Inang Namora Boru vs Inang Soripada

Lewat WA, seseorang bertanya kepada sbb : Dalam beberapa kesempatan saya mendengar Raja Parhata mengatakan Inanta Namora Boru, namun dilain kesempatan Raja Parhata tersebut juga menyebut Inanta Soripada.

Apa perbedaan maupun persamaannya dan bagaimana “pangantusion” (pemahaman) akan sebutan itu ?
Saya sudah coba cari penjelasan akan hal itu namun belum ada yang memberi jawaban, bahkan ke Raja Parhata tersebut saya tanyakan namun saya tidak mendapatkan jawaban malahan mengalihkan pembicaraan.

Saya berharap amang St. Sampe Sitorus berkenan memberi penjelasan. 🙏

RESPON ATAS PERTANYAAN

Penasaran akan pertanyaan itu saya mencoba memberi penjelasan berdasarkan pemahaman yang pernah saya terima, sbb:

Inang Namora Boru adalah sebutan kehormatan kepada kaum perempuan yang sudah berumah tangga. Sering didengar dalam acara adat ketika sesorang “marhuhuasi” memulai pembicaraan, misal : amang Raja, inang Namora Boru. Sebutan Inang Namora Boru berlaku umum untuk semua kalangan partuturon.
Untuk kalangan khusus seperti “parumaen” menantu dan boru disebut Inang Namora i.

Inang Soripada.

Ada falsafah Batak mengatakan, “raja pe ama pinaraja ni ina”.
Seorang suami terhormat atas peran istrinya. Peran istri sangat besar memberikan dorongan kepada suami agar layak terhormat dihadapan publik. Berdasarkan hal itulah perempuan disebut soripada. Perempuan yang mengekang peran suami di masyarakat akan memenggal kemampuannya berperan di tengah masyarakat.
Tidak ada Raja tanpa Soripada dan sebaliknya.
Perempuan yang menunjukkan perannya sebagai pengasuh, pengayom, pembaharu dalam kehidupan, mampu menimbang dalam permasalahan, inilah yang kemudian yang berhak “martali-tali bonang”. Dia juga disebut “soripada mulia”.

Kesimpulan:
Inang Namora Boru adalah sebutan penghormatan kepada semua perempuan yang sudah berkeluarga, sedangkan Inang Soripada adalah sebutan kepada perempuan yang sudah berkeluarga dan pasti orang yang berkhidmat, menjadi penopang, penolong bagi suaminya dalam kehidupan sosial dan bermasyarakat.

Dengan demikian sebutan Inang Soripada lebih terhormat, sudah bentuk pengakuan atas peran serta para istri atas sukses suaminya.
Ingat dibalik suami yang sukses ada istri tangguh dan hebat yang menopangnya (secara rohani kita maknai tiang doa bagi rumah tangganya).

Tidak salah menyebut Inang Namora Boru bila itu adalah sapaan awal (marhuhuasi) untuk kalangan umum, namun akan lebih terhormat bila selanjutnya menyebut Inang Soripada, karena itu sudah pasti penghormatan kepada para istri raja (orang terhormat).

Tabe mardongan olopolop.
St. Sampe Sitorus/br Sitanggang (A. Hitado Managam).

Read Full Post »

Maminta Gondang Tortor Paniaran di Ulaon Saur Matua

Tulisan ini saya dedikasikan kepada puteraku Hitado Managam Sitorus yang sepanjang tahun 2018 ini sedang gandrungnya belajar martaganing.

Panduan maminta Gondang Tortor Paniaran.

Amanta Raja, Inanta Namora boru, suang songoni nang situan natorop.

Tangan do botohon ujungna jarijari. Jarijari sampulu marsiganjangi. Jongjong au di son jumolo marsantabi, sampulu jarijari pasumpulusadahon simanjujung.

Molo tung ahu pe namangurupi paniarian laho maminta gondang ni paniaran marpamuati ma rohamuna jala sotung manghurangi disangap ni  angka paniaran tarlumobi ma i hita namarhaha maranggi pinompar ni ompunta Raja Sitorus.

On pe ala naeng mulaan ma Tortor Paniaran tangkas ma tapaihutihut, jala mangarade ma hamu paniaran.

1. Gondang Mula Mula (Mula-mula/Alu-alu, untuk mengadukan segala keluhan kepada Tuhan Yang Maha Pencipta, Tuhan Yang Maha Kuasa, biasanya dilakukan tanpa tarian.)

Tinapul bulung bira, di toru ni sitorop

Nunga marpungu hami dison marriaria, huhut marolopolop.

Amang pandoal pargonsi, parindahan na suksuk, parlompan na tabo, taruan bodari, alapan manogot.

Ala marmula do hagabeon, marmula do hasangapon, marmula nang hatuaon.

Asa mula ni angka hagabeon, hamoraon dohot hasangapon ma on tamba ni naung pinasahat ni Tuhanta tu hami sude pinompar ni ompu nami Raja Sitorus, di son jonjong paniaran nami naeng manortor ma angka inanta soripada manghalashon saluhut pasupasu dohot denggan basa naung pinasahat ni TUHAN tu hami pinomparni ompunami Raja Mandidang Sitorus tarlumobi ma i di bona ni hasuhuton nami, nuaeng pe amang pargonsi nami, baen damang ma jolo gondang mula-mula i,

2. Gondang Sombasomba (sebagai persembahan kepada Yang Maha Pencipta.  Semua penari berputar di tempat masing-masing dengan kedua tangan bersikap menyembah).

Ba nunga di bahen hamu amang pandoal pargonsi gondang mula-mula i, nuaeng pe bahen damang ma gondang somba-somba asa jolo marsomba hami tu Amanta Debata Pardenggan Basa i, ai nunga di lehon di hami tingki nauli, ari nadenggan di ulaon Saur Matua ni natuatua nami on, taruli paniaran nami marhite Tortor Paniaran manghalashon pasupasu naung jinalo ni natuatua nami naung Saur Matua on. Asa anggiat ma dao parmaraan, dao ambat bingkolang di ulaon Saur Matua on, asa tiur songon mata ni ari rondang songon bulan, tio songon baba ni mual jala rintar songon bonang di gala tumpahon ni Amanta Pardenggan Basa i.

Laos asa ihut ma hu somba hami angka Amanta Raja rodi sude napinarsangapan naliat na lolo.

On pe bahen damang ma Gondang  Somba Somba i

3.  Gondang Liatliat (sebagai permohonan berkat dari Tuhan Yang Maha Pengasih, Maha Penyayang).

Amang pandoal pargonsi, asa liat ma panggabean liat nang parhorasan tu hami saluhutna tarlumobi ma i dipaniaran nami, antong bahen damang ma jolo gondang liatliat i , anggiat ma asi roha ni Amanta Debata Pardenggan Basa i  marhite Tortor Paniaran on dipasaorhon dame nang pasupasuNa tu sude hami naliat nalolo.

Lata ni singkoru na tubu di robean, Sai sude ma hami sitorop pomparan, na boi paulaean.

Tombak ni Purbatua, par hau na limut-limuton. Sai sude ma hami penggeng Saur Matua, dihaliangi angka pomparan.

Ipe bahen damang ma gondang lialiat i.

(Paniaran mangaliat, angka na talup paherbang tangan dipaherbang ma tanganna, ndung mangaliat sahali laos udut tu si ro ma horong ni boru dohot bere mangolopolopi)

4. Gondang Sitiotio (menggambarkan kecerahan hidup masa depan sebagai jawaban terhadap upacara adat yang telah dilaksanakan)

Amang pandoal pargonsi, amang sioloan, amang pangoloi nunga dibahen damang gondang liatliat i, nunga mariaria hami jala marololopolop tondi nami, Asa tio ma panggabean tio parhorasan tu joloan on, nuaeng pe hasahatan ni Tortor Paniaran bahen damang ma gondang sitio tio i.

Catatan:

Ninna natuatua, molo gondang hasahatan ba i ma panimpuli ni sude tortor somalna ndung i simpul simpul ma panortorion jala tortor ni hasuhutoj do i manang pangituai ni huta, alani i diangka panortor somalna mangidohon hasahatan ni tortor nasida i ma gondang sitiotio.

Pinadomuni
Sampe Sitorus/br Sitanggang (A. Hitado Managam Sitorus).

Note: diperkenankan untuk di copy paste dan sebarluarkan, namun mohon menyebut sumbernya dengan menyertakan tautan / link. Istilahku copy with pride.

Read Full Post »

MANGGULUT IMPUT NI LEANGLEANG

Manggulut imput ni leangleang.

Aha do lapatanni i jala sian dia do haroro ni hata i ?
Ninna tarsongon on ma baritana:

Na marmula do pandohan i sian sada turiturian ni Batak , songononma mulana….

Lao ma ninna dua halak manghail tu sada binanga.
Sahat di si, masitaon hailna be ma nasida sada di dolok, sada di toruan, alai boi dope nasida masitatapan.

Dung i ro ma sada leangleang, didekdekhon ma mas tu sada sian nasida. Pintor dijomput ibana ma i, dipuntali jala dipamasuk tu hadanganna. Diida donganna i do i, gabe didapothon ibana, didok ,

“ Aha na pinuntalanmi ? ” ninna.

“ Aha niantoanmu disi, na di ahu, na di ahu do i; na di ho, na di ho do i…. ”

Umbege i, mulak ma donganna i tu panghailanna. Ndang sadia leleng nari, ro ma leangleang i tu lambungna jala didekdekhon muse ma tu ibana sada imbuluna (imputna).
Pintor dibuat ibana ma i, dipuntali jala dipamasuk tu hadanganna.
Diida donganna i do i, gabe didok ma di bagasan rohana,
“ Tontu, mas do i tong. So tung umbalga do i sian na di ahu on, gabe sumurung ibana sian ahu.”

Didapothon ma donganna i jala didok:

“ Aha na pinuntalanmi ? ”

Dialusi donganna i ,

“ Aha niantoanmu disi , na di ahu , na di ahu do i , na di ho, na di ho do i…. ”

Ndang tarjalo donganna i non i, sai dipangido do asa dipatuduhon.
Ala so dioloi, gabe marbada ma nasida, martopar, marsiranggut, masiluntean.

Dung i , mamolus ma sada natuatua , ditolai ma nasida na marbada i jala disungkun sialana . Dipaboa nasida be ma na masa i , alai ndang dipaboa be anggo na dapotsa.

Dung i , didok natutua i ma ,
“ Buti ma i , manang na aha pe i , tabagi dua ma na dapot hamu i…. ”

“ Denggan ,,,, ”ninna na parjolo i ,ai didok rohana , Molo umbalga do mas na dapotsa i ba nunga gabe umbalga di ahu .

Pintor diparuar ibana ma mas i sian puntalanna , dilehon tu natuatua i , laos dibagi dua natuatua i ma i jala dilehon tu nasida ganup satonga be .

Diparuar na sada ma muse imput ni leangleang i sian puntalanna jala dilehon tu natuatua i , dung i , dibagi dua natuatua i ma i jala dilehon nasida satonga be.

I ma bonsirna tubu pandohan :
“ manggulut imput ni leangleang ”

Biar rohangku molo masa angka parsalisian sotung do alani namanggulut imput ni leangleang do.🙂

Siputihan sian turiturian on pinomat:
1. Tahalashon ma naung adong di hita.
2. Unang sai holan namangapian hita laos gabe tu pangiburuon ala dapotan dongan.
Naung dapotan ba dihalashon ma nanidapotna.

2. Nasodapotan dope ba sabam ma paima dapotan. Ai tarajumi do nunga diaturhon jala diparade TUHAN i angka pasupasuNa tu ganup hita, jala pasahathonna do i hombar tu lomo ni rohaNa.

Tahalashon ma na dihita jala tahasabamhon.🙏

Tabe mardongan olopolop.

St.Sampe Sitorus/br Sitanggang (A. Hitado Managam)

Read Full Post »

Jambar Osang tu boru.

Asing dolok, asing do duhutna. Asing luat sai adong do asing ni uhumna. Umbahen i do asa tubu pandohan “sai marsolu hinundulan do” namarlapatan ia songon i parsagi ni parjambaran di luat i, ba i ma diihuthon. Dipudian ni ari masa ma pandohan Sidapot Solup Na Ro (solup/suhatan na masa di huta i ma suhatsuhat na dipamasa).

Hombar tu Ruhut Ruhut Garis Besar Paradaton PARSIBONA JABODETABEK, ia jambar ni boru sian Osang.

Molo tung marimbar pe hita sian angka marga na asing naeng ma tangkas botoon asa laos boi memehononhon tu sundut naumposo aha do panghorhonna (filosophi dohot pangantusionta taringot tusi)

Niuji do mangalului hatorang asa lam dasip pangantusion. Mauliate ma di Tuhanta, siala haburjuon ni amanta Harry Butarbutar (kolektor barang-barang antik) taruli au dapot buku ADAT BATAK na sinurathon ni amanta Mangaradja Asal Siahaan di taon 1963 (ndang tubu dope au nunga digurathon buku i), marhite angka panuturion ni Raja dohot natuatua na tinopot nasida laos digurathon gabe buku na mansai uli.

Di son pinaandar ma di tongatonganta hatorangan taringot tu pangosang do boru di ganup siulaon. (gombar ni nilohothon di ginjang)

Tabe mardongan olopolop.

St. Sampe Sitorus/br Sitanggang (A. Hitado Managam)

Read Full Post »

Pangantusion taringot tu Pitu Lili Pa Ualu Jugia

Nunga pitu lili nami, Pa ualu Jugia nami. Nunga uli nipi nami, ai ro hamu raja ni pamoruon manggohi hajutnami.

Jotjot do tabege pandohan on dihatahon raja parhata ni parboru tingki marhata sinamot.

Alai sasintongna ra ndang haru sude hita mangantusi aha do pangantusion (filosopi dohot lapatanni pandohan i), biar roha so tung do na manghatahon i pe ndang diantusi aha na nidokna, dibege didok halak songon i manang dijaha ba laos ihut mandok songon i.🙂🙏

Ala sai mauas do iba diangka pangantusion, sai ni luluan do angka natuatua na rade manuturi. Disada tingki pajumpang ahu dohot natuatua, amanta i tongon panuturi diangka sundut naumposo, inanta i partonun.
Ninna marhite angka dongan parsiajar dipaihutihut nasida angka na niuji ginurathon di blog https://sitorusdori.wordpress.com

Mansai las ninna roha na ala niharinghothon manguhal angka pangantusion tu adat dohot ugari ni hita Batak na mansai uli i. Laos ihut tu si dipaandar amanta dohot inanta natuatua i ma pangantusion taringot tu pandohan : Nunga pitu lili nami pa ualu jugia nami. Nunga uli nipi nami ai ro ma hamu manggohi hajutnami.

Ia angka partonun marragam do angka ulaulana. Laos marimbar do nang parbinotoanna suang songon i nang ulos na talup  tinonunna.
Angka namarbaju parsiajar martonun somalna olat ni ulos parompa dope na talup tonunon nasida jala sada dope lili na.

Sahalak partonun boi diboto “talup na martonun” (tingkat keterampilan bertenun) sian lili na pinangkena laho patupa borna (borna=warna, sampurborna = warna warni).

Molo ndung lam malo partonun i lam martamba ma lili na pinangke na. Partonun na tumimbo (level tertinggi penenun) ima molo nunga pitu lili na jala digoari ma nasida Parpitu lili (lambang kesempurnaan).

Natalup martonun ulos Jugia ima angka Parpitu lili. Jadi molo nunga boi di tonun ulos Jugia, martutudu ma i naung singhop parbinotoanna (puncak tertinggi keterampilan bertenun).

Hatorangan taringot tu ulos Jugia on pinaandar pe tu naung ginurathon ni amanta Felix Tani (boi tajaha di referensi dan pendukung tulisan)

Mulak ma hita muse tu pandohan :
Nunga pitu lili nami pa ualu jugia nami. Nunga uli nipi nami ai ro ma hamu manggohi hajutnami.

Marlapatan ma i tung gok jala singhop na ma las ni roha ni parboru, ai ro pamoruonna (paranak) laho mangalap boru nasida gabe parumaen ni paranak jala tontu  mansai sangap ma nasida bahenon ni paranak. Parboru pe tutu talup jala singhop do manjanghon haroro ni raja ni pamoruonna. Pasahaton ni raja ni pamoruon ma adat na hombar tu hulahula, suang songon i nang parboru pe tutu talup do nasida pasahathon adat na hombar tu pamoruon (dohot ma di si angka ulos nauli, ai nunga Parpitu lili angka inanta parboru i).

Catatan: kesempurnaan seorang penenun ulos adalah bila telah mencapai tingkatan Parpitu lili dan mampu menyelesaikan ulos Jugia.
Kesempurnaan suatu keluarga adalah ketika mampu Pangolihon Anak dohot Pahutahon Boru (mengawinkan putra dan menikahkan putri).

Songon i ma jolo na boi pinaandar marhite na ginurathon di blog on.

Tangerang 08/12/2018 pukul 03.35  Wib (ndang nok simalolong modom gabe manggurat ma iba, alani i pinangido tu angka dongan unang holan copy paste jala mangokuhon na ibana panggurit ate – hindari plagiat).

Tabe mardongan olopolop.

St. Sampe Sitorus/br Sitanggang (A. Hitado Managam Sitorus).

Referensi dan pendukung tulisan:

1. Felix Tani: https://www.kompasiana.com/mtf3lix5tr/5bbeb77843322f25e63db5c2/inilah-jugia-ulos-batak-terindah-yang-langka?page=all

2. Ajinagara Pardede: https://www.google.co.id/amp/s/pardedejabijabi.wordpress.com/2011/01/03/tata-cara-pelaksanaan-adat-batak-6/amp/

 

 

 

 

Read Full Post »

MANGHUNTI TANDOK BOLON HATUAON NI ANGKA INA.

Disada tingki rap hundul ahu dohot sada natuatua ama dohot ina di pesta unjuk di Jabodetabek. Haroronghu aleale, natuatua i namboru ni suhut paranak napangolihon anak i.

Dung marsitandaan binoto partuturon manjou Tulang ma ahu tu nasida (ndang pola sidok marga ate).🙂

Tingki masuk Parboru mangudurhon boru dohot helana (Ulaon Ditaruhon Jual), manetek ilu ni Nantulang i, gabe songon na rap hohom hami. Ndung mangulon tingki, mansai manat husunghun boasa tarilu nasida. Dialusi Nantulang i, namangapian do ibana mamereng Parboru namarhahamaranggi udur manghunti tandok bolon, didok nantulang i martua nasida taruli manghunti tandok bolon pahutahon boru, molo au sahat tu songon on ma ganjang ni umurhu (73 taon) ndang hea dope manghunti tandok bolon.

Husughun boasa boi songon i ?
Alusna: Nda simanukmanuk sibontar andora, nda sitodo turpuk siahut lomo ni roha.
Ia Tulangmon anak sasada do, 3 sundut tuginjang sisadasada do, mauliate ma di TUHAN i dipalumehon do dihami 2 laem (anak) alai ndang adong paribanmu (ndang adong boruna).
Hirim do roha pamuli boru manghunti tandok bolon, alai dia ma dohohon boru ni haha anggi pe soadong ai holan sada do 4 sundut.

Tolema molo mangoli manang marhamulian berem, ba hunti tandok bolon i ninghu mangalusi asa unang menet roha na.

Eh da itonan, marimbar do i, goarna pe mangudurhon boru marimbar do tu mangadopi gonghon dohot joujou, ninna mangalusi au.
Roha i nian naeng do martandok bolon molo pamuli boru haha anggi (hami na samarga) alai; martampuk do bulung marbona sangkalan, marnata do suhut marnampuna do ugasan. Nda tung tarhona iba manghunti tandok bolon hape nasida najonok partubu ndang manghunti tandok bolon, ninna.

I muse do ate ? ninghu mangalusi.
Hurimang rimangi dibagasan roha, songon i ma sihol ni roha ni Nantulang on asa boi nian manghunti tandok bolon na patuduhon ibana suhut bolon, hape molo pinarrohahon nuaeng on ba toropan do suhut bolon pe ibana naeng do tandok nametmet boanonna ipe ndang be dihunti, diabing na ma.

Boasa diabing ? Sotung sega jambulan (sasak) i, nunga gira nasogot marsalon, suda do sihumisik manggarar i nda tung gabe pintor lemes alani tandok i, i do ra dipingkiri angka ina na so pola be manghasiholhon manghunti tandok.

Boha do tutu, gabe mago ma hatuaon i alani asa unang sega sasak i ?
Ah molo au mandok lok ma sega sasak i, dipadenggan pe muse, molo pe ndang boi dipadenggan ba tole ma hinorhon ni hatuaon do i.
Sian i ma botoon ni halak na suhut bolon do hape inanta i, alana pola lemes jambulan i hinorhon ni namanghunti tandok.

Dihamu angka ina sipareahan ma on tu joloan ni ari, tu hita angka ama ta sosoi ma angka inanta asa uli rohana manghunti tandok laos taondolhon ma ai hatuan do i di nasida.

Martua ma angka ina na lemes jambulanna di pesta unjuk alani namanghunti tandok bolon, ai tangkas do nasida hasuhuton namangudurhon uduranna, ai ndang sude ina hape boi manghunti tandok bolon laho namangudurhon uduranna.

Tabe mardongan olopolop.
St.Sampe Sitorus/br Sitanggang (A. Hitado Managam Sitorus)

Sumber photo manghunti tandok: https://www.tirtoutomo.org/jangga-dolok-ikon-toba-samosir/

 

 

 

Read Full Post »

Molo litok aek di jaean, tingkiron ma tu juluan. (Bila air keruh di hilir, periksalah ke hulu)

Falsafah orang Batak ini biasanya disampaikan para tetua kepada mereka yang mengalami kesusahan hidup tanpa jelas penyebabnya, semua usaha dan karyanya gagal bahkan dipandang kesialan selalu dialaminya.

Mereka yang mengalami hal itu diminta untuk “introspeksi’ jangan-jangan orangtua, kakek moyang maupun leleuhur mereka melakukan sesuatu ketidakadilan, menzolimi orang lain terutama kaum lemah.
Orang Batak sangat meyakini bahwa perbuatan tersebut akan mendapatkan balasan (karma) pada generasi berikutnya.

Hai kamu para penegak hukum (polisi, jaksa, hakim, pengacara) termasuk para saksi, saya peringatkan anda agar:
Suap janganlah kauterima, sebab suap membuat buta mata orang-orang yang melihat dan memutarbalikkan perkara orang-orang yang benar. (Keluaran 23:8).

Ingat…. jika karena terima suap seseorang memutarbalikkan fakta, maka kelak anak cucunya akan mengalami hal buruk akibat dari perbuatannya. Maukah kamu mereka akan memeriksa penyebab keruhnya hidup mereka ? Tentu tidak bukan ?

Read Full Post »