Tulang Rorobot, ise do nasida ?

Dipudian ni ari nuaeng on tarlumobi di tano parserahan didok ia Tulang Rorobot ima Tulang ni inanta pardijabu (ibotoni simatuanta boru).

Panuturion na nijalo sian marpipiga natuatua, ia Tulang Rorobot ima Tulang ni inongni suhut ama. Inonghu br Doloksaribu sian Lumban Holbung-Nagatimbul, Tulang ni inonghu Sirait sian Sibadihon. Jadi molo marulaon au panjouon Tulang Rorobot ima tu Sirait sian Sibadihon. Inanta Soripada boruni raja i Sitanggang, simatuanghu boru boru Hutapea sian Bibir Aek-Laguboti. Molo ianakhonhu antong mar Tulang Rorobotma tu Hutapea jala boru Hutapea ma nanidokna boruni Tulang na so boi olion ni anakhu.
Nunga pigapiga hali dihatai on di parserahan on (termasuk diskusi di Facebook), adong 2 versi: Sada songon nahupaandar diginjang i, nasada nari mandok Hutapea do Tulang Rorobot. Jala molo di Jabodetabek on gabe hira versi paduahon i nama namasa, gabe tulang ni inanta pardijabu nama nagabe Tulang Rorobot.
Didok natuatua panuturi i ma, Hamu angka na ditano parserahan….diagohon hamu Tulang ni inongmuna. Boasa ? Alana na so dilului hamu do nasaleleng on Tulang ni inongmuna ?
Jala ninna, angka namartinodohon  sada do Tulang Rorobotna. Isarana hami ma 4 anak ni daamang, sada do Tulang Rorobot nami na 4, ndang songon namasa nuaeng pulik Tulang Rorobot ni Dahahang, pulik Tulang Rorobothu, laos pulik muse Tulang Rorobot ni nahutodohon.

Ninna natuatua panuturi i, Tulangni inanta pardijabu pangoraon tu nasida Tulang Bao jala rap udur do nasida dohot Hulahula. Isarana pangolihon anak ma au. Digora ma Hulahula Raja Sitanggang dohot Tulang Bao namangihut tusi Raja Hutapea. Molo di Simalungun, panggoraon tu Raja Hutapea, molo sosala marningot au ima Tondong ni Tondong (Hulahula ni Hulahula). Husunghun natuatua panuturi i boasa digoari Tulang Bao ? Alusna molo Tulang Suhut mu ima Doloksaribu. Tarsongon i ma panuturion na hea ni jalo.

Huingot dope tangkas tingki naeng mahasohotan hami dohot inanta br Sitanggang, borhat do au dohot dainang (disuru daamang alana ndang hiras pamatangna) sian Tangerang loho mandiori laos manopot Tulang Rorobot ni daamang ima marga Nainggolan namarhuta di Depok (ompunghu boru Sirait sian Lumban Dolok-Raut Bosi, Tulang ni ompungboru on marga Nainggolan sian Dolok Nauli Silamosik. Nian molo dihuta Silamosik Porsea tangkas do marsitandaan, alai di tano parserahan on tingki i dope niboto na adong pinompar ni ompung i di Depok.

Hape dung martonggo raja hami Sitorus didok angka natuatua na di Jakarta on ma ia Tulang Rorobot diulaon Pesta Unjuk nami ima tulang ni dainang (Marga Sirait sian Sibadihon). Disunghun daamang jadi aha ma panjouon tu Nainggolan ? Didok ndang sahat be tu nasida gonghon. Didok amonghu, pangolihon anaka ma au ndang gonghononhu be Tulang ni inonghu ?            Manang nadia pe i sandok gonghononhu do Tulang ni inonghu ninna. Ujungna gabe digora ma Tulang Rorobot Natuatua (pandohan naimbaru ma on).

Alai sahat tu sadarion gabe namasa di Jabodetabek on nama niihuthon alana “talu” do iba molo nihataan i ai tumoropan do namandok Tulang ni inanta pardijabu na gabe Tulang Rorobot.
Ninna Natuatua panuturi i boasa didok Tulang Rorobot ala diangka ulaon Mangajana dohot Maujana na ma haroro nasida. Aha i Mangajana ? Mangajana ima ulaoan las ni roha naniadopan ni angka Raja na sangap (pesta bolon: Pesta Parunjuhan, Mangompoi Jabu, dohot lan naasing). Ulaoan Maujana ima ulaon partuatni natuatua Saurmatua dohot Maulibulung (dohot ma dison Pesta Tugu). Jadi diangka ulaon na somaralaman (ndang diantaran nabidang) ndang parsidohot be Tulang Rorobot.

Tarsongon i ma panuturion nanijalo sian piga-piga natuatua jala amonghu pe dihatindanghon do songon i, suang songoni Tulanghu Doloksaribu pe dihatindanghon do songon i.

Ambal ni hata molo naeng marpesta hamu (tarlumobi na di Jabodetabek) tuhor hamu ate tigatiga nami on, hutaruhon hami pe tu inganan parpestaan.

Tabe mardongan olopolop.

St. Sampe Sitorus/br Sitanggang (A.Hitado Managam Sitorus).

Advertisements

Read Full Post »

Poda na tur Parbahulbahul nabolon

---

Panuturion ni natuatua sai diparbaga do halak hita songon poda na tur on:

Parbahul-bahul nabolon, paramak so balunon, parsangkalan so mahiang, dohot partataring na so ra mintop (Pemilik bakul –tempat beras atau padi– yang besar, tikar yang tak pernah digulung, tatakan/talenan yang tidak pernah kering dan api dapur yang tak pernah padam)

Makna ungkapan tersebut menggambarkan keluarga yang makmur, terpandang dan berbudi luhur, sering dikunjungi tamu/keluarga dan senantiasa menerima dan menjamunya dengan ramah dan ikhlas. Tempat bertanya dan meminta nasihat, dermawan serta suka membantu orang lain atau keluarga yang berada dalam kesusahan.

On ma nanidokna namora. Molo paradongan disinadongan do i(harta benda), olo do holit nasida ndang partamue. Ima imbarni Namora dohot Paradongan.

Idealnya orang Batak yang makmur (na “Raja”) harus memiliki kepribadian dan sikap sebagaimana petuah tersebut.

Ambal ni hata molo naeng marpesta hamu (tarlumobi na di Jabodetabek) tuhor hamu ate tigatiga nami on, hutaruhon hami pe tu inganan parpestaan. Contact 081310204290

Tabe mardongan olopolop.

St. Sampe Sitorus/br Sitanggang(A.Hitado Managam)

Read Full Post »

Toga Sitorus ?

Molo Toga ima hadomuan(hasadaan) ni piga-piga marga.
Dalam bahasa Batak, toga dapat diartikan sebagai kumpulan (punguan).

Toga digunakan oleh Suku bangsa Batak (Silindung-Samosir-Humbang-Toba) ke dalam persatuan (parsadaan) marga. Seperti halnya Toga Sihombing sebagai persatuan kumpulan marga Sihombing (Silaban-Lumban Toruan-Nababan-Hutasoit).

Molo hita Sitorus ndang ampit dope hita mamangke Toga Sitorus alana sada dope marganta. Toho tutu pinomparni ompu i 3 ima Pane, Dori, Boltok. Alai natolu i ndang gabe marga tong do manjujung marga Sitorus.

Jadi indok rohanghu ndang ampit molo dipigapiga luat didok Toga Sitorus. Hea tarjaha au spanduk panitia Natal/Bona Taon Sitorus di sada luat dipanghe nasida Toga Sitorus.

Tarsongon i ma pangantusionhu taringot tu Toga.

Denggan ma dipaandar dongan pangantusionna asa rap mamora jala dasip pangantusionta.

Tabe mardongan olopolop.

St. Sampe Sitorus/br Sitanggang (A.Hitado Managam Sitorus)

Read Full Post »

Ragam ni Ulos Saput dohot Ulos Tujung

 

Ulos Sibolang

Ragi Hotang

Ragi Idup manang Punsa

Ulos Saput hombar tu hagabeon ni namonding somalna:

1. Sibolang (sian mate punu sahat tu mate mangkar-nasomarpahompu),
2. Ragi Hotang(Sirara) tu na Sarimatua,
3. Pinunsaan(Ragi Idup) tu naung Saurmatua.

Ulos Tujung ni namabalu somalna :

1. Sibolang (sahat tu na Sarimatua),
2. Ragi Idup ulos Sampe Tua tu naung Saur Matua.

Tabe mardongan olopolop.

St. Sampe Sitorus/br Sitanggang (A.Hitado Managam Sitorus)

Read Full Post »

Sisolisoli uhum, siadapari gogo.

             Marsiadapari marsuan

Disada luat tarbarita pinompar ni sadaompu dinasida sahorong ompu martinodohon na holan manjalo nadenggan sian donganna nabinotona, ia patupa nadenggan tu donganna tung mansai bangkol do mangulahonsa.
Tarida ma i tutu marpigapiga hali marulaon(las ni roha dohot arsak ni roha) nasida hasuhuton sai diurupi jala dipatupa horong ni hahadolina (pinompar ni ompungna marhaha maranggi) i do angka nadenggan tu nasida. Dituturi jala diulahon horong ni hahadolina i do asa renta jala denggan mardalan sude ulaon i.

Hape masa ulaon di horong ni hahadolina i, ndang dipatuduhon nasida naung jumolo dijalo nasida angka nauli nadenggan sian hahadolina i. Ro pe nasida mangadopi dohot mangalusi gonghon dohot joujou ba harorona songon natorop do ndang dipatuduhon nasida na solhot.
Angka sisongon on ma na so mangantusi pandohan ni natuatua ima Sisolisoli uhum, siadapari gogo.
Sian haporseaon hakristenon pe ndang ingot nasida naung jumolo dijalo nasida holong na sian Tuhan i, nian margogo ma nasida mangulahon holong. Unang ma holan manjalo binoto naeng ma botoon patupahon.

Poda tuhita saluhutna:
Unang marna loja hita mangulahon nadenggan, tabuhai ma sian na jumonok sian hita. (jolo sian jabu do asa tu alaman).
Ingot ma hita dinatarsurat i Galatia 6:10 Antong, binsan sadihari dope, taulahon ma na denggan di saluhut halak, alai gumodang ma tu donganta sahaporseaon!

Tabe mardongan tangiang.

St. Sampe Sitorus/br Sitanggang (A.Hitado Managam Sitorus)

Read Full Post »

Poda

Molo pogos ho amang parsiajari mangalilithon detar , molo mamora ho amang parsiajari martali-tali sungkit . => detar adalah ikat kepala orang terhormat terbuat dari kain bermotif indah , daun sungkit adalah ikat kepala ( tudung ) orang miskin yang mengembara di hutan . Makna kalimat di atas : di kala miskin belajarlah terhormat agar kelak tidak menjadi rendah diri , bila sedang kaya belajarlah sederhana agar kelak tidak merendahkan orang lain . Di kala miskin belajarlah bersahaja agar kelak bila kaya tidak menjadi sombong , bila sedang kaya belajarlah miskin agar kelak bila jatuh miskin tidak merasa terhina .

Sungkit

 

Read Full Post »

Najonok do bulu asa marsiososan.

Najonok do bulu asa marsiososan.

Alani namarsisosan i do asa rap magodang jala marsijaitan.
Alani namasijaitan i do asa rimbun jala gogo manaon ombusan ni alogo.
Alano i do asa disuan angka ompunta sijolojolo tubu bulu manghaliangi huta.
Ro ma pandohan :Sinuan bulu sibahen na las, pinungka partuturon asa horas horas.
Molo tung adong pe nahurang lobi diangka namarhaha maranggi, namariboto, ingot ma hita dipandohan :
1. Najonok do bulu asa marsiososan.
2. Doshon tampulon aek do ianggo namarhaha maranggi.
3. Tampunak Sibaganding di dolok ni Pangiringan,
Horas ma namarhaha maranggi molo tongtong masipairingiringan.

Tabe mardongan tangiang,

St. Sampe Sitorus/br Sitanggang

Read Full Post »