Feeds:
Posts
Comments

Archive for June, 2011

Dalam beberapa kali perbincangan dapat saya simpulkan secara umum kita merasakan bahwa hampir semua ulaon adat Batak “sangat menyita waktu” (parsadarian) dan terkesan bertele-tele. Mengapa bisa demikian ?. Dari beberapa pendapat yang mengemuka dapat saya rangkum sbb:  (contoh pesta unjuk)

  1. Banyak unsur “kura-kura dalam perahu” terkesan berbasabasi. Contoh di Jabotabek marhata sinamot dilaksanakan sewaktu pesta unjuk sehingga terkesan basabasi karena pada prinsipnya semuanya sudah dibicarakan ketika patua hata dan marhusip nagogo. –> Masalahnya adalah ketika Patua Hata dan Marhusip nagogo pihak Hulahula dan horongnya Tulang tidak ikut serta sehingga kepada mereka (dijolo ni mangajana) harus di sampaikan perihal sinamot dan mereka harus mendengar pembicaraan kedua belah pihak (paranak maupun parboru).
  2. Terlalu banyak waktu tersita ketika akan pasahathon manang manjalo todoan/panandaion. –> Seringkali orang yang sudah dihunjuk untuk pasahathon/manjalo todoan masih harus di cari terlebih dahulu (ndang pintor mangarade).
  3. Terlalu banyak waktu terbuang ketika mandok hata sewaktu akan mangulosi. –> Mandok hata bertele-tele dan mengulang persis apa yang sudah disampaikan pembicara sebelumnya (isarana pulik mandok hata  jala mangido musik boru sian hulahula). Disisi lain terkadang yang disampaikan tidak ada relevansinya dengan ulaon (malah ada yang terkesan seperti martarombo).

Point 1 agak sulit solusinya, dibutuhkan kesepakatan semua pungun marga jika hendak mengubahnya. Note: Nasomal di Bonapasogit (Toba dohot nahumaliangna) ulaon marhata sinamot dipatupa dung mulak sian martumpol di gareja. Molo di Jabotabek mulak sian martumpol dipatupa ma Martonggo Raja manang Marria Raja.

Point 2 & 3 dapat kita minimalisir dengan mudah. Yang dibutuhkan hanyalah kesadaran dan disiplin.

Pihak paranak dan parboru haruslah punya prinsip bahwa manjanghon haroro ni parumaen di jabu ni paranak ingkon di torang ni ari. (Menyambut kedatangan menantu dirumah pihak laki-laki haruslah sebelum fajar menyingsing).

Boha pandapot ni angka dongan ? Di tambai dongan ma ate !.

Tabe mardongan tangiang.

St. Sampe Sitorus/br Sitanggang (A.Hitado Managam Sitorus)

Read Full Post »

Marsogot Jumat 10 Juni 2011 pukul 15.00 WIb, naeng Martumpol ma anaknami Martin Octavianus Sitorus, SH dohot oroanna Penny Juniska br Situngkir, SH maringanan di HKBP Ressot Slipi – Jakarta Barat. (Putra kel. Robinson Sitorus/br Sijabat – Slipi Jakarta Barat)

Songon na somal tontu dung sidung acara partumpolon pintor pasahaton ni pangula ni huria do partingkian tu hasuhuton paranak nang parboru laho mandok hata. Sian dos ni roha ni hami paranak ditingki tonggo saripe, marsogot mandok hata pinasahatma tu anggidoli St. Biller Sitorus (A.Alex) bapatua ni si Martin (ompu martinodohon). Tarsongon on ma hata na naeng sipasahaton ni nasida:

Fresh Juice Pesta 5500

Tamada do hita mandok mauliate tu Amanta Debata Pardenggan Basa siala asi dohot holong ni roha na natongtong mangiringiring hita saluhutna sian angka ari naung salpu rodi tingki on tarlumobi ma i  sadarion mansai denggan jala une ulaon Partumpolon ni anak nami dohot oroanna ima na naeng parumaennami,  boru ni Hulahulanami Raja i Raja Situngkir. Tangkas do nangkin nunga di patumpolhon nasida di jolo ni huria ni Tuhanta  marhite naposona amang pandita.

Asa dohonon nami ma antong mauliate godang tu amang pandita …………………… suang songoni tu saluhut parhalado ni hurianta HKBP Ressort Slipi naung manghobasi jala patupahon ulaon partumpolon i. Udut tusi pasahaton nami do mauliate tu organist dohot sude punguan koor naung mamuji  pasangaphon goar ni Tuhanta marhite ende dohot puji-pujian naung ni endehon nasida, marsangap ma antong goar ni Tuhanta jala hita pe saluhut taruli pasu-pasu hinorhon ni ende puji-pujian i.

Namangihut, mauliate godang ma hupasahat hami tu saluhut hamu nahuparsangapi hami, Hula-hula nami Raja Sijabat, Tulang dohot Bona Tulang nami  Raja Manurung, Tulang Rorobot nami Raja Sitohang, saluhut horong ni Hula-hula dohot Tulang,  suang songon i ma nang di hita namardongan tubu pomparan ni ompunta Raja Sitorus, Boru dohot Bere/Ibebere nami, ale-ale, pariban, dongan sahuta nang  dongan sahuria, suang songoni ma di hamu Hula-hula nami Raja i Raja  Situngkir dohot saluhut uduran muna, mauliate godang ma hupasahat hami di haradeon dohot harentaon muna mangadopi acara partumpolon ni anak nami dohot boru ni Raja i di namarsangkap nasida naeng mamungka pardongan saripeon jala naeng manjalo pasu-pasu parbogason nasida di ari Jumat 17 Juni 2011 na naeng ro marhite naposo ni Tuhanta di bagas joro on.

Ala ni i,  marhite on tung  gomos do pangidoon nami asa rap taboan nasida di tangiangta, asa tiur sude sangkap nasida, jala dao ma angka abat-abat. Suang songoni ma nang di hami bona ni hasuhuton paranak dohot Hula-hula nami Raja Situngkir, boan hamu hami ditagiangmuna asa dipagogoi jala di parbisuhi hami di na naeng mangarade patupahon angka nahombar tu pamasupasuon dohot pesta unjuk ni ianakhon nami.

Dibagasan las ni roha, sian asi dohot holong ni Tuhanta marhite pasu-pasuNa, huparade hami do kopi, teh manis dohot lampet asa rap manghalashon ma hita saluhutna. Botima mauliate. Horas.

Note: Ulaon Tonggo Raja nunga dipatupa diari Sabtu 28 Mei 2011 na salpu.  Ido umbahen dang pola hatahononhon asa rap udur hita Sitorus, Boru dohot bere tu bagas ni hasuhuton. Jadi dung mulak sian gareja molo tung rap udur pe hami namarhahamaranggi tu bagas ni hasuhuton paranak dang tonggo raja be, holan na manaringoti angka pangaradeon nama i.

Tarsongon i ma gambaranna, boi ma dipahantus.

Tabe mardongan tangiang.

St. Sampe Sitorus/br Sitanggang.

Read Full Post »

%d bloggers like this: