Feeds:
Posts
Comments

Archive for the ‘Umpama’ Category

Copy posting status Jotam Winslow Art di grup FB Partungkoan.

~*~”Marsibulu Tuan”~*~
Godang do huida nabinotom, alai hurang do huida pangantusionmu.
Dipangultophon ho angka hata, alai so tarida impolana. Molo dipatangkas dongan angka na pinangultoponmi, soada dipatorang ho lapatanna. Disunghun ho tarsingot boha do mambuat situak ni loba, “MARSIBULU TUAN” i do alusmu.
Natuani do ditanda na deba, na dia do pidong Sitapitapi, jala na dia do pidong Patiaraja.

Na manunghun ma jolo au tu hamu angka dongan, jolma na songon dia do tudosan ni pandohan on?
Ima jolma na tudos tu pidong Sitapitapi dohot jolma na tudos tu pidong Patiaraja. Jala takkas ma hu dok. Dang hutanda dope songon dia topa ni pidong Patiaraja.
Dapothu hata on, sian sada natuatua na muruk tu sahalak naposo.
Naeng do hu patangkas tu natuatua i lapatanna, alai mabiar au gabe dohot maon tu au muruk na.
Mauliate!

10429650_1414017872216524_383528803_o

Sedulur Fresh Juice diolah langsung secara higienis dari buah segar pilihan,

Tanggapan St. Sampe Sitorus/br Sitanggang (A. Hitado Managam).

Hombar tu sunghunsunghun i niuji do paandarhon pangantusion taringot tu si, denggan ma ditambori angka dongan asa lam dasip pangantusion taringot tu sunghunsunghun i.

Didok sijolojolo tubu, Pidong Patiaraja do raja ni sandok nasa pidong.
Ia pidong Sitapitapi umbahen margoar Sitapitapi ala ni malo na do mangkuling. Tutu do nagortip sitapitapu mangkuling. Molo adong anakhon ni halak na mateptephu mangkatai, didok natorasna do tusi : Aa, magartiphu do ho mangkuling, Sitapitapi do ho mangkatai, ndada na iran dois ni bibirmon”, ninna. Asa ndada na ture halak magartiphu mangkatai. Alai angkup ni na pande sitapitapi manghatai, apala imana pidong na ummoto ; Denggan do nian patna duansa, alai sai mengkatengkat do mardalan di tano i hinorhon ni otona, ai sai dirimpu dumokdok ibana sian tano on, sai didok roha na, marongrong tano on degehononna molo duansa pat na ojakhononna. Ia tu dangka ni hau songgop duansa do patna di ojakhon; alai tu tano mardalan, mellakhellak pat dibahen (mardalan sada pat, nasada nari diangkat sahira dakdanak namarsitengha).
Tudosan jolma tu pandohan ni natutua i: Tong kosong nyaring bunyinya. Pamalomalohon hape sodia nabinotona. Sai hira raja panungkunan hape holan hata do. Ndang masuk tu horong ni nabisuk jala panggomgomi (Patiaraja).
Molo sitapitapi doshon tu CERIWIS, TIDAK BERKHIKMAD.
Molo Patiaraja, ba raja dipanghataion nang dipangalaho.

Ambal ni hata molo naeng marpesta hamu (tarlumobi na di Jabodetabek) tuhor hamu ate tigatiga nami on, hutaruhon hami pe tu inganan parpestaan.

Tabe mardongan tangiang.

St. Sampe Sitorus/br Sitanggang (A. Hitado Managam).

Fresh Juice Pesta 5500

Advertisements

Read Full Post »

Umpasa tu angka namarsitaonon

Berhubung banyak permintaan dari para pengunjung Partungkoan Raja Mandidang perihal tulisan tentang umpasa sewaktu penghiburan (mangapuli/manise), maka dibawah ini akan kami tuliskan beberapa contoh

Namun sebelumnya terlebih dahulu harus kita pahami bersama pergertian umpasa. “Umpasa i ma pasu pasu manang tangiang na ro sian roha ni na mangkatahon umpasa i, asa pasauthon Amanta Debata songon na pinangido ni roha ni na mamasu-masu”. (Doa dan harapan yg datang dari hati yang paling dalam dari orang yang menyampaikannya kiranya Tuhan mengabulkannya bagi orang yang kita kasihi). (more…)

Read Full Post »

PORLU NI UMPAMA

Aha do alana umbahen na dipangke halak hita umpama dohot umpasa di tingki mangkatahon na dibagasan rohana dohot pingkiranna. Adong 2 (dua) alasan ima :

  • Na denggan parrohaon jala timbo do etika dohot falsafah ni halak Batak. Sada pandohan na metmet pe boi do mansai bagas arti manang makna na tarsurat di padohan i.

Molo sala mandasor, Sega ma luhutan

Dison mansai hona do tu roha sipasingot na nidok ni umpama i. Alani i ingkon manat ma mulaan sada ulaon unang sega di pudian ni ari. Sude do hita umbotosa aha luhutan. Ima punguan ni tibalan tingki manabi eme. Ingkon lengket jala dimpos do luhutan i asa lehet jala tutur muse jamaon tingki na mardege.  Molo mambahen luhutan ingkon denggan ma pungkaon asa unang rundut luhutan i muse.

Girgir manangi-nangi, Bangkol marhata-hata.

Maksud ni Ompunta najolo asa hita angka pomparanna manjadi “pendengar yang baik”. Unang sai holan iba mangkatai sampe bosan halak na mambegesa.Ingkon tangihonon do tong angka dongan aha na adong di rohana dohot pikiranna. Ai molo piningkiran nian bagas dapot i di roha, molo gumodang iba manangihon laos gumodang do botoon informasi, alani i tamba ma parbinotoan.

  • Lambok jala sentimentil do halak Batak. Anggo sasingtongna nang pe sipata sai songon ronggur soara ni halak Batak anggo parasaanna halus do. Taparrohahon ma umpama na di toru on :
Bungkulan na di ginjang, Parasaran ni borong borong
Bulan na di ginjang, Pardomuan ni simalolong

Angka na marsihaholongan ala dao be ingananna, rap mamereng ma tu bulan asa disi pajumpang simalolong songon daon ni lungun.

Madabu jarum tu na potpot
Ndang diida mata alai diidaroha

Manigor mangantusi do antong sude na umbegesa. Rupani adong na hurang etis molo dohonon sijuluk mata ni horbo. Umpamana di sitaonon di sada keluarga na mansai porlu pangurupion. Didokma songon na di ginjang i asa sude acara disesuaihon dohot kenyataan ni gogo ni na manghasuhuthon.

Ragam ni umpama

Mansai marragam do umpama di kesusasteraan ni Batak. Di toru on pinapungu ma umpama i gabe 4 (opat) bagian manang horong.

a. Umpama na marisi habisuhon

Ompu ni bisuk sabungan ni hata
Sisungkonon di bisuk sialapan di roha
Lapatanna : Hata ni na bisuk do sitangihonon.
Ndang rupani hata ni na mora
Molo litok aek di toruan tingkiron ma di julu.
Lapatanna : Molo terjadi parsalisian, ingkon paresoon do bonsirna, asa boi botoon dalan laho tu pardamean.

b. Umpama na marisi hahormaton

Pantun hangoluan Tois hamagoan
Lapatanna : Pangalaho na hormat di parsaoran mamboan hadengganan. Alai ginjang ni roha dohot teal ingkon mamboan hasusaan.
Bulung ni bulu diparigat rigat halak
Molo soada uhum dipasiding-siding halak.
Lapatanna : Angka na maradat jala siboto uhum do na diparsaorhon halak.

c. Umpama na mardomu tu adat dohot uhum

Durung do boru romburon hula hu1a.
Lapatanna : Ndang marna sae mangalehon tu hula hula
Sisoli-sisoli do uhum siadapari gogo.
Lapatanna : Na mangalehon adat, i do na laho manjalo adat Na mangulahon na denggan i do sijalo na denggan.

d. Umpama na mardomu tu parugasanon (kepemilikan)

Martampak bulung, marbona sangkalan
Martanda do suhut, marnampuna ugasan
Lapatanna : Lobi marhak do nampunasa di ugasanna sian manang ise pe.
Pulik asar ni lali, Pulik asar ni leang-leang
Pulik do nasinali, Pulik do lean-lean
Lapatanna : Paulahon do naso ugasaniba, jala gararon do utang.

e. Angka hata umpama na asing

Aek godang tu aek laut,
angka dos ni roha do si behen na saut.

Si hikkit si nalenggam,
tapillit ma nadumenggan.

Eme na masak di gagat ursa,
I ma na masa (denggan) i ma niula.

Sinuan bulu sibahen na las,
Sinuan adat dohot uhum sibahen na horas.

Ompu raja di jolo martungkot sialagundi,
Angka adat nauli napinungka ni ompunta na parjolo, siihuthonon ni hita na di pudi.

Baris-baris ni gaja di rura Pangaloan,
Molo marsuru raja, dae do so oloan.

Pat ni gaja tu pat ni hora,
Angka anak ni raja jala pahompu ni namora.

Asing dolok asing duhutna,
Asing luat, asing ruhutna.

Sise do mula ni hata, sungkun mula ni uhum,
Gokhon sipaimaon jou-jou sialusan.

Sotongka do mulak tata naung masak,
Mulak marimbulu naung tinutungan.

Unang songon tagading, marguru tu anakna.

Piltik ni hasapi do tabo begeon ni pinggol,
Piltik ni hata sogo begeon.

Dohot angka na asing.

Pinadomuni (dirangkum oleh) :

Sampe Sitorus, SE  (A. Hitado Managam Sitorus)
Medang Lestari B3/K11 08129052462

Referensi dan Daftar Pustaka :

  1. Partungkoan Tano Batak http://tanobatak.wordpress.com
  2. Simanjuntak Sitolu Sada Ina : http://simanjuntak.or.id
  3. St. DP Hutagalung (Op ni Salomo) http://purbatondangmargana.blogspot.com
  4. Silaban Brotherhood http://www.silaban.net
  5. Borsak Sirumonggur http://sihombing.lumbantoruan.net
  6. SIMARMATA (SIMATARAJA) http://simarmata.or.id
  7. Jambar Hata, T.M Sihombing, CV Tulus Jaya
  8. Dalihan Natolu Nilai Budaya Suku Batak, Drs. DJ Gultom Rajamarpodang, CV Armada –Medan
  9. Literatur lain dan angka panuturion ni angka natua-tua.

Read Full Post »

%d bloggers like this: