Molo ro gonghon dohot jou-jou tu hita sian parboruonta di na laho pamuli (pahutahon) boru nasida, angka on na porlu parate-atehononta :
- Siboanonta ima Tandok namarisi Parbue Gabe (tandok tar umbalga sian angka uduran), Dengke Simudur-udur, Ulos HEMBANGTUA (jenis ulos Ragi Hotang) Ima ulos sian tulang ni namuli, patandahon roha napantis do tulang i mangalehon pasupasu tu berena asa si ripe gabe, si ripe horas namanjalosa. I do umbahen sai umpudi tulang pasahathon ulosna, asa tulang i do pahembanghon pasupasuan (penutup)
- Panghataion ima peran mandok hata sebagai Tulang terdiri atas 3 bagian yakni : a. Ketika marhata sinamot, pihak parboru biasanya mangido panuturion sian horong ni hula-hula dohot tulang andorang so di gabehon nasida somba ni uhum somba ni adat na naeng pasahaton ni paranak tu nasida (parboru). b. Mandok hata di na manjalo upa tulang (panandaion) c. Marhata sigabe-gabe ketika pasahat ulos ke penganten.
Asa ummura antusanta pinatorang ma songon naung hea ni ulahon tingki parbogason ni ibebere niba Rita br Parhusip (boru ni Op.Sintong Parhusip / iboto ni Alden Parhusip) na marhamulian tu marga Manurung. Ulaon unjuk di Jakarta.
Di bawah ini akan kita ulas item no 2 yakni Panghataion.
Ketika Marhata Sinamot pihak parboru biasanya mangido panuturion sian horong ni hula-hula dohot tulang andorang so di gabehon nasida somba ni uhum somba ni adat na naeng pasahaton ni paranak tu nasida (parboru).
Somalna tar songon on ma Raja Parhata ni Parboru di na mangido panuturion : “Di bagasan tingki on mangido panuturion dohot poda hami tu hamu di parbogason ni borunami, ibeberemuna. Ai di jolo hamu raja siaduon, di pudi pe hamu raja si paimaon, di tonga-tonga hamu raja sihaliangan. Nunga tangkas nangkin hupangido hami tu raja ni pamoruonnami, i ma sinamot ni borunami. Asa hombar tu si, mangido hami di angka poda dohot panuturion sian hamu Rajanami. Hupasahat hami ma partingkian on tu hamu. Botima!” . Laos di suruma boru parlopes manaruhon mic dohot daftar horong ni hula-hula dohot tulang tu hula-hula.
Alus ni Hula-hula tar songon on ma:
Mauliate ma di hamu parboruoan nami ………(di dok margana), di na di paandar hamu panghataion jala mangido panuturion hamu sian hami horong ni hula-hula dohot tulang mu. (Kemudian berpaling kearah rombongan Hula-hula & Tulang).
Suang songoni ma di hita horong ni hula-hula dohot tulang nunga tangkas rap umbegesa hita di na mangido panuturion parboruonta (marga……….) tu hita asa mardos ni roha ma hita ise ma hita na pasahat panuturion ? (Somalna hula-hula tangkas do na pasahathon panuturion). Jadi dos ma rohanta sada silompa gadong dua silompa ubi ma ate ? Molo tung hami hula-hula pe na pasahathon panuturion sude ma hita dapotan uli ate !
Di hamu parboruonnami, Raja…….. (di dok margana), nunga sada roha nami sian horong ni hula-hula dohot tulangmu, molo sian hami horong ni hula-hulamu, nunga huida jala hu paihut-ihut hami angka panghataion-muna dohot raja ni pamoruonmu marga………di dok margana).. Asa molo sian hami, dohonon-nami ma songon hata ni natua-tua:
Aek godang ma inna tu aek laut Dos ni roha do antong sibaen na sautNunga tangkas hu ida jala hu paihut- ihut hami panghationmuna jala di dos ni roha muna, asa dohonon ma antong :
Amporik mallipik, Onggang marbabang. Gabe do parsinamot naotik, rap gabe do nang parsinamot nagodang. Antong.. gabehon hamu ma sinamot ni ibeberenami i.Ai molo dung digabehon hamu i, asa dapot ma antong songon ni dok i umpasa
Balintang ma pagabe, tumundalhon sitadoan, Ari mu ma antong namarhula-marboru gabe, molo tangkas hamu marsipaolo-oloan.“Songon ima hata sian hami horong ni hula-hula dohot tulang. Botima!”
Ketika Manjalo Upa Tulang
Di na laho pasahathon upa tulang tu hula-hula tangkas ni parboru, rap udur do parboru dohot paranak laho pasahathon i. Parboru ma napatandahon alai Paranak ma napasahathon Upa Tulang. Dung dipasahat Paranak Upa Tulang dohonon ni Tulang ni Boru Muli ma hatana tarsongonon :
Nuaeng pe nunga di pasahat hamu tu hami Upa Tulang, asa dohonon nami ma antong songon ni dok ni natua-tua :
Sinuan bulu sibahen na las, Nunga tapungka partuturon sai gabe ma hita jala horas, Botima.Ketika Marhata Si gabe-gabe (Pasahat Ulos)
Untuk detailnya silahkan click Kategori: Umpasa (disana ada beberapa tulisan yang berkaitan dengan mandok hata pasahat ulos)
horasss…..
anggo upa ni tulang sadia do???
mauliate
Upa Tulang tergantung do itu kesanggupan dan keikhlasan hasuhuton.
Didok natua-tua :
Sarupa namandanggurhon batu tu dolok do inna mangalehon tu hula-hula / Tulang
(memberi ke hula-hula/Tulang bagaikan melempar batu ke atas bukit, nantinya akan kembali lagi).
Ndang di ida mata di ida roha (kita bisa melihat kondisi. baik kondisi kita maupun kondisi hula-hula/tulang) harap di ingat upa tulang tersebut masih harus dibagi oleh mereka namarhaha maranggi.
Misal bisa jadi hulahula/Tulang namarhaha maranggi ada 3- 4 orang.
Kalo bisa ditulis dlm bhs. Indonesia juga..
Terima kasih telah mampir dan membaca tulisan di blog kami. Jujur kami akui tidak mudah menulis dalam bahasa Indonesia (menerjemahkan ke bahasa Indonesia). Kesulitan pada padan kata karena maknanya akan berubah dan tidak sesuai yang semestinya.
Disisi lain kami juga ingin melestarikan budaya Batak termasuk bahasa Batak, perlu diingat di beberapa tulisan kami sudah mencoba bilingual. Masukan anda akan kami pertimbangkan.
[…] https://sitorusdori.wordpress.com/2009/06/30/tugas-peran-hula-hula-ni-parboru-tulang-ni-boru-muli-di-… […]
tulang,ulos aha do goarna na suman pasahathon tu boru/iboto niba namangido tangiang dang dapotan gabe dope nasida.
Boi do pasahaton muna ulos sadum, alai boi do tong ulos Bintang Maratur asa maratur dianak, maratur diboru, songon parhitean ma i mangido tu TUHAN i asa dipalumehon ianakhon dinasida.
horas lae, satongkin nai muli nama bere nami, tolong ma jolo bantu hamu mambaen hata ditingki pasahatton ulus ragi hotang tu bere nami. alana sama sekali awam do hami, jala dang hea dope hami pasahatton hata tu bere na muli. bahen hamu ma jolo tu email nami uligol4n@gmail.com mauliate parjolo hupasahat hami tu hamu lae.
ini kawin lain suku terus gimana cara menyampaikan ulos apa kata-kata yang pantas diomongkan terima kasih
Jika pernikahannya secara adat Batak tentu rangakian adatnya adat Batak. Ketika memberikan ulos, tidak masalah berbahasa Indonesia ketika menyampaikan doa dan harapan.
Lain hal tidak menikah secara adat Batak, tentu tidak perlu memberi ulos.
maaf amang boru saya marga pangaribuan sedangkan omak boru jawa kebetulan ada marga simanjuntak mau pesta pangolihan anak kebetulan bona tulangnya pangaribuan jadi saya di beri parsidekkean tapi saya kurang pintar bahasa batak jadi tolong apa yg hrs saya katakan pasat pasahat dekke sama ulos pakai bahasa batak mauliate
molo na parorot borumuli namboru sianggian alai na gabe boru parlopes di pesta ujuk namboru siangkangan , jadi ise do na manjalo upa Parorot
Poda ni angka natuatua taringot tu sijalo Upa Parorot, ninna mardos ni roha ma boru tubu ni suhut. Ndang adong na dumenggan sian dos ni roha. Namarlapatan marsingkat soring ma angka namarpariban. Molo nunga hea ibana manjolo Upa Parorot di parmuli ni maenna ba ombas na asing lokma paribanna na manjalo.
Asing ni ulos suhi ni ampang naopat tingki pesta ujuk adong do dipasahat ulos sian kel parboru tu kel paranak. Molo adong namboru ni paranak na manjalo ulos boi do na pasahataon ulosna sian amangboru namuli?
Sasintongna boi do amangboru ni si boru muli pasahathon ulos tu namboru ni pangoli. Ai pariban ni paranak ma nuaeng tarap ni namboru ni si boru muli i.
Alai diangka punguan marga adong do angka naung ditolopi songon di hami Sitorus Jabodetabek, sude napasah ulos herbang 11 bulung ingkon marga Sitorus do. Nisunghun boasa alusna Parboru do mangulosi pamoruonna ndang gane dohot boru mangulosi paribanna ninna.
Horas , molo nga monding tulang Niba , aha do peran ni nantulang Niba i ? Maralapan do pe nantulang i ? Apalagi ma molo adong berena mangoli boha do peran ni nantulang i ? ise do manjalo Titin marakkup ? Mohon penjelasan mauliate 🙏
Maaf hukoreksi jolo saotik ate. Molo nahuboto taringot silompa gadongi!
“Sada silompa gadong dua sitopa puli”
Sada pe manghatahon naung sude ma taruli.
Ala memang du halak do si topa puli..
Puli= bosi naung dipanasi gabe gara jala ingkon hatop do di antuk i asa unang sanga ngali. Ido lae philosopi ni umpasa i. Dang asal di bahen opputa najolo i. Mauliate
Horas lae, mauliate siala didulo hamu blog nami on.
Panuturion ni natuatua na jinalo, Puli = sejenis dempul yang digunakan untuk merekatkan celah antar bilah kayi pada solu. Ndang tarula ni sahalak laho mangalompa puli i, pinomat dua halak.
Molo tung marimbar be pangantusion taringot tu Puli, tamba parbinotoan lam padasiphon pangantusion.
Biasa ndang lengkap ate…
Hata parpudi sian hula2/tulang tu suhut dung simpul mangulosi berena?
Diuduti ma muse dohot umpasa ;
Asa mangerbang ma bunga2 dimanogot ni ari
Selamat tinggal ma di hamuna, selamat jalan ma di hami.
Asa urut hamu ma ulin muna dht hula2/pamoruon muna.