Feeds:
Posts
Comments

Archive for February 15th, 2020

Di sada ulaon pesta unjuk naniadopan, disunghun natuatua i St. Jungjungan Sitorus (Op. Rachel, par Depok pomparan ni ompunta Raja Soulangon) au taringot tu ulos napinanghe ni panortor/penerima tamu.

O: Op Rachel, S: Sampe Sitorus

20200215_152012

O: Anggia..ai diparrohahon ho nangkin ulos napinanghe ni penerima tamu ? Boha do pandapotmu ?

S: Imada ai huida Sibolang do i, pandapothu ndang suman i pangheon ni panortor i, ai ulaon las ni roha do on, Pesta Unjuk di tonga ni mangajana.

O: Pas do nanidokmi ai natuatua on Op. Pardamean Sitorus pe sarupa do pandapotta natolu. Ai ulos Sibolang tu angka ulaon hahomion dohot habot ni roha do somalna di panghe. (Tongon di siamunna ompung Op Pardamean).

S: Olo do ala so diboto asal ma dipangke ulos i. Laos paingot among ma, ndang sala dipaingot saonari, pinomat haduan ndang ulahanna be.🙏

Laos dijou among i ma sada sian panortor i jala dipatorang taringot tu ulos Sibolang. Las roha ala sian hata na lambok dituturi, jala panortor i pe di okuhon ndang diantusi nasida taringot tu ulos dohot pamanghena. Ba songon i didok  jala diparade koordinator ba i ma dipanghe nasida.

20200215_170131

On ma nanidokna panuturi, molo niida na hurang dasip ba dituturi asa tujoloan ni ari lam tu dasipna, unang dipasombu ai olo do ala ndang diantusi songon na masa tu panortor i.

Mauliate ma pinasahat tu among St. Jungjungan Sitorus (Op Rachel).

20200215_143956

Tabe mardongan olopolop.

St.Sampe Sitorus/br Sitanggang (A.Hitado Managam Sitorus)

Read Full Post »

%d bloggers like this: