Feeds:
Posts
Comments

Archive for August 24th, 2013

Sahat tu sadarion ndang polin dope pangantusionku (belum lengkap/belum puas – jawaban yang saya dapat belum memuaskan pertanyaanku) taringot tu suhi ni ampang naopat.
Didok natuatua di Bona Pasogit ia namargoarhon suhi ni ampang naopat sasintongna ninna ima:
1. Dongan tubu,
2. Hulahula,
3. Boru
4. Raja (Raja Huta/Natuatua ni Huta),
Poda ni sijolojolo tubu mandok manat” mardongan tubu, “somba” marhulahula, “elek” marboru, “pantun” marraja. Laos dipaihuthon do dohot uhum tusi, molo sala tu suhi ni ampang naopat, ingkon; “sulangan” dongan tubu, “parpisoan” hulahula, “parulosan” boru, “bulangbulangan” raja.

Hape molo ditano parserahan on namasa ni ida diangka pesta unjuk tarsongon on ma:
Suhi ni ampang naopat di horong ni Paranak:
1. Pamarai/Pangamai – amangtua ni namangoli,
2. Simanggokhon/amanguda ni namangoli,
3. Sihunti ampang/iboto ni namangoli manang namboruna
4. Hulahula/Tulang ni namangoli (sijalo tintin marangkup)
On ma tugas & peran ni Pamarai & Simanggokhon:
https://sitorusdori.wordpress.com/2009/06/30/tugas-pamarai-simanggokhon-paranak-di-ulaon-unjuk-pesta-nikah/

On ma Tugas & Peran ni Sihunti Ampang dohot Boru Parlopes:
https://sitorusdori.wordpress.com/2010/08/10/tugas-boru-parlopes-dan-sihunti-ampang/

On ma Tugas & Peran Hulahula/ Tulang ni namangoli:
https://sitorusdori.wordpress.com/2009/06/30/tugas-peran-hula-hula-ni-paranak-tulang-ni-pangoli-di-ulaon-unjuk/

Suhi ni ampang naopat di horong ni Parboru:
1. Sijalo Bara-amangtua ni namuli,
2. Simandokhon/iboto ni namuli,
3. Sijalo Upa Parorot/Pariban manang Namboru ni namuli
4. Hulahula/Tulang ni namuli (sijalo upa Tulang).

On ma tugas & peran ni Sijalo Bara & Simandokhon:
https://sitorusdori.wordpress.com/2009/06/30/tugas-sijalobara-simanggokhon-paidua-ni-suhut-pihak-parboru-di-ulaon-unjuk-pesta-nikah/

Tugas & Peran ni Sijalo Upa Parorot dohot Boru Parlopes hampir sama dengan Sihunti Ampang dohot Boru Parlopes ni pihak paranak, bedanya adalah mereka menerima Upa Parorot.

On ma Tugas & Peran Hulahula/ Tulang ni namuli:
https://sitorusdori.wordpress.com/2009/06/30/tugas-peran-hula-hula-ni-parboru-tulang-ni-boru-muli-di-ulaon-unjuk/

Molo mangihuthon pandohan ni natua-tua na sian Bona Pasogit i, diparserahan on nunga dihalupahon halak hita hape Dongan Tubuna dohot Raja ni Dongan Sahuta (Natuatua ni huta).
Suang songon i pe nang angka Raja ni Huta (diparserahan tarajumi ma i pangurus ni parsahutaon/stm) ndang diharingkothon be laho panuturi diangka ulaon ni dongan sahutana ima ruasni punguan naginomgomanna. Holan patoroptorophon jala manolopi nama nasida ? Boha nama i ate ?.

Hulului pangantusion laho pamorahon parbinotoan dapot ma naginurathon ni amang Monang Naipospos, boima tajaha marhite on:
http://tanobatak.wordpress.com/2007/11/16/suhi-ni-ampang-naopat/

Marhite on pinangidohon tu amanta raja dohot inanta soripada, tuturi hamu hami angka sundut naumposo asa lam dasip pangatusion dohot parbinotan nami taringot tu paradatonta i.
Disiala haradeon muna manuturi hami, parjolo hupasahat hami mauliate godang.

Tangerang 24/08/2013

Tabe Mardongan Tangiang

St. Sampe Sitorus/br Sitanggang (A. Hitado Managam Sitorus).

Read Full Post »

%d bloggers like this: