruknami, husalpuhon hami ma i sian roha nami jala dohonon nami ma:

Siboru buas siboru bakkara, molo dung puas dao soada mara.

Sai dipasu-pasu Tuhanta ma parsaripeonmuna on, didongani hamu tongtong mandalani ngolumuna, sai tubuan laklak ma hamu tubuan singkoru, tubu sanggar di parsopoan, sai tubuan anak ma hamu tubuan boru asa jengkar-jengkar di hangoluan. Songoni ma jolo hatanami tu hamu, horas ma hamu horas nang hami angka natua-tuamu. Botima.

Dihamu Lae nang dihamu Ito, diharoromunaon mandapothon hami mamboan Anakmu, Helanami, dohot parumaenmu, Borunami, manopoti sala hamu tu hami ala ni pangalaho ni anakhonta, dohonon nami ma Lae, Ito :    Pat ni Gaja tu Pat ni Hora, Anak dohot Boru ni Raja do hamu jala natoruk jala burju marroha. Sai dipasu-pasu Tuhanta ma hamu, pature-ture parumaen muna on, ditambai di hamu angka si las niroha tu joloan on, ba nunga dipature hamu angka roha ni naloja salelengon, namarsak, namuruk, sude mai, nunga lambas dalan i dibahen hamu, nunga buka be pintunami manjalo hamu manang andigan pe ro hamu.

Botima jolo hatanami Lae nang dihamu Ito, horas ma.

Dung sahat hata ni Natoras ni Boru i, diuduti ma muse manghatai.

OPSI I

Jika memang belum direncanakan untuk pasahat batu ni sulang atau sulang-sulang pahompu (mangadati).

Pande Hata ni PARANAK:

Ima tutu Rajanami sai gabe ma na niula sinur ma pinahan, puhut-puhutan ni anaknami dohot borumuna asa boi binuhul arina, ianggo ditingki on Rajanami tung na manuruk-nuruk tohang ni jabu ni Raja i do hami dalan mangelek tu Raja i.

Songon i ma hata ni paranak tu hula-hulana molo so dibuhul (direncanakan) dope arina laho mangadati. Alai di tingki ulaon manuruk-nuruk paranak tu huta ni parboru, sigonopan ni paranak do tu parboru lomuk tua, manang batu ni sulang, ai adat na hot do i dihatabatahon.

Ido umbahen didok: ADAT DO NA MET-MET ADAT DO NA BALGA.

Dungi pasahat hata nauli hata nadenggan hata gabe ma hulahula tu pamoruonna jala dipasahat dohot ulos holong tu hela dohot boruna. Di ulaon manuruknuruk paranak pasahat pasituak na tonggi tu parboru andorang so mangampu hata. On ma sada cara na resmi ni paranak patuduhon natinangkona (naniluahonna). Dung diulahon manuruknuruk nunga bebas hela dohot boru tu huta ni simatuana/natorasna.

OPSI II

Jika memang sudah direncanakan langsung mangadati (pasahat batu ni sulang jika belum ada anaknya –pria atau wanita, pasahat sulang-sulang pahompu jika sudah ada anaknya –pria atau wanita).

Pande Hata ni PARANAK:

Mauliate ma dihamu sude Rajanami, di lambas ni roha muna i manalpuhon sude hasalaannami maradophon hamu, Marjengga-jengga ma pinasa, marmutik antajau, nalambas marroha do hamu hula-hula jala natongtong mamasu-masu.

Pangidoan nami Rajanami, alai unang dok hamu sian tangan siat botohon alai pangidoan nami tu adopan ni Rajai molo tung dos tahinta sada nidanggur dua nahona; diharoronamion Rajanami beha molo laos tauduti ma namarhata sinamot, manungkun somba ni uhum, somba ni adat sipasahatonnami tu hamu, Otik godang siampehonon mu somba ni uhum somba ni adat ontak ni natarbahen hami oloan nami do hamu., alai ingot hamu Rajanami dihata ni umpama i namandok:

Madekdek ma lanteung, tu bona ni parira, unang dok hamu hami parteus molo so taroloi hami somba ni uhum pinangidomuna, silehonon do nasoada.

Songoni ma Rajanami pangidoan nami.

Pande Hata ni PARBORU:

Ido hape haroro ni pamoruan di ari na uli di bulan na denggan on di bulan parheheon on, sai hehe ma di hamuna panggabean hehe parhorasan, hehe nang dabu-dabu sai siripe gabe borunami dohot helanami. Andigan ma pasahatonmuna somba ni adatmuna dohot somba ni uhum??

Parhata ni PARANAK: (jika memang sudah direncanakan maka langsung dilanjutkan ke tulisan Laos di tingki on ma di hatai )

MANGHATAI SINAMOT DOHOT MANGARANGRANGI ULAON

Jika waktu manuruk-nuruk tidak langsung di tentukan kapan pelaksanaan manggarar adat maka:

Dinalaho manggarar utang (adat na gok) paranak, tong do ro nasida manggonghon. Ditingki na manggonghon (mengundang) on, pihak paranak mamboan sipanganon lengkap dohot namargoarna, parboru paradehon dengkena.

Laos ditingki on ma dihatai (digollit) sadia godang sipasahaton nasida di ulaon sulangsulang pahompu na naeng sipatupaon i, angka on ma:

- Sombasomba ni uhum (batu ni sulangsulang) alai molo dung marpahompu didok ma   goarna: Sulangsulang sian pahompu”
- Suhi ni ampang na opat
- Pinggan panganan
- Godang ni ulos herbang
- Ulos tinonun sadari
- Tintin marangkup
- Ari dohot tanggal ni ulaon
- Godang ni undangan sian parboru
- Ulaon di Alaman ni Paranak

Suman do ulaon on songon ulaon na mangarangrangi. Dung sidung sude dihatai/dirangrangi, pihak parboru pasahat hata pasu gabe tu pihak paranak. Andorang so mangampu hata pasu gabe dope pihak paranak, jolo pasahatonna do pasituak natonggi tu horong ni parboru songon di tingki na manuruknuruk. Mangampu ma pihak paranak, dipasahat ma muse tu pihak parboru (hulahula) laho manutup ulaon i dung sidung mangampu. Jadi diujungi parboru (hulahula) ma dohot ende dohot dibagasan tangiang.

ULAON DINAMANGGARARI ADAT NI NAMANGALUA (MANGADATI)

Pelaksanaan ni Ulaon songon Ulaon Adat Taruhon Jual
Ulaon Namangadati (manggarar Adat ni Namangalua)

Ro ma PARBORU tu Huta ni Paranak, rap dohot Dongan Tubuna, Raja naginokkon, Boruna, Berena dohot sude horong ni Hula-Hula nasida.
Diboan PARBORU ma Dengke Simudur-udur, Ulos Herbang, si Pir ni Tondi sesuai tu panghataion nasida ditingki na marhata sinamot/somba ni uhum.

Nunga dibagasan jabu (gedung) hian anggo Suhut Paranak, Pangoli (namangaluai) dohot Pardihutana, paimahon haroro ni Hula-Hulana Parboru i. Borhat ma pihak paranak manomunomu pihak parboru (hulahula) di harbangan asa masuk tu alaman/gedung. Jala molo nunga atur sude inganan/hundulan ni angka tutur naniontang ni hasuhuton na dua pihak, marpanungkun ma pihak paranak molo naung boi do mulaan marsipanganon. Dialusi pihak parboruma naung singkop sian nasida jala nunga boi marsipanganon.

Andorang so dimulai marsipanganon, jolo pasahaton ni pihak paranak do tudutudu ni sipanganon tu pihak parboru. Suang songoni do nang pihak parboru tong do pasahatonna dengke simudurudur tu pihak paranak. Namamilang tangiang sipanganon pihak parnak do. Dung sidung marsipanganon marbagai jambarma. Di tingki na marbagi jambar on parboru, pihak paranak pe mangido tingki sian pihak parboru asa boi nasida mangido tumpak sian angka tondongna.

Panghataion di ulaon mangadati dos do songon di ulaon namarhata sinamot di pesta unjuk, alai dang sinamot be goarna didok ma “Sombasomba ni uhum/batu ni sulangsulang” sian pahompu molo nunga adong pahompu. Songoni do nang todoan tu suhi ni ampang na opat, pasahaton ni paranak do tu pihak parboru. Tintin marangkup pe tong do pasahaton ni suhut na dua pihak (parboru dohot paranak) tu tulang ni anak mangoli dohot angka pinggan panganan.

Jala angka ulos herbang dohot ulos tinonun sadari dipasahat pihak parboru do tu pihak paranak. Dung sidung on sude di ulahon ma marhata sigabegabe. Sude tahe ruhutruhut ni paradaton/parjambaron di ulaon pesta unjuk sarupa do dohot di ulaon mangadati.

ULAON PASAHAT SULANG-SULANG NI PAHOMPU

Dos do tata cara ni Ulaon Adat di Ulaon Napasahat Sulang-sulang ni Pahompu dohot Ulaon Mangadati di Namangalua.
Ai na rap mangalua do i, alai molo migor namanuruk-nuruk dung mangalua dumenggan ma i sian dung mardakdanak asa mangadati (napasahat sulang-sulang ni Pahompu).  Molo Pasahat Sulang-Sulang ni Pahompu nunga sanga manang piga anakhon ni namangaluai asa mangadati.

Tamba ni hatana dinamanopoti salana didok : Songoni pe pangalahonami mangarsahi hamu tong mamasu-masu do hamu Rajanami nunga dipasahat Debata pasu-pasuna di hami ima ditubu ni Anak dohot di tubu ni Boru.

Sudena panghataion sian namamungka manopoti sala, mangarangrangi dohot pesta pe ndang pola haru adong bedana, holan i tutu, mangadopi Hula-Hula dung mardakdanak ndang pola songon biar ni halak na baru mangalua.

Jala godang do halak Batak angka namarjogal roha di kedua-belah Pihak, gabe olo sahat tu na monding namangaluai ndang MANGADATI.

Ulos Herbang : 1. tu na Mangalua
Songon napasahat Ulos Herbang di Ulaon Taruhon Jual
2. tu na pasahat Sulang-Sulang ni Pahompu
Songon napasahat Ulos Herbang di Ulaon Taruhon Jual + Ulos Parompa tu Pahompu.

Parjambaran Juhut : tu Ulaon na-dua on, songon di Ulaon Taruhon Jual.

Biasana, na dapot tarida diangka na MANGALUA ndang migor ro nasida manopoti sala alai jolo leleng do, deba ma manang piga anakhonna, dohot maksud, memang, dao ma ummura ulahononhon ulaoni sian nalangsung mangadati isarana ulaon na manuruknuruk.

Molo dung ro paranak manuruk nuruk tu huta ni parboru nunga boi be masitopotan. Molo adong pesta ni paranak nunga boi parboru martogi, alai togi sahuta ma jolo dohot togi saompu ndang dope sahat togi sahorja. Dung pe diadati asa boi togi sahorja. Ala adat do na met-met adat na balga di halak Batak: molo mangadati muse na marhasohotan i digoari ma pasahat sulang-sulang. Molo dung mardakdanak, pasahat sulang-sulang ni pahompu ma didok.

Parboru pe di na laho martogi tu na tinogihonna didok ma; ari adui manjalo sulang-sulang ni pahompu hita rap udur mahita marnatampak manopot pamoruanta (huta ni borunta), ninna.

Catatan:

Molo di dok na mangalua songon sada jalan pintas, sasintongna dang tepat. Alana molo naeng do pardongansaripeon i dibagasan adat na gok, gabe tamba do kewajiban siulahononton tu tingki na ro. Terutama bila alasannya alasan biaya justru na mangalua lebih mahal biayanya dikemudian hari.

Ai adat do nametmet adat do na balga. Manggarar adat (adat na gok) tidak harus di gedung dan menghabiskan dana puluhan hingga ratus juta. Di rumah pun dilaksanakan hal itu sah asal dihadiri dan direstui/ditolopi Suhi ni Ampang Na Opat (Dalihan Na Tolu + Raja) dari masing2 pihak suhut. (red : Ai di hutanami di Lumban Tonga-tonga Silamosik dang masa pesta di gedung, di alaman ni jabu do jala paling manewa tenda).

Pinadomuni (dirangkum oleh) :

Sampe Sitorus, SE  (A. Hitado Managam Sitorus)
Medang Lestari B3/K11 08129052462
Referensi dan Daftar Pustaka :
  1. Jambar Hata, T.M Sihombing, CV Tulus Jaya
  2. Dalihan Natolu Nilai Budaya Suku Batak, Drs. DJ Gultom Rajamarpodang, CV Armada –Medan
  3. Masyarakat dan hukum adat Batak Toba Oleh J C Vergouwen, Fuad Mustafid, T. O. Ihromi,
  4. St. DP Hutagalung (Op ni Salomo) http://purbatondangmargana.blogspot.com
  5. RIM NI TAHI Pasaribu Parlintong, posted by Advendes Pasaribu http://ultopultop.wordpress.com/
  6. Partungkoan Tano Batak http://tanobatak.wordpress.com
  7. Simanjuntak Sitolu Sada Ina : http://simanjuntak.or.id
  8. Literatur lain dan angka panuturion ni angka natua-tua.

Read Full Post »

Bona Tulang ? Siapakah yang dimaksud dengan Bona Tulang ?

Seringkali kami Sitorus pomparan Paralatan (Lumban Tongatonga) menerima  undangan (gonghon dohot joujou)  sebagai Bona Tulang. Secara khusus Undangan Bona Tulang sering datang dari “ianakhon nami” marga Nainggolan Parhusip – Lumban Nainggolan Silamosik-Porsea yang berdomisili di JABODETABEK. Banyak suka duka kami sebagai Bona Tulang.

Tidak jarang kami menghadiri pesta unjuk sesuai undangan namun sambutan hasuhuton “kurang hangat” terkesan bahwa hasuhuton tidak mengenal kami. Beberapa kejadian yang kami alami diantaranya pernah kami tidak kebagian tempat duduk padahal kami tidak terlambat datang/kami masuk sauduran semua horongnya Hulahula dohot Tulang. Di kesempatan lain Jambar Bona Tulang tidak sampai kepada kami, boru parhobas bersikukuh mengatakan sudah diserahkan padahal kami merasa belum terima. Di kesempatan lain sewaktu pasahat Pinggan Panganan (amplop berisi sejumlah uang), pihak hasuhuton bingung mencari dimana Bona Tulangnya, bertanya kesana kemari akhirnya mencari papan plakat. Menjadi pertanyaan dalam hati mengapa hal tersebut terjadi, bukankah hasuhuton yang mengundang kami? Hata ni natuatua mandok: Gonghon sipaimaon, joujou sialusan.

Mencoba menjawab sendiri pertanyaan tersebut maka KEMUNGKINAN besar pihak hasuhuton tidak mengerti betul apa dan siapa itu Bona Tulang. Dalam kekerabatan Batak kelompok Hulahula dan Tulang sebagai berikut:

Contoh :

Saya Sampe Sitorus mangalap boruni Raja i boru Sitanggang (A. Hitado Managam Sitorus), saatnya nanti putra kami Hitado Managam Sitorus menikah, maka Hulahula dan Tulang sbb:

Hulahula: Mertuaku atau saudara laki-laki istriku, berarti Raja Sitanggang sian Rianiate, Samosir (meskipun mertuaku sudah tinggal di Sidikalang, namun dalam adat Batak maka kampung halamannya yang di sebut, tidak akan pernah disebut Sitanggang sian Sidikalang)

Tulang : Tulangku/Mertua ayahku atau saudara laki-laku ibuku – ibuku boru Doloksaribu dari Lumban Holbung-Nagatimbul, berarti Tulang adalah Raja Doloksaribu sian Lumban Holbung-Nagatimbul. Tulang Bao na mangihut yakni Hulahulanya Tulangku atau saudara laki-laki nenek yang melahirkan ibuku. Dalam hal ini nenek yang melahirkan ibuku boru Sirait dari Sibadihon, maka Tulang Bao adalah Raja Sirait sian Sibadihon. Note: Di JABODETABEK ini saya perhatikan Tulang Bao sudah jarang dijouhon (disebut).

Bona Tulang: Tulangnya ayahku/mertua kakekku atau saudara laki-laki dari nenekku yg melahirkan bapakku – nenekku boru Sirait sian Lumban Dolok , berarti Bona Tulang adalah Raja Sirait sian Lumban Dolok-Porsea.

Tulang Rorobot: Tulangnya istriku/Hulahula ni Hulahulaku/saudara laki-laki dari mertuaku perempuan. Dalam hal ini mertuaku perempuan boru Hutapea, maka Tulang Rorobot adalah Hutapea sian Bibiraek-Laguboti.

Bona ni Ari: Tulangnya kakekku/ saudara laki-laki dari yang melahirkan kakekku – yang melahirkan kakekku boru  Sirait sian Lumban Gadu – Siraituruk, berarti Bona ni Ari adalah Raja Sirait sian Lumban Gadu – Siraituruk-Porsea. Selanjutnya level partuturon diatasnya masuk kelompok Bonaniari.

Hulahula namarhaha maranggi: Mertua abangku dan adekku. Abangku Aller Sitorus menikah dengan boru ni Raja i  Napitupulu sian Parparean, adikku Lumumba Sitorus menikah dengan boru ni Raja i Marpaung sian Sipallat. Berarti Hulahula namarhahamarangi Raja Napitupulu sian Parparean dan Raja Marpaung sian Sipallat. NB: saat tulisan ini diposting adikku Marnalom belum menikah.

Hulahula anak manjae: Mertua dari anak kami, dalam hal ini Hitado Managam Sitorus adalah putra pertamaku, maka Hulahula anak manjae adalah mertua dari putra abangku yakni Tamado Sitorus dan Julius Maringan Sitorus. NB: saat tulisan ini diposting, mereka belum menikah.

Jadi kalau mau jujur Bona Tulang belumlah terlalu jauh yakni saudara laki-laki dari nenek (ompung boru ni) hasuhuton. Tentu saudara laki-laki dari nenek kita umumnya sudah pada meninggal, maka penggantinya adalah putranya atau cucunya. Mereka tetap di panggil sebagai Tulang.

Semoga apa yang kami alami sebagaimana kami utarakan diatas tidak terulang kembali dan tidak dialami oleh para pembaca yang budiman.

Berhubung banyak yang seaching contoh mandok hata ketika akan mangulosi sebagai Bona Tulang, berikut saya tuliskan contoh dimaksud:

Saya mandok hata sebagai Bona Tulang ni Parboru

Mauliate ma di Tuhanta, mauliate ma nang di hita saluhutna, suang songoni ma di hamu bereku dohot boruku, mauliate ma di gonghon dohot jou-jou mu tu hami Bona Tulang Sitorus sian Lumban Tongatonga ima siala parbogason ni ibeberenami si ……………….  . Las situtu antong roha nami suang songoni ma nian nang hamu las ma rohamu manjanghon hami. Molo tung pe songonon haroro nami so tangkas do di tandan hamu hami Bona Tulangmu torop so piga do hami nang di Bona Pasogit suang songoni di parserahan on, sotung manghurangi di las ni rohamu.

Tu bereku dohot boruku dohonon nami ma tu hamu songon nidok umpasa :

Eme na marbiur, di linggom ni hariara;
Sai torop ma pomparanmu jala maribur, huhut matakkang jala manjuara.
 
Hau simartolu, di tombak ni Panamparan;
Sahat ma hamu leleng mangolu di haliangi angka pomaparan.
 
Asa andor halumpang togutogu ni lombu, mamboan tu onan gambiri;
Sai saur matua ma  hamu pairing-iring pahompu sahat tu na marnono sahat tu na marnini.

Untuk Kedua Mempelai

Kami Tulang Sitorus dari Lumban Tonga-tonga(goarni hutanta di toba), bersukacita atas pemberkatan nikah kalian. Kami ucapkan Selamat Berbahagia. Ingat dan renungkanlah Firman Tuhan yg telah kalian dengar. Doa dan harapan kami kiranya kalian senantiasa saling mengasihi, saling setia dan kiranya menjadi keluarga yang diberkati Tuhan.

Kami akan menyampirkan ulos sebagai bukti holong kami, gunakanlah kasih sebagai pengikat diantara kalian berdua.

Dohonon nami ma songon na ni dok ni sijolo-jolo tubu :

Di ginjang ninna arirang, di toru pargomgoman;
Dao ma sian hamu hata sirang, tondi mu antong marsigonggoman.
 
Denggan ulos sirara, Tiur tiur dohot rambuna
Sisina marsimata, Marsirat di punsuna
Sai manumpak ma antong Tuhanta Debata, Dilehon di hita pasu – pasuna, Tubu ma di hamu anak na marsangap, Dohot boru na martua.
 
Rimbur ni Pakkat tu rimbur ni Hotang,
Sai tudia pe hamu mangalakka, sai tu sima hamu dapot pansamotan.
 
Tubu ma halosi di dolok ni Pintu batu,
Hami Tulangmu mangulosi, Debata do ianggo na mamasu-masu.
 
Sahat sahat ni solu, sahat di binsar ni mata ni ari,
Pasahaton nami ma ulos holong si ganjang rambu on, leleng ma hamu mangolu di iringiring Tuhanta ganup ari.

Par musik nami, ala naeng pasahat ulos holong ma hami, bahen hamu ma musik    “KasihNya Seperti Sungai”

Selanjutnya manortor dan manguloshon.

Ulos disampirkan dari bahu sisi kanan mempelai pria  ke pundak hingga ke bahu sisi kiri mempelai wanita.
Note:

Berikut hal-hal yang perlu diperhatikan:

  1. Musik, sebagai Tulang maka musik yang diminta adalah yang girang dan bermakna karena Tulang melalui doa dan harapannya memohon berkat. Sering saya perhatikan kelompok Hulahula maupun Tulang meminta musik yang kurang tepat, misal: Anak Medan, Anak Siantar, Pocopoco, Sajojo(dimana unsur doa dan harapannya?). Kalau alasan musiknya girang cukuplah ketika namarpariban atau horong namborunya meminta musik seperti itu. Disisi lain ada juga yang meminta Aek Sibulbulon, menurut saya kurang tepat karena pesta unjuk adalah ulaon suka cita, sementara lagu Aek Sibulbulon mengisahkan kematian boru Lopian.
  2. Manguloshon “dihalianghon” (pengantin di putari keliling beberapa kali). Model manguloshon “dihalianghon” hanya berlaku jika ulos tersebut untuk punguan. Hal itu bermakna bahwa meskipun ulosnya hanya 1 dan yang menerima satu pasang maka seluruh anggota punguan tersebut di doakan untuk mendapat berkat. Nah kalo cuma pengantin tok yang akan kita ulosi kenapa pula harus di halinghon ?. Tidak bermakna dan buang waktu.

Read Full Post »

Somalna ninna najolo naung dihuta ni paranak do boruna ala naung mangalua manang mangembalhon gajut. . Dibahen paranak ma ulaon adatna jala ro ma uduran ni parboru dohot sude Sisolhotna tu huta ni Paranak mamboan sipirni tondi dohot dengke dibagas jual. Mardalan ma sisongon i tu angka na mangalua dohot na mangembalhon gajut.

Molo tar dao do huta ni Parboru tu huta ni Paranak, paradeon ni Paranak ma Jabu parbornginan di nasida. Molo adong do Jabu ni Dongan Sabutuha ni Parboru di huta i, tarjumolo doi dihubungi Parboru asa adong inganan haborhatan nasida di huta i.

Ia adat pamuli boru Taruhon Jual manang didok doi RAMBU PINUDUN, namarlapatan doi sude: inganan, sipanganon, dohot sude haporluan ni pesta unjuk i gabe tanggung jawab ni paranak. Ia parboru holan mamboan Dengke Simudur-udur dohot Ulos Herbang sipasahaton tu Paranak. Paranak ma paradehon sude natupa di ulaon i jala di nasida ma tanda hasuhuton (ima ihur-ihur).

On do sasintongna molo taruhon jual . Paranak patupahon sude haporluan ni pesta unjuk, jala sude nabinoan ni Suhut Parboru dohot uduranna termasuk Boras si Pir ni Tondi , dengke siuk sian hula-hula dohot horong ni tulangna,di pasahat ma tu paranak alai anggo dengke si pasahaton ni Suhut Parboru di pasimpan ma jolo di inganan na denggan paima tingki laho pasahathon.

Di mata ni ulaon i, manogotna pintor di taruhon paranak do sipanganon marlompan juhut ima nadigoari Sibuha-buhai manang hata nuaeng daun pogu tu inganan parbornginan ni parboru. Dialap manang ditaruhon jual, sipatupaon ni paranak do sibuhabuhai, alai molo naung hea muli do boru na marunjuk i, ndang sipatupaon be sibuhabuhai, ai tung na maiturun pe boru i, gabe sirang nunga naung dijalo huta ihur-ihur siboaboai. Molo adong pe na masa ditingki saonari on na so patupa sibuhabuhai ala na so haru diantusi be lapatan ni ulaon UNJUK.

Manganhon sibuhabuhai pe ndada sipanganon tulbu i, holan hasuhuton do dohot tutur na solhot dohot dongan sahuta, manganhon i. Nuaeng on molo so di alapi manang marpaima suhut laho manganhon indahan sibuhabuhai gabe sarita bolon ma i tu hasuhoton. Ima na umbahen gabe lam masursur adat i.

Sibuhabuhai dibagasan jual do i marlapikhon ampang. na marlapatan do i tu hata SUHI NI AMPANG NA OPAT, alana ampang i do sanggul (partanda) ni siulaon.

Molo sibolang tutup ni jual nunga di patuduhon tutup ni jual i lomuk ma na gabe parjuhut, molo ragi hotang tutup ni jual ima patuduhon sisemet imbulu (lombu) parjuhut, pinunsaan manang ragi idup ima patuduhon sitingko tanduk parjuhut, jala iboto ni pangoli manang boru tubu do sihunti ampang (jual).

Dung sun mangan, martangiang ma sian parboru, tangiang laho borhat tu Gareja jala rap udur ma Paranak dohot Parboru mangundurhon Pangoli dohot Oroan (penganten)..

Di Jabotabek on ala ndang tar dao be hutanta jadi ndag pola marborngin parboru di hutani paranak, alai sipata sian dos niroha mardomu tu angka partingkian sibuha-buhai di aula manang di alaman ni gareja ma di patupa (martenda).
PELAKSANAAN NI ULAON UNJUK DUNG MULAK SIAN GAREJA:

  1. Suhut Paranak rap dohot Penganten nunga masuk nasida tu inganan parpestaan.
  2. Suhut Parboru dohot sude horong nasida ndang masuk dope tu inganan parpestaan jala diruar ni gedungi dope nasida paima ro panggora ni Protokol ni Paranak.
  3. Sude ulaon Protokol diulahon Paranak: manggora naginokkonna asa masuk.
  4. Dung sude simpan parhundul ni Hasuhuton Paranak dohot angka naniontang nasida, parjolo ma Paranak manggora : Hula-Hula, Tulang, Tulang Rorobot, Bona Tulang, Bona ni Ari, Hula-Hula na-Marhaha-maranggi dohot Hula-Hula ni Anak Manjae masuk tu bagas jala jaloon ni Suhut Paranak ma sude Hula-Hulai dohot tortor.
  5. Dung masuk sude horong Hula-Hula ni Paranak, mangarade ma nasida na sapanganan dohot namarsabutuha, laho manjangkon haroro ni Suhut Parboru dohot sude rombonganna.
  6. Nunga mangarade Suhut Parboru: manghunti tandok nabolon, dohot Dengke Simudur-udur laho sipasahaton nasida tu Suhut Paranak.
  7. Protokol Paranak : Dihamu nahuparsangapi hami Raja ni Hula-hulanami Rajai ………songoni nang dihamu nahuparsangapi hami horong ni Hula-Hula dohot Tulang ni Raja ni Hula-Hulanami dohot Amanta Raja dohot Inanta Soripada uduran ni Raja ni Hula-Hulanami:Rajanami, nunga mangarade hami manjanghon haroromuna tubagasan gedung on, masuk ma hamu Rajanami. Dijolo ma Hasuhuton Bolon manghunti Tandok nabolon, Suhut Paidua, Dengke Simudur-udur, rombongan ni Parboru, jala dipudi nasida ihut ma Horong ni Hula-Hula dohot Tulang ni Parboru, masiboan tandokna be dohot Dengke Siuk. Jadi sahali masuk do sude Parboru dohot hula-hulana dohot sude horong ni tulangna. Dang suman molo di alaman ni paranak, parboru manjou/manggora hula-hulana asa masuk tu alaman ni paranak. (ai na rap do hula-hulana dohot horong ni tulangna mangudurhon pahutahon ibeberena tu huta ni paranak).  Ondo sada na patuduhon ulaon di Alap Jual manang di Taruhon Jual. Jadi sian parmasuk tu gedung nunga diboto natorop ise bolahan amak.

Hape nuaeng on namasa ta ida di Jabotabek on di Pesta Adat Pamuli Boru Taruhon Jual gabe songon ulaon Alap Jual do. Di gedung adong hak ni Parboru manggora Hula-Hulana asa masuk tu Gedung jala Suhut Parboru muse namanjalo sude nabinoan ni Hula-Hulana (nang pe sipata adong do muse napasahathon tu paranak / holan majalo do nasida).

  1. Dinamasuk rombongan ni Parboru, manghuling ma ogung (nuaeng on musik ni si bontar mata i nama), manortor ma sude Horong ni Suhut Paranak laho manjanghon haroro ni rombongan ni Hula-Hulana i.
  2. Sude si Pir ni Tondi dohot Dengke nabinoan ni rombongan ni Parboru, sahat jaloon ni Parank do i, (alai anggo Dengke Simudur-udur laho sipasahaton ni Suhut Parboru tu Suhut Paranak, dipasoding ma jolo paima tingki pasahathon).
  3. Protokol Paranak : Horas ma dihamu Raja ni Hula-Hulanami, nunga huparade hami
    hundulan di hamu Rajanami di sabola siamunnami, hundul ma hamu Rajanami.
  4. Parbagi ni parjambaran. Ala di alaman ni Paranak do Ulaon Unjuk, gabe Paranak do mambagi parjambaran tu Parboru, jala ulak ni tandok ni Parboru dipasahat ma Ihur-Ihur ni Tudu-tuduni Sipanganoni. Sidapot Solup ma anggo Parboru. (Tong do on sesuai kesepakatan tingki marhusip nagogo)
  5. Parbagi ni parjambaran juhut di Parboru di sesuaihon ma tu kondisi ni na nijalona.

CARA NI ULAON TARUHON JUAL NAPINARROHAHON MASA DI JAKARTA:

  1. Parjolo ma digora asa masuk Penganten dohot Suhut Paranak songoni nang uduranna, jala didongani Suhut Sihabolonan Parboru.
  2. Dung sahat Penganten tu Podium, mulak ma muse Suhut Sihabolonan Parboru mandapothon uduranna tu ruar Gedung, paima ro panggora ni Paranak.
  3. Digora Protokol ni Paranak ma asa masuk Suhut Parboru dohot uduranna. Sude tata cara dohot hatana songon panggora natarsurat diginjang i.
  4. Protokol Paranak : manggora asa masuk Hula-Hula dohot Tulang.
  5. Dung masuk sude Hula-Hula dohot Tulang ni Paranak dipasahat ma acara tu Protokol ni Parboru.
  6. Protokol Parboru : manggora asa masuk horong Hula-Hula dohot Tulang. Siala dos ni tahi ni Paranak dohot Parboru, sude nabinoan ni Hula-Hula ni Parboru, Parboru do manjalo, alai dung laho sidung ulaon i, dibagi Parboru ma si Pir ni Tondi nabinoan ni Hula-Hulanai tu Paranak.
  7. Ala di Alaman ni Paranak do Ulaon Unjuk, gabe Paranak do mambagi Parjambaran tu Parboru, somal jala Ulak ni tandok ni Parboru dipasahat ma Ihur-Ihur ni Tudu-tuduni Sipanganoni. Sidapot Solup ma anggo Parboru.
  8. Parbagi ni Parjambaran Juhut di Parboru disesuaihon ma tu kondisi ni nanijalona. Boi ma dibagihon gabe parjambaran sian ihur-ihur i.

Pertanyaannya : Beha do pandapotmuna angka dongan: taulahon ma torus sisongoni manang taihuthon ma songon dia aslina ?

Pinadomuni (dirangkum oleh) :
Sampe Sitorus, SE  (A. Hitado Managam Sitorus)
Medang Lestari B3/K11 08129052462

Referensi dan Daftar Pustaka :

  1. Partungkoan Tano Batak http://tanobatak.wordpress.com
  2. Simanjuntak Sitolu Sada Ina : http://simanjuntak.or.id
  3. St. DP Hutagalung (Op ni Salomo) http://purbatondangmargana.blogspot.com
  4. Jambar Hata, T.M Sihombing, CV Tulus Jaya
  5. Dalihan Natolu Nilai Budaya Suku Batak, Drs. DJ Gultom Rajamarpodang, CV Armada –Medan
  6. Literatur lain dan angka panuturion ni angka natua-tua.

Read Full Post »

Maralaman ulaon di jolo ni parboru alai paranak do paradehon parjuhutna, di parboru ma tanda hasuhuton (ima ihur-ihur) ala nasida bolahan amak, parboru do manjangkon sude sipir ni tondi na ro. Di manogot nai andorang so borhat tu gareja ro ma suhut paranak tu bagas ni parboru mamboan sipanganon (namargoar) jala didok ma gaor ni i ulaon Marsibuha-buhai.

Mamboan jual ma mulak paranak jala diborhati dohot sian sipir ni tondi na ro. Di parboru malobi ni boras na ro songon singkat ni indahan pinaradena. Didok natuatua, tarsongon i do hasomalan ni adat najolo jala sumangap do ninna boru molo alap jual. Hea do hubege sada ina marbada dohot tungga ni dolina, didok; “tangkas do boruadi da dialap jual sian huta ni damang”, ninna.

Tar songon on ma pardalan ni ulaon Alap Jual.

Dung sahat di ari nabinuhul ni Paranak dohot Parboru di ari Pamasu-masuon Parbagason di Bagas Gareja songonon ma pardalan ni ulaon:
A. SIBUHABUHAI
PARANAK.
Sogot manogoti di parnangkok ni mata ni ari, borhat ma rombongan ni Paranak dohot Pangoli sian hutana laho mandapothon Parboru dihuta ni Parboru.
Siboanon ni Paranak ima Namargoar (Pinahan Lobu) ndang pola balga i, dibagasan Ampang doi dibahen, jala biasana mangisi Ampang i, Boru ni Suhut Paranak. On ma na digoari si Hunti Ampang jala sijalo Ulos si Hunti Ampang ma nasida.
Diboan Pangoli ma Bunga Tangan laos disi ma dipasada Bunga sipasahaton ni Boru Muli tu Anak Pangoli.
Dung sahat dihuta/dialaman ni Parboru i, dijolo ma Ampang i jala ihutma Pangoli dipudina, dungi Suhut Paranak diihuthon angka dongan sauduran
PARBORU.
Nunga mangarade parboru, dibagas dohot sude angka dngan tubuna dohot angka boruna. Sipatupaon nasida pe manjalo paranak ima dengke simudur-udur nunga diparade hian, songoni nang boras sipir ni tondi di bagas pinggan.

Andorang so ro dope paranak di upa nasida ma jolo boruna naneng pamulioni, jala namboruna mandongani i di kamar penganten huhut mangalehon angka poda.

Pelaksanaan ni Ulaon na Mar-Sibuhabuhai:
Manggora ma sahalak sian Parboru manggokkon Rombongan ni Paranak asa masuk nasida tubagas, jala hira-hira manang napiga langkanai sian pintu masuk migor ma ditaburhon sahalak ina sian parboru boras si pir ni tondi tu rombongan ni paranak 3 X huhut di dok Horas, Horas, Horas tong 3X songon panaburhon ni boras i.
Dijalo Boru Muli ma Anak Pangoli dipintu. Dilehon Pangoli ma bunga tangan i tu Boru Muli jala di semathon Boru Muli ma Bunga (kembang semat)  di jas ni Pangoli (nunga adong hian ingananna). Masuk ma Pangoli dohot Boru Muli dohot angka pandongani tu ruangan terpisah /kamar paima borhat tu Gareja.

Ia ampang nabinoan ni paranak dipeakhon ma jolo ditonga-tonga ni punguan i, jala dung sidung masijalangan, jongjong ma parboru dohot paranak masiadop-adopan.Di sigati parboru ma ampang na marisi  tudu-tudu ni sipanganon dohot sitonggi-tonggi, jala di pasahat ma tu parboruon nasida asa dipature, dungi di persilahkan ma paranak hundul. (Laos di pature boruni paranak ma tudutudu ni sipanganon i/di susun diatas talam(baki).

Parboru : Beha Raja ni Boru, mamereng tu tingki hita asa tapungka ma nian ulaonta
Paranak : Nauli Rajanami; huhut digora boruna asa diparade (di boan) tudu-tudu ni sipanganon i.

PARANAK:

Pasahat tudu-tudu ni sipanganon. Di hamu Rajanami, Hula-Hulanami, parjolo ma hita mandok mauliate tu Amanta Debata Pardenggan Basai ala asi dohot holong ni rohaNa dapot di hita nuaeng ari nauli ari nadenggan on di sangkap ni rohanta laho mangudurhon anakhonta tu jolo ni Debata di Bagas JoroNai asa laho manjalo pasu-pasu parbagason.
Siala ni sangkaptai Rajanami, dison ro do hami tu adopanmu Hula-Hulanami pasahathon tudu-tudu ni sipanganon Sibuha-buhai dohot pangidoannami tuadopan ni Debata Pardenggan Basai asa mambuhai parhorason panggabean ma on Rajanami dihita saluhutna tarlobi di anakhonta nanaeng mamungka parbagason sadarion. Tung songon on dope naboi tarpatupa hami Rajanami, las ma rohamuna manjalo. Botima.
Catatan : Dung pe dipasahat hula-hula Dengke simudur-uduri asa marsijalangan

PARBORU
Di hita napunguon Amanta Raja dohot Inanta Soripada Suhut Parboru: dison nunga tajalo tudu-tudu ni sipanganon sibuha-buhai sian Pamoruonta, ba tung dijolo ni Hasuhuton Bolon pe nuaeng tudu-tudu ni sipanganon on naung rap manjalo mahita disi. Botima da.
Huhut migor ro ma Boru ni Parboru mamboan Dengke sipasahaton nasida tu Paranak.

PARBORU Pasahat Dengke:
Di hamu Raja ni Borunami, nunga di pasahat hamu tu hami Hula-Hulamu tudu-tudu ni sipanganon sibuha-buhai, dison hupasahat hami ma tu hamu Dengke simudur-udur, Dengke sitio, Dengke Sahat, dohot pangidoan tu Tuhanta Pardenggan Basai asa mudur-udur ma antong parhorason panggabeani di hita tujoloanon, Tio ma nang parngoluonta dohot pancamotani, sai sahat ma angka nasininta ni rohanta tarlobi di anakhonta nanaeng manjalo pasu-pasu parbagason on. Songoni ma jolo hatanami.

Dungi udutan ma laho marsipanganon.
Martangiang sian Paranak. Dung Amen laos didok hata ni sipanganon.

Sitiktik marsigompa golang-golang pangarahutna

Otik so sadia na boi hupatupa hami parboruonmuna sai godangma pinasuna, marjomuk ma hita.
Dung sidung marsipanganon: dijou parboru ma penganten asa rap pungu martangiang laho borhat tu Gareja. Martangiang laho borhat: sian Parboru. Borhat tu Gareja, parjolo ma penganten haruar sian bagas, baru ma udur angka suhut- paraboru dohot paranak (kedua orang tua) diuduti naasing.

B. DI GAREJA:
Dung sidung Ulaon Pamasu-masuon di Gareja : mandok hata ma sian Paranak dohot Parboru:
mandok mauliate laos manggokkon na ro i, asa rap udur tu bagas parpestaan.

C. DI INGANAN PARPESTAAN

1. ULAON NI PROTOKOL
Dung sahat sude Rombongan: (Penganten, Suhut Paranak, Suhut Parboru) tu Bagas Parpestaan, migor ma mangarade parjongjongna be di Pintu Masuk tu Gedung i, asa tipak sude masuk molo dung ro gora sian Protokol.

Protokol Parboru: Dihamu Pamoruonnami, huparade hami di hamu inganan di sabola hambirang molo masuk hita tu bagasan gedungon, songoni ma boa-boanami tu hamu

Protokol Paranak: Mauliate ma Rajanami; laos ditariashon ma:
songoni ma dihita na mar-Dongan Tubu, Boru, Bere, Dongan Sahuta, Aleale, nunga dipasahat Hulahulanta di hita inganan: disabola hambirang dung masuk tu gedung on, masuk ma hita tabuat be ma ingananta..

Protokol Parboru: Dihamu Borunami; ida hamu ma jolo manang naung sude sahat Suhut Sihabolonan nadua dohot Penganten. Molo dung sahat nasida paboa hamuma……(dialusi Boru: dibahen Jari Jempol paboa naung siap)

Protokol:

  1. Di Amanta Raja dohot Inanta Soripada naung masuk tubagasan Gedung on, ala naeng masuk  ma rombongan ni Penganten, songon namanomu-nomu nasida, mangido hami gomos di haradeonmu asa rap jongjong ma hita.
  2. Di hamu parmusiknami, asa mangarade ma hamu mambahen musik panomunomuon.
  3. Di hamu rombongan ni Penganten: Masuk ma hamu
  4. Manungkun Boru nabertugas manang naung lengkap Hula-Hula dohot Tulang (Ok)
  5. Di jou ma Suhut Sihabolonan laho manjalo haroro ni Hulahula dohot Tulang
  6. Boru sijalo Siuk dohot si Pir ni Tondi nabinoan ni Hula-Hula, mangarade hian.
  7. Di hamu nahuparsangapi hami Raja ni Hula-Hula dohot Tulangnami: (didok Marga ni angka Hula-Hula dohot Tulang alai unang lupa mandok hata Raja i (…….margana)) sahali manjanghon ma hami di haroromuna, dijolo ma Hula-Hulanami Tulang ni Boru Muli ihut ma Tulang …… Hula-Hula namarhaha maranggi, Hiula-hula ni Anak Manjae dst..
  8. Musik : manjanghon hula-hula dohot Tulang.
  9. Manjalo haroro ni Hula-Hula: Dijolo Suhut Sihabolonan, Paidua, dst. sambil mundur sahat dijolo ni podium. migor ma jongjong suhut dibarisan parsiamun mangadophon hulahula dihambirangna ma angka suhut martinodohon mangihuthon tingkatanna be
    Siap ma Boru manjalo dengke dohot sipir ni tondi nabinoan ni hulahula

    Protokol Parboru : Horas ma di hamu sude Hula-Hulanami, nunga huparade hami inganan di hamu disabola siamunnami, hundul ma hamu Rajanami. (Borunami: Patuduhon hamu inganan/hundulan ni sude hulahulanta)

Protokol Parboru : Didok tu Protokol Paranak  Amangboru ala naung masuk do sude hulahulanami, hupasahat hami ma tu hamu acara on.

Protokol Paranak : Mauliate ma Rajanami;
(tata cara ni Paranak manggora huhut manjalo hulahula nasida dos do songon tata cara ni Parboru; alai parjongjong ni Suhut Paranak dihambirang ma asa ditingki na namanjalang hulahulai denggan ma mardalan mandapothon inganan di nasida naung pinarade ni Paranak.

2. MAMUNGKA ULAON UNJUK :
Protokol Parboru : Manungkun Paranak asa mamungka ulaon
Protokol Paranak : Manggora Suhut Sihabolonan laho pasahat tudu-tudu ni sipanganon
Protokol Parboru : Manggora Suhut Sihabolonan + Dongan Tubu manjalo tudu-tudu ni sipanganon.

3. PASAHAT TUDU-TUDU NI SIPANGANON
Hata ni Paranak : Dihamu Raja ni Hulahulanami, parjolo ma hami mandok mauliate tu Tuhanta Pardenggan Basai namangalehon ari nauli ari las ni roha on di hita ima naung manjalo pasu-pasu parbagason anakhonta sadarion di bagas joro ni Tuhanta i; dison ro do hami tuadopanmu Hula-hulanami, pasahathon tudu-tudu ni sipanganon tu hamu, tudutudu ni sipanganon di las ni rohanta sadarion, jala hatana Rajanami dohononnami ma:
Godang sibutong-butong, otik sipir ni tondi, tung songon on dope naboi hupatupa hami sipanganon on Rajanami sai pamurnas ma on tu daging saudara tu bohi, horas ma hamu Hula-hulanami namanjalo horas ma nang hami Borumu napatupahon. Botima .
(ndang pola jolo masijalangan)

4. PASAHAT DENGKE SIMUDUR-UDUR
Hata ni Parboru : Di hamu Raja ni Borunami: Nunga dipasahat hamu tu hami tudutudu ni sipanganon di ulaonta on, dison ro do hami pasahathon tu hamu Dengke Simudurudur, Dengke sitio, dengke sahat, dohot tangiangnami mangido tu Tuhanta Parasirohai, asa mudurudur ma antong parhorason panggabeani jaloonmu tujoloanon, dengke sitio ma on: sai tio ma nang angka hangoluan dohot pansamotani jala dengke sahat ma on sai sahat ma sude angka nasininta ni rohanta lehonon ni Tuhanta hombar tu lomo ni rohaNa. Las ma rohamu manjalo, botima. (baru ma masijalangan)

Protokol Parboru: Dihita namardongan tubu, Boru, Bere, dongan sahuta, aleale tarlobi ma dihamu Raja ni Hulahulanami, dison nunga dipasahat Pamoruonta Tudu-tudu ni Sipanganon tu hita, molo tung di jolo ni hasuhuton pe hasahatanna naung rap manjalo ma hita disi. Botima

Protokol Paranak : Songoni ma dihita namardongan tubu, Boru, Bere, dongan sahuta, aleale dison nunga dipasahat Hula-hulanta Dengke Simudurudur, Dengke sitio, dengke sahat tu hita, molo tung di jolo ni hasuhuton pe hasahatanna naung rap manjalo ma hita disi. Botima.
Protokol Parboru : Amang boru: asa tapungka marsipanganon, ala hamu do napatupa sipanganon on laos hamu ma namamboanhon tangiang mangan tu adopan ni Tuhanta

Protokol Paranak : Nauli Rajanami. Martangiang ma hita – Amen – didok ma hata sidumaduma mangan :di hamu hulahulanami dohot disude Amanta raja dohot Inanta soripada, sude hita napunguon, hata ni sipanganon dohononnami ma: sitiktik marsigompa golang-golang pangaruhutna, tung songoni pe sipanganoni natarpatupa hami, sai godang ma pinasuna, marjomuk ma hita.

Protokol Paranak : Rajanami, Hulahulanami naeng ro ma hami pasahathon sulangsulang natabo tu hamu rade ma hamu manjalo , jala hata ni sulangsulang Rajanami laos sian on ma dohononanmi: husulangi hami ma hamu Rajanami dohot sulangsulang natabo on, sulang-sulang pangidoan di hagabean di tubu ni Anak tubu ni Boru ala naung hualap hami Borumu gabe Parumaennami, las ma rohamu manjalo, botima.

Parjolo do tu ina pangintubu pasahaton sulang-sulang ipe asa tu ama parsinuan, nang pe mangolu ompunga, ima apala ompung ni namuli. Hot do ingkon parjolo ina pangintubu manang ina panoroni pei dohot ama pangintubu agia pe ama pangkampi simatua doli i. Ndang jadi ngap-ngap roha ni (ina) pangintubu manjalo parjolo sulang-sulang i, nunga adat naung sinaktihon ni sijolo-jolo tubu i na gabe tungko siingoton jala tuhe sigaton sahat tu pagian ni ari.
Manulang suhut parboru sian dongan tubu paranak ma i, alai boi doi sian boruna. Dipillit do jolma na raja. Na maniop pinggan inganan ni sulang-sulang pe, dipillit jolma na hormat asa marhantus (khidmad) siulaon, ai bona ni siulaon do i, jala manghirim sahala hatuaon di anak dohot boru do i.  Di na marunjuk rap disulang do parboru dohot paranak, alai sian boru ni paranak ma dipillit gabe panulang tu paranak. Hot do boru na raja jala na hormat dipillit, ai so adong inganan ni jolma sijekjek di ulaon Batak.

Note: napasahat sulang-sulang natabo ingkon sian dongan sapanganon (sisolhot ni suhut paranak), jala sa boi-boi na unang ma nian sian boru na laho pasahat sulang-sulang  tu hula-hula i (pangitubu/parsinuan ni parumaen).

5. MARBAGI TUDU-TUDU NI SIPANGANON: PARJAMBARAN JUHUT

Protokol Parboru : Amangboru, ta uduti ma ulaon ta na mangan dope loas di torushon mangan,mardomu tu tingki manghatai ma hita:
Nunga dipasahat hamu tu hami tudutudu ni sipanganon on, namanungkun ma hami Amangboru taringot tu tudutudu ni sipanganon naung pinasahatmuna on., beha ma hatana taringot tu son.

Protokol Paranak: Horas ma jala gabe Rajanami; taringot tu tudutudu ni sipanganon naung
hupasahat hami tu hamu, ba songon dia ma pangatur ni Rajai. Sidapot solup ma hami, botima

Note: didok protokol paranak sidapot solup ma hami alana paranak do na ro tu huta ni parboru.

Protokol Parboru : Andorang so di seat raut parjolo ma di seat hata; Ala dison do huida hami Hula-Hulamu – haha parhundulnami, songoni nang dongan tubumu- berenami, dohot borumu- ibeberenami, dison pasahatonnami ma Parjambaran Taripar tu nasida : (dijahahon ma sesuai tu naung di sepakati tingki ulaon marhusip nagogo), hamu ma namangatur parjambarani tu nasida.
Note: mengenai parjambaran ingkon hataan jala hasil kesepakatanta do on tingki  marhusip na gogo.
Protokol Paranak:. Songon naung hudok hami i do Rajanami, sidapot solup ma hami, songon dia ma na dipasahat hamu tu hami las ma rohanami manjalo. .Mauliate ma
Dung dipasahat Parboru Jambar Taripar tu Paranak mangido tingki ma Paranak.

Protokol Paranak : Rajanami, mangido hami tu hamu, asa hupangke hami jolo tingkion laho mangido tumpak pangurupion sian angka namanghaholongi hami, beha Rajanami

Protokol Parboru :. Nauli Amangboru, ulahon hamu ma

Protokol Paranak: manjou  PAMARAI asa mandok hata patujolo ni na mangido pangurupion, tar songonon ma hata si dohonon ni pamarai:
Di hamu dongan tubu nami, dongan sahuta, aleale, lumobi ma dihamu borunami dohot berenami, napangolihon Anak do hita sadarion: songon nidok ni umpama: sisolisoli uhum siadapari gogo, nunga rade hami di son laho manjalo tumpak, panungkolionmu di pangolion ni anakta on, ro ma hamu godang godang ma pasahat hamu.
Songoni ma di hamu nang horong ni “Tulangnami” songon nidok ni umpama ma dohonon nami: Dangka do dupang, Amak do rere, Amang do Tulang, Anak do ia Bere. Molo tung naeng manumpahi hamu Rajanami di napangolihon Anak Beremuna on, las ma rohanami manjalo. Mauliate ma parjolo. (langsung dipangido Musik)

Catatan: Ingkon PAMARAI do sijalo tumpak (namanggora) alana PAMARAI ima Suhut Paranak, na manjalo Tumpak sian angka Sisolhotna, molo tumpak ringgit di pamasuk ma i tu Puro, molo tumpak dorbia dipamasuk ma tu Lobu. Ibana do melapor tu Suhut Sihabolonan taringot tu jumlah ni Ringgit dohot Dorbia sian Tumpak ni angka Sisolhot.

Jadi laos PAMARAI do annon na mangalehon kesempatan tu parumaen laho sahali manjomput amplop tu nasida, dungi pasahathon ni pamarai ma tumpak i tu inanta hasuhuton.

Ditingki namanjalo tumpak Paranak, sambil lalu mardalan ma parbagi ni Parjambaran Juhut.

Protokol Parboru : Dihita namardongan tubu, Borunami, ro ma hamu tu son asa rap hita paturehon parjambaran on. (dos ma tahinta parjolo ma tapasahat jambar ni Hulahulanta) – dialusi dongan: tubu : (denggan ma i tutu)
Catatan: napasahathon jambar juhut tu Horong Hula-Hula naeng ma sian dongan tubu.

Jot-jot ni parrohahon di ulaon sai holan boru do diandalhon. Hape sasintongna ianggo napasahat jambar ingkon namardongan tubu do.

6. PARBAGI NI PARJAMBARAN JUHUT
Protokol Parboru:
Jambar ni hula-hulanami : Parsanggulan Parsiamun ma jambarmu Rajanami
Jambar ni Tulangnami : Somba-Somba ma jambarmu Rajanami
Jambar ni Bona Tulang, Bona ni Ari, Tulang rorobot, Hulahula namarhaha maranggi sahat tu hulahula ni anak manjae : sude ma sombasomba napinonggolan.
– Soit na bolon di : hahadolinami
– Soit na bolon di : anggidolinami:
– Osang Parsiamun : jambar ni Boru dohot Berenami
– Soit : di Punguan
– Soit : jambar ni pariban Dongan Sahuta Ale-ale.
– Jambar di Tulang ni Hela.
– Pangula ni Huria.
Sian Ihur-Ihur: dipasahat ma jambar ni na sa-Tulang: ima Dongan Sabutuha:
Na sapanganan : suhut marhaha-maranggi na sapanganan, Ihur-Ihur na tinggal : jambar ni Suhut Sihabolonan

Note: ihur-ihur di parboru ala nasida do bolahan amak, ai sasintongna ise nadapot ihur-ihur ido suhut na bolahan amak.

Suang songoni ma nang pambagian ni parjambaron di paranak

Protokol Paranak:
Jambar ni hula-hulanami : Parsanggulan Parhambirang jambarmu Rajanami
Jambar ni Tulangnami : Somba-Somba ma jambarmu Rajanami
Jambar ni Bona Tulang, Bona ni Ari, Tulang rorobot, Hulahula namarhaha maranggi sahat tu hulahula ni anak manjae : sude ma sombasomba napinonggolan (naung somba-somba goar ni i)
– Soit na bolon di : hahadolinami
– Soit na bolon di : anggidolinami:
– Osang Parhambaring : jambar ni Boru dohot Berenami
– Soit : di Punguan (molo tung so soit pe dialap hata ma naung soit ma i)
– Soit : jambar ni pariban Dongan Sahuta Ale-ale.

Ulaon na mangihut nunga dos songon na somal, ima marhata sinamot dan seterusnya.

Catatan: nasomal di Jabotabek on marhata sinamot laos di mata ni ulaon ido. Molo aslina di hitaan, ulaon tersendiri do i.

Pinadomuni (dirangkum oleh) :

Sampe Sitorus, SE  (A. Hitado Managam Sitorus)

Medang Lestari B3/K11 08129052462

Referensi dan Daftar Pustaka :

  1. Partungkoan Tano Batak http://tanobatak.wordpress.com
  2. Simanjuntak Sitolu Sada Ina : http://simanjuntak.or.id
  3. St. DP Hutagalung (Op ni Salomo) http://purbatondangmargana.blogspot.com
  4. Jambar Hata, T.M Sihombing, CV Tulus Jaya
  5. Dalihan Natolu Nilai Budaya Suku Batak, Drs. DJ Gultom Rajamarpodang, CV Armada –Medan
  6. Literatur lain dan angka panuturion ni angka natua-tua.

Read Full Post »

« Newer Posts - Older Posts »

Follow

Get every new post delivered to your Inbox.

Join 877 other followers

%d bloggers like this: