Feeds:
Posts
Comments

Archive for April, 2018

Disada panghataion didok dongan:
Madabu jarum tu napotpot, ndang diida mata diida roha.

Tongon adong sahalak natuatua ditongatonga ni parpunguan i, laos dipaingot marhite suhununan manangkasi nanidok ni dongan i. Ndung diulakhon mandok, dipatorang natuatua i ma, ninna natingkos:
MADABU RABI TU NAPOTPOT, NDANG DIIDA MATA DIBOTO ROHA.

madabu=jatuh, rabi=sejenis clurit, napotpot=belukar, ndang=tidak, diida=dilihat, diboto=diketahui, roha=hati

Sesuatu hal yang terselubung yang dapat diduga, melihat dari gelagat atau dampaknya. Meskipun tidak nyata terlihat tapi marilah kita pertimbangkan dari gelagat/indikasinya.
Contoh meskipun tidak secara eksplisit meminta bantuan materi, marilah kita pertimbangkan kondisi sosial ekonomi ybs apakah layak untuk dibantu dari sisi materi.

Ambal ni hata pinaandar jolo link video on ate.

Tabe mardongan olopolop.

St.Sampe Sitorus/br Sitanggang (A.Hitado Managam Sitorus)

 

Read Full Post »

Dipudian ni ari on jotjot pinarrohahon diangka ulaon Patua Hata/Marhusip Nagogo ditariashon angka Raja Parhata ia panjuhuti di ulaon Pesta Unjuk (Marunjuk) didok Lombu Sitio Natinutungan.

Panuturion nahea nijalo sian angka natuatua marimbar do goar ni pinahan diangka rumang ni ulaon.
Molo di ulaon unjuk sisemet imbulu ma didok laho mandok Lombu (Lembu).

goarni-pinahan

Aha do lapatanni Natinutungan ?

Ia pandohan Natinutungan somalna masa di ulaon Sari Matua manang Saur Matua.
Najolo boan manang ola ni namonding, himpal do sada pinahan i jala tata do i ndang dirobus, pulik hosa do lompan ni natorop.
Tingki pasahathon jambar tata didabu (dipansampathon) do i sian pansapansa jala disi dope bangke ni monding i (ndang tu udean dope).
Dipudian niari masa ma nanidokna pasahat jambar mangihut ima pasahat jambar tata tu hasahatanna jolo dihalianghon bangke i laos dipasahat ma tu hasahatanna dung sidung mangulahon ruhut adat nasida. Isarana diulaon maralaman dung sidung manjanghon haroro ni Hulahula, dung mandok hata nasida laos pasahat angka sipasahatonna diuduti hasuhuton ma pasahat jambar tu nasida.

Dirajumi tung singgip do “unsur sinkretisme” disi ala najolo doshon naung dipelehon do juhut i tu sumangot ni angka daompung na ro laho mangalap namonding i (ai ninna ro do angka begu nasida laho mangalap namonding i).

Umbahen i do asa diorai HKBP ruasna padalan jambar natata di jolo ni bangke ni namonding asa unang madabu tu pangunjunan angka namangulahon adat i.
Molo tung pe padalan jambar natata ba ndung mulak ma sian udean.

Hinorhon ni i masa ma boan manang ola ni namonding dirobus laos didok ma i natinutungan.
Molo didok boan/olana Lombu Sitio Natinutungan marlapatan ma i Lombu Sitio himpal gabe jambar jala ndang tata be ai nunga ditutungi (dirobus).

Boha ia di pesta unjuk ?
Ninna sian najolo ndang masa jambar natata, sai naung dilompa do, alani i ndang masa didok natinutungan ai so masa jambar natata.😀

Hombar tu panuturion i, ginurathon ma di blog on pangantusion taringot tu Parjuhut dohot Ruhutna.
Denggan ma tapaandar angka pangantusionta asa rap mamora hita jala lam tu dasipna pangantusionta diadat Batak namansai uli i.

Tabe mardongan olopolop.
St.Sampe Sitorus(A.Managam)

https://sitorusdori.wordpress.com/2009/05/28/parjuhut-dohot-ruhutna/

Read Full Post »

%d bloggers like this: