Partangiangan Parborhathon Marsingkola

Haduan unang lupa ho amang dihami natorasmon, amangtuam, amangudam, namboru suang songoni nang haha anggim,ibotom. Marudur do hami amang martangiang laho parborhathon ho nanaeng marsingkola tu Den Haag Belanda i. Sotung gabe songon ende namarjudul LUPA DO HO.
Peop i amang anak hasian, jungjung goarni amongmi, goarni ompungmi, nang goarni ompunta Raja Sitorus.

Tarsongon i ma pussuk jambu ni angka hata poda nang sipaingot na pinasahat ni angka namanghaholongi anaknami Yosef Ernes Sitorus anakni hahadoli Tumpak Sitorus/Etik br Sitohang (parompuon Raja Soulangon) namarhuta di Medang Lestari.

Hari ini Minggu 18 Agustus 2013, Yosef Ernes Sitorus berangkat ke negeri Belanda untuk menuntut ilmu di salah satu universitas di Den Haag. Selamat menempuh pendidikan ma ho poang anaha, tangiangnami diramoti Debata ma ho, dapot naniluluanmu jala jumpa na jinalahanmu.

Berikut adalah tata ibadah pemberangkatan yang kami laksanakan pada hari Minggu 11 Agustus 2013 lalu.
Partording ni Partangiangan Paborhathon Marsingkola

Horas.
St. Sampe Sitorus/br Sitanggang (A. Hitado Managam Sitorus).

Read Full Post »

Paebathon Pahompu tu Ompungna

Anggidoli Halason Sitorus pomparan ni ompunta Raja Hatogahan(Sihorbo) beberapa waktu lalu bertanya partordingni ulaon paebathon pahompu tu ompungna. Singkat cerita mereka berencana paebathon boruna (boru ni anggi tinodohonna) tu ompungna di Serang.

Berhubung netbookku sedang bemasalah maka saya tidak bisa memenuhi permintaannya untuk mengirimkan tulisan dibawah ini via email.

Paebathon pahompu (biasanya anak buhabaju/ anak pertama) lapatanna mamboan anak buhabaju i tu huta (jabu) ni ompungna. Biasanya paebathon pahompu ketika dia masih balita. Saat ini ulaon paebathon pahompu sudah jarang dilakukan. Nian ndang apala sude be mangulahon si songon on di bagasan adat-paradaton.

Ala di pangarantoan on do hita, tarsongon on ma partording ni ulaon i:

Orangtua si bayi mengkonsultasikan rencana paebathon tersebut dengan natoras dan/atau Haha-Anggi dohot ibotona. Setelah disepakati waktu pelaksanaan maka rencana tersebut di sampaikan pihak paranak kepada Hula-hulanya (pihak mertua anaknya).

Pada hari yang telah disepakati maka diudurhon paranak ma anakna dohot parumaenna mamboan pahompuna i tu jabu ni hula-hulana. Udur nasida rap dohot haha-anggina, boru, bere nasolhot. Diboan nasida ma sipanganon na marsaudara(namargoar) dohot angka sipanganon na asing na mambahen las roha ni hula-hulana.

Pihak Parboru pe nunga renta rap dohot Haha-Anggi dohot boru nasida,  jala nasida pe nunga parade do dekke dohot ulos nalaho sipasahatonna tu pamoruonna i, songon i molo adong angka ulos sian horong ni parboru.

Dahulu kala pada saaat paebathon anak buhabaju tu ompungna, biasanya hela dan borunya sekaligus meminta kepada mertuanya warisan untuk pahompunya yang biasa dikenal “songon indahan arian ni pahompu i” ,  manang didok andor ansimun, berupa kerbau, lembu, atau sawah. Namun saat ini permintaan seperti itu sudah jarang dengan pengertian bahwa indahan arian manang andor ansimun i sudah dipakai untuk membiayai pendidikan ibu dari si bayi (dan biasanya sat ini sudah sangat jarang pihak menantu  meminta sesuatu kepada mertuanya – termasuk dalam hal indahan arian dimaksud) . Jadi hira so adong be di tingki on na mangido si songon i.

Dung pungu jala hundul angka tutur, ro ma hata boa-boa sian par-nak di na laho pasahat tudu-tudu ni sipanganon. Somalna, amangni hela manang haha-anggina do manghatahon, songon ma didok:

“Di hamu hula-hulanami, marnatampak do hami di son laho pasahathon tudu-tudu ni sipanganon namarsaudara, tudu-tudu ni panggabean parhorasan do on Rajanami, di naung las rohanami dohot rohamu, naung dapot hami songon hata ni natua-tua, dapot najinalahan jumpang naniluluan di tumpak asi dohot holong ni Tuhanta i.

“Molo tung songon on pe na boi hupasahat hami di tingki on, las ma rohamu. Botima!”

Dipasahat parboru ma dekke tu paranak songon nasomal, jala hatana pe hira dos do i tu angka ulaon na asing.

Dung i mangido panuturion ma paranak, didok: “Di hamu hula-hulanami, ala naeng sulangan ni helamu ma Raja i, beha Rajanami, asa tuturi hamu hami.

Didok Parboru mangalusi: “Nauli ma i tutu. Alai jolo marsipanganon ma hita, jala laos sian hamu ma namanguluhon tangiang.

Di tingki na marsipanganon i dope, pintor borhat ma ama dohot ina ni dakdanak i mamboan anak buhabajuna i, dipaabinghon ma tu ompungna boru dohot ompung na baoa. Didok: “Ampu hamu ma amang-inang pahompumuna on. Dungni disulangi helana ma simatuana dohot indahan na las dohot lompan naung diparade hian. Parjolo ma sian simatuana boru, baru pe tu simatuana doli.

Angka engkel dohot las ni roha do tarida di ulaon si songon i. Songon hata pasu-pasu sian ompungna tu pahompuna, didok asa imbur-imbur magodang jala siboan sangap pahompuna i muse jala martinodohon anak dohot boru dope pahompu na di abingna i.

Dung disulangi simatuana i, boi do muse disulangi hela dohot boru i angka horong ni hula-hulana na ro di ulaon i. Sipata gabe simatuana do langsung manggorahon angka sijalo sulang-sulang i. Di tingki na manu-langhon hela dohot boru i, sai di bagasan las ni roha do nasida, minar bohina jala didok ma hatana, “On ma inang, amang, lae, inang bao sulang-sulang natabo di hamu. Halashon hamu ma on, asa manumpak ma tondimuna di hami borumu.

Dung sidung marsipanganon, mulak ma muse tu namasisisean (ma-nungkun). Disungkun dongan tubu ni parboru tu suhutna taringot tu ulaon i. Alai boi do langsung nasida manungkun pamoruon na ro mandapothon nasida i.

Alus ni paranak di sungkun-sungkun ni Hula-hulana (Parboru) taringot tu sintuhu ni indahan namasak dohot lompan na tabo : Panggabean Parhorasan. Molo disungkun Hula-hula taingo tu partordingni tudu-tudu ni sipanganon, alusna: Surung-surung ni Hula-hula i do i. (alana paranak do na ro tu huta ni parboru mamboan sipanganon).

Laos di namarsisisean i do pangidoon ni paranak Pasu-pasu marhite tangiang ni Hula-hula.

Somalna, jolo pasahathon ulos holong (parompa) do ompungna tu dakdanak buhabaju i, dungi marhata sigabe-gabe ma sian hula-hula, jala mangampu ma muse paranak.

Songon i ma hira ruhut ni ulaon napaebathon anak buhabaju pinatupa di son, songon acuan singkat di hita. Godang dope nian angka pandohan di ulaon i na naso pola nisurathon di son. Alai unang ma nian pola marganjang-ganjang angka panghataion di ulaon i, unang gabe membosankan. Naporlu di si makna dohot ruhut ni ulaon i do asa hombar tu maksud ni ulaon i. Gabe ma jala horas.

NB: Andorang so mangampu, denggan do molo jolo dipasahat paranak pasituak na tonggi ni sude horong di hula-hulana. Taringot tu parjambaron, hira surung-surung ni parboru do i.

Sumber:

http://simanjuntak.or.id/2008/01/10/rumang-ni-ulaon-las-ni-roha/

http://purbatondangmargana.blogspot.com/2008/09/mebat-paebathon-buha-baju.html

Dirangkum oleh:

Sampe Sitorus

 

Read Full Post »

Pangantusion tu ulaon HULA-HULA RO MAMBOAN AEK NI UNTE (Mamoholi)

Dung jumpang di arina jala gok ma di bulanna mangintubu ma ina i, digoari musedo i HIPAS. Boasa didok hipas, ai so na dibagasan parsahiton nian inantai. Alai dirajumi roha ni nasida do borat pamatang ni angka ina na managam haroan. Olo do songon na patagam-tagam parmaraan. Molo laho mangintubu sada ina mamintor ro do angka donganna ina pajonokhon diri laho mangurupi olat ni na tarbahen sa, angka ama pe na tinggal di huta, tangi do nasida. Angka ina na mangurupi ina mangintubu digoari do nasida SIBASO (Bidan).

Molo baoa do na tinagam i (na ro i) na jolo digoari ma tubu si unsok jala digorahon angka ina ma HORAS tolu hali, molo borua digoari sorong sibutet digorahon ina ma GABE tolu hali. Molo ndang adong gora-gora sian angka ina, manang sibaso, sunghun-sunghun ni angka ama didok nasida; “songon dia”! Dialusi angka ina ma i baoa manang borua.

Boasa molo tu baoa didok tubu, jala molo tu borua didok sorang?

Naginoaran anak na tangkas tubu, jolma marroha na pantas, na mangaradoti angka siulaon na denggan, panaekkon sian parulaon ni amana, patimbohon pinungha ni ompuna, parparange sitiruon. Adong hata Batak mandok ndang dao tubis sian bonana molo dao disarut babi pangalaho na humurang do i. Di angka dakdanak boru, molo dung magodang pamatangna pamulion do i muse tuhuta ni halak, jala i do umbahen didok patogap parik ni halak. Ndang apala sarupa hata tubu dohot sorang. Boi do hata i sorangan, maisorang. Dipoda-poda i angka natorasna do boruna, unang gabe paminsangon dung marhamulian, sotung didok simatuana, boru na so hona ajar. Diajari do diruhut-ruhut ni ulaon naboru, martonun mangaletek dohot mambau dohot sude angka ulaon ni naboru. Boru na pinamuli i boi do i digoari sorang tu huta i, ndang tubu di huta i.   I ma sada tudosan sian hata pangidoan “sorangan anak nabisuk ma huta on”, lapatanna sian pangisi ni huta i gabe adong jolma nabisuk, ai nunga tubu hian ibana.
Dung tubu/sorang poso-poso i, dihobasi angka ina do pardahanan adong manghobasi lompan jala adong manghobasi na nidugu. Somalna juhut manuk dope dipatupa di parmanganon i, digoari do i mangan indahan hesek-hesek. Na nidugu somalna bangun-bangun do dibahen. I do mula ni umpama on: Bangun-bangun sinuan, bangun-bangun sinalong. Molo i nisuan i do salongon. Bangun-bangun na rara tabo paura-uraon, molo nidok hata sitongha pauba-ubaon.

Hata umpama on patuduhon na mansai manat do angka ompu na parjolo i mangkatai, ingkon jolo dipingkiri do manat aha hata na talup sidohonon unang gabe adong sipanungir-nungiran. Di tingki na mangan indahan hesek-hesek ndang  marsilua i, ai manangkas do i ulaon saripe/sahuta. Dung sidung nasida marsipanganon dipasahat do taha-taha ni manuk i songon jambar ni SIBASO.

Di nangkok ni mata ni ari dihobasi ama do mambahen ranting ni unte na marbulung jonok tu parpintuan ni jabu i, molo baoa do na tubu i disiamun ni parpintuan laho masuk tu bagas ma dibahen, molo boru do na sorang dihambirang ma jala ujung ni ranting ni untei dompak ginjang. Aha do raksana umbahen unte didok, jala dia sialana umbahen disangkothon jonok tu parpintuan ni jabu i? Unte do asom, alai ndang asom unte. Tudosan: unte mungkur (unte pangir) ndang didok asom pangir, asom jungga asom (unte bunga).

Molo didok halak Batak songon na mereng aek ni unte do iba marnida anak ni si Sampe an, ala denggan ni parangena. Songon na sai niasoman do roha, mamereng pangalahoni si BINGKAS ala roa ni pangalahona. Angka ompu na parjolo i, songon aek ni unte do roha nasida marnida poso-poso, jala poso-poso i mamorluhon aek ni unte (pangurupion).

Molo adong haroan di sada huta ro do angka tutur dohot sisolhot mamoholi mamboan siluana be adong na mamboan tuak, manuk, boras, bangun-bangun dohot na hombar tusi. Angka ama maranggap do nasida. Molo adong paragat di huta i, na ingkon do dilehon tuak na niagatanna i inumon ni na maisorang i. Ima patandahon uju i ringhot ni ugari di angka ompu na parjolo. Aut sura adong tutur na ro tu huta i (sorang poso-poso) umpamana mangalului horbona (pinahan) manang maningkir boni, marutang do tutur na ro i molo so adong dilehon siluana tu poso-poso i nang pe sopamotoan ni nasida hian na adong haroan di huta i.

Molo ndang marhepeng tutur na ro i ditadingkon tutur i ma barangna di poso-poso i tahuluk manang sengka-sengkana. Didok do tu poso-poso i; “hutadingkon ma jolo barangkon di ho uncok/butet hutobus pe muse disada tingki ai toho nuaeng ndang mameop sihumisik ahu”. Ro do muse di sada tingki na manjanjihon i manobus barangna i pasahathon siluana. Molo laho morot manang mardalani angka natua-tua manang natunggane uju i, ndang olo nasida mardalani luang, ingkon sai adong do dihadang-hadangan nasida sengka-sengkana manang hajutna atik adong utang na so tarjua. I do ringkot ni adat dohot ugari di nasida. Na masa sinuaeng on nunga hira na dao sian angka ruhut-ruhut dohot bangko-bangko parulaon ni ni ompunta. Masape sinuaeng on maranggap dohot mamoholi, gabe hira sipaula nama i.

Najolo, molo sorang poso-poso marumur 5 ari – 7 ari dilalo nasida do poso-poso i. Dibahen ma batu tolu manang lima, somalna batu parbue do dohonon. Ditutung ma batu i tu pansisuluan ni inanta i, dung margara-gara (mohop) disiram ma batu na hona tutung i, jala diabing ma poso-poso i di atas batu na hona tutung i, didok ma hatana:

Buaton lali, buat on tungko-tungko
Molo ndang dibuat ho saonari
Agia andigan sotung dibuat ho
Malum ma bontan dao ma sahit-sahit

Songon i ma dibahen nasida dihaliangkon ma poso-poso na niabinganna i pitu hali laos digoari do i manasak (asal hata TASAK). Pamingkiran ni nasida adong do huroha pangkorhon ni uap ni batu na tinutung i tuposo-poso i, ai molo adong jolma parlomos manang parbiar jala sai gale-gale pamatang na digoari do pardaging malas manang parlomos. Ndang adong be nuaeng piga halak na olo mamborngini na sorang i (tubu i) jala hira balanjo ni poso-poso nama dipupusi, jala nunga rangkak nuaeng on mangulahon songon i.

Dung marumur poso-poso i 7 (pitu) ari manang didok salpu robo-roboan dibahen nasida do ulaon na nigoaran mangkaroani. Dipatupa sipanganon, angka bangun-bangun sipanganon ni angka tutur, termasuk dongan sahuta. Alai ndang apala pinahan dipatupa disi, jala angka tutur na ro diboan do angka boan-boan hombar tu ruhut paradaton. Adong do namamboan boras, kado, hepeng, nang angka na asing dope.

Najolo dung sorang dakdanak dipasahat ompungna manang tulangna do ulos di tingki mangharoani/mamoholi manang martutu aek (zaman pra kristen maridi tu aek pansuran parhutaan ada ritual). Ulos Tapoltua do digoari angka ompu naparjolo, tapol-tapol ni anak nabisuk, tapol-tapol ni boru namarroha.Nuaeng on digoari ma Ulos Parompa.
Note: Ingat bait lagu “ULOS SAPUT” : di nasorang ho inong na uju i, pintor ro do da tulangmi.. hei. hei lao pasahthon ulos parompa mi nang aek ni unte i. hei. hei….

Mamoholi berasal dari kata pohol, tradisi di Toba, daerah berbukit yang sangat dingin. Untuk melindungi si orok dari terpaan dinginnya cuaca, ibunya yang baru melahirkan biasanya tidur atau berbaring di dekat api, di dapur maupun perapian khusus /temporer yang dibuatkan untuk itu. Saat si kecil kedinginan, si ibu mendekat tangannya ke api, lalu hangatnya ditularkan ke wajah atau badan di anak dengan menempelkan telapak tangan. Praktek ini berulang-ulang, saban pagi dan malam. Dan bila malam tiba biasanya para orang tua datang maranggap angka inanta marganti-ganti mangurus poso-poso i (inangna boi ma istirahat di papodom-podom), angka amanta manghata-hatai laos asa adong mandungoi angka inanta natarpodom.
Di Jakata di dokma on melek-melekan (biasa mar leng / mar bento ma ra ate ? he..he..he)

Na masa nuaeng on taida hombar tu na sorang anak buhabaju, i ma di naro hula-hula manang tulang ni dakdanak i pasahathon aek ni unte.
Aek ni unte (harafiah air asam) yaitu sejenis makanan sayuran bangun-bangun yang diberi asam dan disantan dengan campuran daging ayam untuk memulihkan raga ibu si anak dan menderaskan ASI.

 

Asa ummura antusanta binahen majolo songon simulasi (kondisi ideal/ seharusnya) contoh skenario di keluarga nami, misalna Tubu ma si Dimpos Hadameon (Anak ni anggiku si Lumumba/br Marpaung) ro hula-hula mambioan aek ni unte. Dang pala marboa-boa nasida jadi holan hami ma mangadopi Suhut Kel. S. Sitorus/br Sitanggang (Bapatua ni si Dimpos, ahu ma mangganti natua-tua i), Boru Suhut Kel. Manullang/br Sitorus, Kel. Tampubolon/br Sitorus, Dongan TubuHahadoliMorgan SitorusTumpak Sitorus dohot Anggidoli Robert Sitorus Dongan Sahuta JM Siahaan/brPanjaitan (A. Collyn).

Songon non ma par tording ni ulaon mo ro Hula-hula Mamboan Aek ni Unte

Nasomal Di Pangarantoan on (Jakarta) :
Biasana holan horong ni Simatua nama naro mamboan Aek ni Unte. Harana molo angka Tondong nasolhot nunga marroan nasida maningkir dakdanak nasorangi di Rumah Bersalin, ai ma rata-rata nuaengon tubu dakdanak di Rumah Bersalin.

Pardalan ni ulaon di namamboan AEK NI UNTE

Dung dibuhul tingkina, ro ma Hula-hula Marpaung (Simatua ni A. Dimpos) dohot hula-hula i haha anggi ni simatua ni A. Dimpos na adong di Jabotabek on.
Sahali ro ma nasida unang pola pigahali lola. Sude ma na ro i mamboan sipir ni tondi alai anggo apala Simatua ni A. Dimpos maboan Sipir ni tondi dohot dengke upa-upa di atasna siupahononna tu pahompuna natubui dohot bangun-bangun, godang sipanganon diboan nasida. Dijou A. Dimpos ma hami Hahana dohot ibotona songoni dohot Hahadoli Morgan Sitorus, Tumpak Sitorusdohot Anggidoli Robert Sitorus dohot Dongan Sahuta JM Siahaan/brPanjaitan (A. Collyn).

Dung pungu sude naro dohot na manjalo dipungka ma ulaoni songon on:

Dipasahat ma Upa-Upa ni si Dimpos ima Aekni Unte dohot Ihan nalobangon laos marsipanganon ma.
Note: Dang pola ingkon sipatupaon ni hasuhuton sipanganon namarsaudara, ai ala las ni roha ni hula-hula asa pintor ro nasida jala somalna nasida do na mamboan sipanganon. Alai molo tung di patupa hasuhuthon pe, dang sala i jala denggan mai sude asalma dibagasan las ni roha .

Dung sidung mangan dipungka ma panghataion.

Simatua (Parboru) :
Manghatai ma hita Bere

Bapa Tua ni Si Dimpos (A. Managam):
Nauli mai Tulang Rajanami, dok hamu ma.

Simatua (Parboru) :
Sadarion ro do hami hula-hulamuna marlas niroha manomu-nomu pahompunami nabaru tubu on. Mandok mauliate ma hita tu Amanta Debata Pardenggan Basai, ai tibu do antong dioloi tangiangta nunga mardangka be abara ni borunami, anggiborumui, ima naung tubu si Dimpos di nasida. Huboan hami do dison AEK NI UNTE sipadoras bagot ni si unsok-on dohot tangiang pangidoan tu Amanta Debata Parasiroha i, di pasupasuNa, hipas-hipas ma si unsok pahompunamion, imbur-imbur magodang unang panahit-nahiton.

Bapa Tua ni Si Dimpos (A. Managam):
Mauliate ma dihamu Tulang Raja Bolon songoni nang di Nantulang, mansai las situtu rohanami di haroromuna on mamboan aek ni unte dohot Dengke nalobangon, sai imbur-imbur magodang ma anaknami Si Dimpos on pempeng laho matua, dao ma napanahit-nahiton.

Dangka ni hariara pinangait-aithon
Tubu ma anak sorang ma boru sitongka panahit-nahiton,
Ia torop ma dangkana, torop ma nang rantingna
Ia gabe ma hula-hulana, gabe ma nang boruna,
Ia torop ma hahana, torop ma nang angina

Sai sahat ma Rajanami hata pasu-pasumunai diampu-ampu pahompumu.Botima hatanami

Simatua (Parboru) :
Ima tutu Bere, sahat ma nauli sahat ma nadenggan tarlobi di Hela dohot Borunami. (Laos huhut ma dipasahat muse Ulos Parompa tu si Dimpos huhut didok:
On ma Ulos Parompa di ho da pahompu, sai parompa mangiring tinodohon anak baoa, dohot boru ma on tujoloan on Pasu-pasuon ni Tuhanta Pardenggan Basai.
Horas jala hipas-hipas ma ho Inang pature-ture pahompunami on songoni ma nang dihamu amang hela Sitorus.

Songoni ma dihamu angka dongan, hatanghi hata tambaan.

Marudut-udut ma mandok hata pasu-pasu angka Hula-Hula naro, jala ndang holan A. Managam be mangalusi marsada-sada, dohot ma angka haha-anggina.
Isarana manghatai ma sian haha ni simatua, ba di pasahat A. Managam ma tu hahadoli/anggidoli (Morgan/Tumpak/Robert) laho mangalusi ganup sahorong na mandok hata sigabe-gabe.

Parpudi mangampu ma Ama/Ina ni nasorangi. Dung i ditutup hula-hula ma marhite tangiang.

Catatan: – Adong laos pasahat parompa alai dung di Tano Pangarantoan jala dung gabe Halak Batak Kristen hita adong do napaimahon jolo tardidi ma dakdanaki asa dipasahat parompana. Tarsongoni ma ulaon di namanaruhon aek ni unte, alai anggo di Jakarta on ni ida ndang pola be dapot tarida angka ulaon sisongoni, nunga gabe ulaon marsaripe-saripe.

Pinadomuni (dirangkum oleh) :

Sampe Sitorus, SE(A. Hitado Managam Sitorus)
Medang Lestari B3/K11 08129052462

 

Referensi dan Daftar Pustaka :

1. Anak Tubu Boru Sorang, Partungkoan Tano Batak http://tanobatak.wordpress.com
2. Jambar Hata, T.M Sihombing, CV Tulus Jaya
3. St. D.P.Hutagalung/Br. Simarangkir (O. ni Salomo) http://www.rajaparhata.com
4. Dalihan Natolu Nilai Budaya Suku Batak,                                                         Drs. DJ Gultom Rajamarpodang, CV Armada –Medan.
5. Angka panuturion ni natua-tua

Read Full Post »

Pangantusion Tu Ulaon Pasahat Ulos Mula Gabe (Pabosurhon/Mangirdak)

Molo dung jumpang di tingkina jala dapot di arina dapotan tua boru na marhamulian i, digoari ma i manggora pamuro manang jumujung hunik, ala holan ibana dope umboto i dohot angka donganna ina. Molo dung tanda dibereng sihatoropan (3 bulan) digoari mai muse manghutti pagar. Molo dung gok bulanna 6 bulan – 7 bulan digoari muse ma i managam haroan. Sude hata nabolon, boi do i didok mardenggan pamatang. Managam haroan, na ro do sian hata TAGAM, ise do na naeng ro, baoa do manang borua. Molo baoa do na tubu i (na ro i) digoari do jolo si unsok, borua digoari sibutet.

Pasahathon ulos mula gabe (ulos tondi didok najolo) termasuk do on ulaon adat-paradaton. Ulos mula gabe i ma na pinasahat ni parboru tu boruna molo dung denggan pamatangna hira-hira 6 – 7 bulan haroan, didok manggora pamuro di tingki i. Alai, somalna, holan tu boru na mangharoani anak buha baju (anak pertama) do i dipasahat. Molo tu na paduahon dohot satorusna, ndang pola dipatupa be i. Nian ianggo ditingki on ndang apala sude be mangulahon si songon on, hombar ma i ra tu angka partingkian dohot sibahenon.

Di naung jumpang tingkina haroan (denggan pamatang) ni boru muli, las ma antong roha nasida. Diboto natua-tua ni parboru ma i, jala pintor tubu tu roha dohot pingkiranna laho pasahathon ulos mula gabe tu boruna i. Dititi ma ari jala dipaboa ma tu haha-anggina dohot boruna (angka na santampuk dope) asa rap nasida mandapothon boruna i, laho mangalehon upa-upa horas di pamatang ni boruna marhitehite na pasahathon ulos mula gabe.

Sian horong ni helana pe (paranak) nunga rade laho manjalo hulahulana (somalna, jolo dipaboa hulahula i do na naeng ro nasida pasahat ulos mula gabe i. Dipatupa nasida do sipanganon na marsaudara, jala laos diparade paranak ma pasituak na tonggi ni hulahulana. Jadi tangkas do mardalan adat-paradaton di son. Ianggo balga dohot rumang ni ulaon i, saguru tu dos ni roha do i.

Ala ulaon las ni roha do on, dumenggan ma jumolo dipungka marhite partangiangan (pengucapan syukur) jala pasahat Ulos Mula Gabe diparnangkok ni mata ni ari (sebelum jam 12 siang ulos sudah harus di sampirkan). Tangkas do tahilala ala basa-basa ni Amanta Debata do asa denggan pamatang ni inanta jabunta.

Taringot tu teknis pelaksanaan dohot ruhut ni angka panghataion di ulaon pasahat ulos mula gabe, hira songon on ma na somal jala naung jotjot taulahon.

1. Andorang so marsipanganon, parjolo ma nian Parboru pasahathon upa-upa horas tu boruna, i ma na pasahathon ulos mula gabe, ala hira ulaon khusus (hahomion) do on. Jala hira dua ma inganan ni dekke. Sada ma i tangkas dibahen di ginjang ni pinggan pasu marisi sada dekke dohot indahanna, jala sada inganan sipasahatonna tu paranak (3-5 dekke).

2. Manigor pihak paranak jumolo pasahathon tudu-tudu ni sipanganon tu hulahulana, di siala las ni roha nasida ala nunga dioloi jala ditangihon Debata angka tangiang nasida, i ma di naung managam haroan si boru muli i naeng ma marurat tu toru marbulung tu ginjang.

Dia na parjolo sian nadua i asa tong-tong ma i saguru tu dos ni roha. Alai, dumenggan ma nian jumolo pasahathon upa-upa marhite ulos mula gabe ai ido sintuhu ni ulaon laos i do panghorhon ni haroro ni Parboru.

Asa ummura antusanta binahen ma jolo songon simulasi (kondisi ideal/ seharusnya) contoh skenario di keluarga nami, isarana Anggiku si Lumumba Sitorus/br Marpaung ro hula-hula i pabosurhon tu nasida, hu ontang hami dongan tubu Hahadoli Morgan Sitorus (Raja Pane), Tumpak Sitorus (Raja Dori) dohot Anggidoli Robert Sitorus (Raja Boltok) tongon dongan sahuta di Medang Lestari, Boru Kel. Nainggoloan/br Sitorus (par Bonang) dongan sahuta JM Siahaan/br Panjaitan (A. Collyn), ES Silitonga/br Silaban (A. Eva). Hasuhuton na mangadopi Kel. S. Sitorus/br Sitanggang (dang boi ro Abang A.Tamado par Cilegon), Kel. Manullang/br Sitorus, Kel Siwu/br Sitorus, Kel. Tampubolon/br Sitorus

Hula-hula pasahat Upa-Upa (dengke sitio-tio)

Dipeakhon ma pinggan pasu namarisi dekke (tolu ihan nabolon, ihan na umbolon di tonga-tonga) dohot indahan di jolo ni hela dohot boruna, didok Nantulang i (Inang ni boru Marpaung) ma hatana :

“On ma inang, boru hasian dohot di hamu amang hela sipanganon na hupasahat hami on na gabe upa-upa di badanmu dohot upa-upa di tondi muna pasupasuon ni Amanta Parasiroha i.Sai dao ma sahit di bahen Tuhanta jala sai dibagasan hahipason ma hamu paimaima denggan basa sian Tuhanta i, jala sai di pargogoi Tuhanta ma ho inang marorot naung pinasonggop ni Tuhanta tu ho.

Dengke Sitiotio do ginoaran dengke na huupahon hami on, asa anggiat tio parngoluan mu tujoloan on; Dengke Simudurudur do huhut goarna asa sai tongtong tu joloan on sai denggan hamu mudurudur marsihaholongan di sude parngoluanmuna; Dengke Saur do deba goarna, asa anggiat nian saur hamu rap saur matua, saur di hahipason; ginoaran dope on Dengke Sahat asa sahat ma nian sude nauli nadenggan sahat pangabean sahat parhorasan di hamu lehonon ni Amanta Debata Pardenggan basa i.Jadi inang dohot hamu amang sahat ma upa-upa nami tu hamu di namanagam tubuan anak manang boru, asa margogo ho inang”. (disulanghon ma indahan tu boruna i, di gotil jala disulanghon ma muse dengke i) , laos didok:

“Sahat ma nauli nadenggan di ngolumu di tumpak asi dohot holong nasian Tuhanta i. (disulanghon tolu hali). Laos jongjong ma inanta i lao mambuat ulos naung pinaradena hian jala dipasahat ma tu amanta jala didok : Ba nunga sahat dengke upa upa nasida, ba pasahat ma ulos mula gabe on tu nasida. Boti ma.

Tulang i (Among ni inang /anggiboru br Marpaung) :“Nuaeng pe di ho inang Boru hasian dohot amang Hela, pasahathon ku ma ulos naung nirasian tu hamu, anggiat ma sarasi pamatang dohot tondimu tongtong di namanagam haroan, managam pasu-pasu sipasahaton ni Tuhanta di parsaripeonmuna. Siboan gabe, si boan rongkap maduma ma di hamu mamangke ulos ragi hidup on. Mangulosi anak dohot boru tu joloan on di ho inang, boru hasian, songon i di amang hela. Asa songon hata ni umpasa ma dohononhu:

Sai jongkal urat ni ri, tu jongkal urat ni singkoru

Ulos mula gabe hupasahat sadarion, sai saur ma i di hamu, mangulosi anak dohot boru.

Tubu ma lata di toru ni bunga-bunga,

Sai tubu ma di hamu anak namarsangap dohot angka boru namartua.

Sahat-sahat ni solu sahat ma tu bontean.

Sahat ma hamu leleng mangolu, jala sahat tu panggabean.

Laos di uloshon ma i sian siamun tu hambirang ni na ni ulosan i. Laos di jomput ma parbue pir tu simanjujung ni boru dohot helana.

Catatan:

Somalna ulos Mula Gabe ima ulos Bintang Maratur, alai tong do boi dipahombar tu pangidoan ni boru namanagam haroan manang napinarsinta (pintapinta) ni parboru namanguloshon. Namasa tu angginami on tung arop situtu do roha ni hulahula i asa marhite tangiang nasida marpangidoan tu TUHAN i asa anak (baoa) na tinagam i jala dao angka abat abat.

Molo dung mardalan ulaon i, boi ma diuduti ro ma hela dohot boru na niulosan i didongani ama dohot ina ni hela i pasahathon tudu-tudu ni sipanganon tu hula-hulana, jala di dok ama ni hela i ma hatana :

Natoras ni si Lumumba (ala naung jumolo natua-tuai ahu ma mewakili) :

Horas ma hita jala gabe Rajanami, songoni Nantulang. Ro do hami dohot anggi nami mangadopi hamu Hula-hulanami, pasahathon sipanganon sulang sulang na tabo. Las roha nami ala dibagasan hahipason do hamu sahat tu bagas nami on. Laos las ni roha na balga do huhut namangonjar roha nami patupahon ulaon on, i ma naung tangkas huida hami dioloi Debata do tangiang dohot pasupasumuna Rajanami, jala pos do rohanami nang angka pasu-pasu sijaloonnami dope sian hamu sai na pasauton ni Amanta Pardenggan Basa i do i hombar tu lomo ni rohaNa.

On pe Rajanami, taringot tu sipanganon na so sadia on, halashon hamu ma Rajanami, sai pamurnas mai tu pamatangmuna, saudara tu bohimuna. Manumpak ma tondimuna manuai sahalamuna marhite pasupasu sian Tuhanta i asa martamba ma antong passamotan di helamuna dohot di hami pamoruonmuna, asa anggiat tu joloan ni ari talup patupaonnami sipanganon na tumabo di hamu angka hula hula nami.

Nuaeng pe Rajanami rap marlas ni roha ma hita ala naung sahat tu hamu boaboa nami boaboa barita las ni roha pasupasu nabalga sian Amanata Debata si tagamonta jala sipaimaonta di tingki on. Jadi songon i ma Rajanami hata ni sipanganon na so sadia on. Las ma roha ni Raja i, botima..

Dung i marsipanganon ma.

Tangiang marsipanganon sian paranak (Boi ma au langsung).

Huhuasi sipanganon. Di hamu hula hula nami :

Godang sibutong butong, Otik sipir ni tondi

Tung so sadia pe na hupatupa hami i, sai pamurnas mai tu pamatang saudara ma i tu bohi.

Binuat hujur bosi, golang golang pangarahutna;

So sadia pe na pinarade i, sai godang ma pinasuna.

Somalna tingki marsipanganon boi ma boru (Manullang /Tampubolon) maneati ate-ate, pusupusu, butuha raja (usus)  dohot aliang-aling laos huhut ma dipadalan, parjoloma tu Hulahula dohot Tulang.

MARBAGI JAMBAR

Dung sidung marsipanganon sungkunon ni hula-hula Marpaung do boado partording ni tudu-tudu sipanganon naung di pasahat.

Biasana dialusi paranak surung-surung ni hula-hula doi.

Catatan:

Taringot di parjambaron di ulaon songon on, molo tung pe didok paranak songon surung-surung ni parboru. Alai tangkas botoonta, ala parboru do naro mandapothon pamoruonna, dumenggan ma molo didok parboru: “Nauli ma i Raja ni Boru, alai ala tangkas do huida hami hamu di son angka namarhaha-anggi, boru, bere, dohot dongan sahutamu. Ba atur hamu ma disi, asa sidapot solup ma hami.

Hata dohot pambahenan ni parboru si songon i, i ma napatuduhon porlu ni masipasangapan angka namartutur. Unang ala ni nasaotik, gabe adong natarsinggung, lumobi di parjambaron juhut. Songon hata namandok, jolo diseat hata asa diseat raut.

Parjambaron ulaon dijabu di Sitorus se Jabotadetabek sesuai Garis Besar Ruhut Paradaton (buku PARSIBONA, 2004 hal 368 +373) sbb:

1. Namarngingi parsiamun : Hula-hula

2. Namarngingi parhambirang : Tulang

3. Osang parsiamun : Pariban (boruni hula-hula)

4. Osang parhambirang : Sude boru

5. Somba-somba : Angka Tulang dohot Hula-Hula

6. Soit : Sihal-sihal (termasuk dongan sahuta)

7. Ihur-ihur : Hasuhoton(suhut dohot dongan tubu)

Boi do molo tu hula-hula pintor di pasahat namarngingi sambariba, osang sambariba, satonga somba-somba, dos ni roha do i.

Note:Jotjot taparate-atehon didok Hula-hula nga pature hamu ma di dapur, suang songoni suhut pintor di suru boruna paturehon di dapur.

Aturanna ingkon tangkas do bagion i di jolo ni hula-hula, paling tidak patangkashononton tu Hula-hula parjambaron na berlaku, isarana di Sitorus songon naung ni surat di ginjang.

Dung sidung marbagi parjambaron udutan ma muse dohot marhata sigabe gabe

Sesuai skenario ala adong do dongan tubu dohot dongan sahuta jadi songonon ma partordingna

Dongan Tubu Panise (Pane – Morgan Sitorus)(Jolo mardos roha majolo Pane (Morgan Sitorus) dohot Boltok (Robert Sitorus) dohot dongan sahuta ise na gabe panise. Biasana molo di ulaon sisongon on dongan tubu do panise jala molo di Sitorus ala Dori do hasuhuton, jadi Pane (Morgan Sitorus) ma na gabe panise).

Dihamu hasuhutonnami anggidoli, mangkatai ma hita suhut nami.

Suhut (A. Managam)

Nauli, ima tutu hahadoli.

Dongan Tubu Panise (Pane – Morgan Sitorus)

Asa serser ninna mula ni tortor, sise ninna mula ni hata.

Gonghon ninna sipaimaon, jou-jou siadopan, di gonghon dohot joujou tu hita namarhahamaranggi, nunga marnatampak hami.

Bangkona doi anggidoli ia namanise ma hami nuaeng :

Jolo ni nangnang inna asa ni nungnung

Jolo ni pangan asa sinungkun

Nunga butong hami mangan indahan na las, sagat marlompan juhut jala minum aek sitio-tio

Dia ma unokna, dia ma matana

Dia ma nidokna, dia ma hatana

Tangkas ma dipaboa hasuhuton.

Suhut (A. Managam)

Ima tutu hahadoli, taringot sintuhu ni indahas nalas dohot juhut naso sadia i suang songoni aek sitio-tio, Panggabean Parhorasan do Hahadoli.

Dongan Tubu Panise (Pane – Morgan Sitorus)

Mauliate ma da di Amanta Debata Pardenggan Basa i, ianggo Panggabean Parhorasan do hape, asa donohonon nami ma :

Bagot namarhalto ma inna na niagatan di robean

Horas ma hami namanghon tu tambana ma di hamu namangalean

Alai anggidoli sai marangkup do nauli mardongan inna nadenggan

Siangkupna songon nahundul, sidonganna songon na mardalan

Tangkas ma di paboa anggidoli.

Suhut (A. Managam)

Ima tutu hahadoli, taringot di sungkun-sungkun ni hahadoli tangkas ma antong paboan siangkup ni nauli siangkupni nadenggan.

Ia partording ni ulaonta di parnangkok ni mataniari on,

Naung di pasu-pasu Amanta Paderdengan basa i do keluarga ni angginiba parbagas on, dioloi tangiang dohot-pasu-pasu ni natorop di tingki Pesta Unjuk nasida tarlumobi ma i tangiang dohot pasu-pasu ni Hula-hulanta Raja i dohot sude horong ni Tulang, nunga manggora pamuro jumpang tingkina managam haroan.

Disiala las ni rohanami, humalaput angginami parbagas on paboahon tu Hula-hulanta, suang songon i Hula-hulanta las roha na pintor ro nasida sadarion pasahat Ulos Mula Gabe. Ima tangkasna Hahadoli, jadi namangido tangiang ma hami tu sude hamu namanghaholongi hami, borunami, Hahadoli dohot Anggidoli, Dongan Sahuta tarlumobi ma sian Hula-hula Raja i Marpaung.

Dongan Tubu Panise (Pane – Morgan Sitorus)

Ba ido hape partording ni ulaonta sadari on.

Maliate ma tutu ta pasahat tu Amanta Pardenggan Basa i, hami pe siang Hahadolimuna tung mansai las do antong roha nami umbegesa i.

Ai lam tu toropna ma hape hita Pomparan ni Ompunta Raja Sitorus.

(Di dompakhon ma bohi na tu dongan tubu na asing dohot dongan sahuta).

Di hita namarhaha maranggi, borunami, suang songoni nang dongan sahuta nami , Tulang nami Doloksaribu (ala balga ni roha ni Tulang Doloksaribu dung diboto namanggora pamuro laos dohot do nasida ro mangadopi ulaon i),  tarlumobi ma di hamu hula-hula nami Manpaung, nunga tangkas ta bege partording ni ulaonta di parnangkok ni mataniari on jala na tong-tong dope nasida mangido tangiang tu hita naung ro mangadopi ulaon on, asa marsiaturan mahita songonon ma partordingna :

1. Mandok hata ma hita na marhahamaranggi pomparan ninompunta Raja Sitorus (marsiaturan ma nasida)

2. Mandok hata ma Borunami, dohot Bere/Ibebere (Kel. Nainggolan /br Sitorus)

3. Mandok hata ma dongan sahundulan nami Raja ni Dongan Sahuta

4. Pasahathon nami ma partingkian tu Raja i Raja Marpaung. Asa hamu ma Raja nami na laos pa ampuhon tu hasuhuton

5. Mangampu hasuhuton

Boa di hita namardongan tubu suang songoni nang dongan sahuta tarlumobi Raja i Hula-hula Marpaung nunga denggan i didok rohamu ? Tuturi hami hami.

(Somalana dialusi nunga na denggan i ulahon hamu ma).

Urutan No 1 s/d 3 mandok hata, dungi dipasahat Panise ma partingkian tu No 4 (Hulahula).

Note:Dongan sahuta dang jadi pangampu, ai Raja do nasida jala na niontang do nasida. Lapatanna ni gonghon nasida asa dohot do martangiang tu Amanta Debata asa di pasu-pasu hami hasuhuton.

Dung ris horong ni hula-hula mandok hata  di paampuhonma, dohononna ma Nunga liat hami pasat hata nauli hata nadenggan, asa ampu hamu martonga ni jabu.

Pintor alusan ni

Suhut (A. Managam)

Mauliate ma tutu Raja nami,

Aek marjullak-jullak sian tonga-tonga ni batu

Jullak-jullak na i tahuon tu tabu-tabu laho boanon tu jabu

Hata-nauli hata pasu-pasu marhite tangiangmu namanghaholongi hami

Tarlumobi ma i sian Hula-hula ampuon nami ma antong martonga ni jabu.

Songon i ma nang di hita, ala tingkina nama hita mangampu hata nauli hata nadenggan naung dipasahat tu hita, asa mangarade ma hita.

Di Anggi niba dohot inang boru Marpaung andorang so mangampu hita asa borhat ma hamu Pasahat Pasituak Natonggi ni Hula-hulanta dohot Tulangta.

“Gomos jalang hula-hulanta”.

Dung sidung pasahat pasituak natonggi udutan ma pangampuion

Note: Molo taida philosofi ni na mangampu, sintuhu na laho mangoloi, mangunduk huhut manjalo sude angka hata pasu-pasu dohot angka hata na uli, jala mandok mauliate tu sude tutur naro suang songoni angka nadenggan naung pinasahat nasida. Jadi taingot ma dison domu tu hatorangan na di ginjang i, sitongka ni na unang do hape mamasu masu iba tingki mangampu, jala tongka pasingothon jala podaan parbagas (suhut tangkas) diloloan natorop. Molo naeng adong sidohonon (si pasingot) annon ma nung mulak tutur manang haduan ni titi ari.

Urutan Pangampuion

· Parjolo ma boru suhut (marsiaturan ma nasida).

· Haha/Anggi ni Suhut (A. Managam) alai parjoloma inanta soripada boru Sitanggang

Contoh : hata mangampu sian Ahu (A. Managam)

Tama do antong hita mandok mauliate tu Amanta pardenggan basa i na tong-tong mangiring-iring hita saluhutna sian ari naung salpu jala di sude pasu-pasu naung pinasahatna tu hita ganup marsada-sada, tarlumobi ma i di anggi niba parbagas on dilehon pasu-pasu di na managam haroan nauli hita anggiat ma antong di pargogoi Tuhanta inang nai paima, dilehon hahipason tu pamatangna suang songoni nang partondionna.

Di angginiba ama ni paima, nunga godang hata nauli hata pasu-pasu naung pinasahat ni angka namanghaholongi hita, pahusor-husor ma i dibagasan roham, baen ma i poang gabe sulu-sulu di parngoluonmu.

Dihamu Haha Anggi, Borunami suang songoni nang dongan sahutanami mauliate ma hupasahat hami di harentaon ni roha mu mangadopi gonghon nami, suang songoni di pambaenan mu nadennggan sai Tuhanta ma nambalos sude na i, asa songon nidok ni umpasa ma dohonon:

Tampunak sibaganding di dolok ni pangiringan

Horas ma hita namarhaha maranggi marsipairing-iringan.

Tu hamu Hula-hula nami, Rajanami :

Mauliate godang hupasahat hami di sude nauli nadenggan naung pinasahat mu tu hami ianakkonmu. Tangkas do hu pangkilalahon hami burjumu marboru, Dipasahat hamu dengke simudur-udur, Dengke Sitio-tio, Dengke sahat, Dipasahat hamu ulos si ganjang rambu, Ulos Mula Gabe tu Borumu dohot Helamu.

Anggiat ma antong asi roha ni Tuhanta sahat ma tu hami pamoruonmu tarlumobi ma i Hela dohot Borumu songon pasupasu marhite tangiangmu tu Tuhanta.

Molong tung mulak pe annon hamu sian bagasnami on, tangiang nami di hamu Hula-hulanami sai di dongani Tuhanta ma ha sahat tu bagasmu ganup marsada-sada.

Tarsingot tu Hata nauli hata nadenggan naung pinasahat mu :

Abing ma i antong di abingan nami, Tuat ma i di abara nami, Jala hot ma i antong di simanjujung nami,

Asa songon ni dok ni umpasa ma antong dohonon nami:

Turtu ninna anduhur, tio ninna lote

Hata nauli hata nadenggan naung pinasahat mu sai unang ma muba sai unang ma mose.

Jadi anggia dohot hamu inang nai paima sahat ma tu hamu pangampuion

Inang boru Marpaung

(sampaikan terima kasih kepada semua yg hadir terlebih tu Bapa/Ibu)

Anggi (Ama ni paima)

sampaikan terima kasih kepada semua yg hadir terlebih tu Simatua dan akhiri dengan umpasa :

Naung sampulu pitu ma juma ni sampulu ualu,

hata pasu-pasu, hata nauli nadenggan napinasahatmu na i

hu ampu hami ma i antong martonga ni jabu. Mauliate Horas

Ulaon ditutup tangiang oleh Hula-hula (alai jolo marende).

Hatorangan tu Pasahat Tudu-tudu Sipanganon

Tudu-tudu sipanganon yang arti harafiahnya penanda perjamuan (bila dalam keadaan lengkap disebut na margoar atau bagian-bagian hewan yang diberi nama sesuai dengan yang berhak menerimanya dalam parjambaran atau pembagian daging hewan) adalah bagian-bagian tertentu hewan sembelihan yang diletakkan di tengah-tengah sebagai simbol penghormatan hasuhutan kepada undangannya khususnya hula-hula. Maksudnya: untuk menjamu hula-hula pihak tuan rumah tidak membeli daging kiloan (rambingan) tetapi rela mengorbankan nyawa satu ekor hewan. Sebagai balasan atas pemberian ikan (dengke) dan parbue pir oleh hula-hula).

Sering kita saksikan sewaktu menyerahkan tudu-tudu sipanganon pihak keluarga beramai-ramai memegang piringnya dan kalau mereka terlalu banyak jumlahnya akan saling memegang bahu, seolah-olah ada sesuatu yang hendak dialirkan. Seharusnya cukup Suhut tangkas (tuan rumah).

Hatorangan tu Ulos Mula Gabe:

Holan Hula-hula tangkas(parsinuan/pangintubu) do na pasahat Ulos Mula Gabe jala holan 1 bulung (1 helai). Tung aut sugari naung jumolo dialap Tuhanta parboru, anakna 7 baoa, tong do holan 1 bulung (1 helai) Ulos Mula Gabe sian iboto ni na managam haroan.

 

Hatorangan taringot tu umpasa pangampuion:

Aek marjullak-jullak sian tonga-tonga ni batu

Jullak-jullak na i tahuan tu tabu-tabu laho boanon tu jabu

Hata-nauli hata pasu-pasu marhite tangiangmu namanghaholongi hami

Tarlumobi ma i sian Hula-hula ampuon nami ma antong martonga ni jabu.

Hatorangan : Aek na marjullak sian batu aek na tio do i (mual mata) na boi patorsok uas lumobi di hos ni ari. Nang pe so nilompa mual mata i alai mansai sehat do i, godang mangandung mineral dungi muse manigor sumbu do tu tolonan jala pintor sombu uas.

Alani na boi do antong angka hata na uli dohot pasupasu naung dipinasahat tu Suhut i pasombu uas ni nasida secara mental dohot rohani, gabe didok ma, pasu-pasu i.

Turtu inna anduhur, Tio ma inna lote

Hata nauli hata nadenggan naung pinasahat mu

sai unang ma muba sai unang ma mose .

Hatorangan : Tangkas do taboto molo anduhur mangunduhi do i sai hira na mangoloi. Songon i muse lote unduk do on manuruk tu tano, boi ma lambanghonon songon toru ni roha. Ndang rupani songon pidong sigurguak (suman do nian rupana tu anduhur) alai sai andorana na bontar i do dipadirgak-dirgak. Jadi mansai tingkos do antong anduhur dohot lote na adong di humaliang ni angka Ompunta najolo dibahen gabe sampiran manang “tabas” asa sahat tu inti ni pandohanna ima “poda” songon na pinatorang di pudi i. Jadi ndang asal dibahen angka Ompunta najolo angka umpasa i, sude do i marlapatan jala timbo do philosofina. Ingkon adong do hubungan ni tabas dohot poda asa tingkos jala memenuhi syarat gabe umpasa, tangiang manang pasu-pasu.

Hatorangan tu Pasahat Piso-Piso dohot Pasituak Natonggi

Di sada ulaon molo godang na mangulosi, misalna Hula-hula tangkas dohot muse nasida angka namarhaha-maranggi, songon ulakni ulos nasida, tu Hula-hula tangkas di goari ma i “Piso-Piso”(ung hapal do isi ni amplop on), tu hula-hula na humolang di goari ma i “Pasituak Natonggi”. Sabotulna ndang si lehonon ni boru “garar” ni ulos naung pinasahat nasida ai kewajiban ni nasida do pasahat ulos. Philosofi pasituak natonggi : Ala antar dao (adong do jarak dang sahuta) hutani paranak tu parboru, jadi di pardalanan mulak atik jolo minum tuak nasida annon di lapo. (misalna sambil paimahon motor/angkot).

Ala di ulaon pasahat Ulos Mula Gabe holan nampuna boru do na mangulosi, “ulakni ulos i” di goari ma i Pasituak Natonggi.

Bagaimana bila seandainya tidak ada dongan tubu dan dongan sahuta ?

Seharusnya di setiap ulaon kedua unsur ini harus dilibatkan.

Namun jika karena seuatu hal mereka tidak hadir, maka panghataionna seperti dibawah ini

Marhata Si Gabe-gabe Panghataion dung marsipanganon di Ulaon Pasahat Ulos Mula Gabe (Pabosurhon)

Molo dang adong dongan tubu manang dongan sahuta, ba langsung ma songonon :

(Ingot … dumenggan do ulaon molo adang minamal 2 dongan tubu, 1 dongan sahuta jadi dang holan suhut mangadopi Hula-hula).

Suhut (A. Managam)

Dihamu Hula hula nami tangkas do hu pangkilalahon hami burjumu marboru

Diboan hamu parbue pir

Dipasahat hamu Dengke simudur-udur, Dengke Sitio-tio, Dengke sahat

Dipasahat hamu ulos si ganjang rambu, ima Ulos Mula Gabe tu borumu dohot helamu.

Las situtu rohanami di sude nauli nadenggan maung pinasahatmu i, alai ido huroha bangkona Rajanami sai na maus do homi ianakkonmu di pasu-pasu tu hami. Jadi Rajanami na tongtong dope hami mangido tangiang tu hamu asa dipargogoi Tuhanta hami mandalani ngolu siganup ari.
Rajanami di mauas nami i, ala tangkas torop sopiga do hita nuaeng namarpungu on ba molo siat pangidoan tu Raja i, ris ma Raja i dohot uduranmuna pasahat pasu-pasu asa tung gok lasni roha nami. Botima Rajanami .

Hula-hula

(Biasana pintor marsiaturan ma nasida laho mandok hata).

Dung ris horong ni hula-hula mandok hata biasana di paampuhonma, dohononna ma Nunga liat hami pasahatt hata nauli hata nadenggan, asa ampu hamu martonga ni jabu.

Pintor alusan ni

Suhut (A. Managam)

Mauliate ma tutu Raja nami,

Aek marjullak-jullak sian tonga-tonga ni batu

Jullak-jullak na i bahenon tu tabu-tabu laho boanon tu jabu

Hata-nauli hata pasu-pasu marhite tangiangmu namanghaholongi hami

Tarlumobi ma i sian Hula-hula ampuon nami ma antong martonga ni jabu.

Songon i ma nang di hita, ala tingkina nama hita mangampu hata nauli hata nadenggan naung dipasahat tu hita, asa mangarade ma hita.

Di anggi niba dohot inang boru Marpaung andorang so mangampu hita asa borhat ma hamu Pasahat Pasituak Natonggi ni Hula-hulanta dohot Tulangta.

“Gomos jalang hula-hulanta”.

Dung sidung pasahat pasituak natonggi udutan ma pangampuion

Urutan Pangampuion

• Parjolo ma boru suhut (marsiaturan ma nasida).
• Haha/Anggi ni Suhut (A. Managam) alai parjoloma inanta soripada boru Sitanggang

\Contoh : hata mangampu Suhut (A. Managam)

Tama do antong hita mandok mauliate tu Amanta pardenggan basa i na tong-tong mangiring-iring hita saluhutna sian ari naung salpu jala di sude pasu-pasu naung pnasahatna tu hita ganup marsada-sada, tarlumobi ma i di anggi ni ba pabagas on dilehon pasu-pasu managam haroan nauli hita anggiat ma antong di pargogoi Tuhanta inang nai paima, dilehon hahipason tu pamatangna suang songoni nang partondionna.

Di angginiba ama ni paima, nunga godang hata nauli hata pasu-pasu naung pinasahat ni angka namanghaholongi hita, pahusor-husor ma i dibagasan roham, baen ma i poang gabe sulu-sulu di parngoluonmu.

Tu hamu Hula-hula nami, Rajanami :

Mauliate di sude nauli nadenggan naung pinasahat mu tu hami ianakkonmu.

Tangkas do hu pangkilalahon hami burjumu marboru

Dipasahat hamu dengke simudur-udur, Dengke Sitio-tio, Dengke sahat

Dipasahat hamu ulos si ganjang rambu, Ulos Mula Gabe.

Anggiat ma antong asi rohani Tuhanta sahat ma tu hami pamoruonmu tarlumobi ma i Helamu dohot Borumu songon pasu-pasu marhite tangiang tu Tuhanta naung pinasahat mu. Molong tung mulak pe annon hamu sian bagas on, tangiang nami di hamu Tulang dohot Hula-hulanami sai di dongan i Tuhanta ma ha sahat tu bagasmu ganup marsada-sada.

Tarsingot tu Hata nauli hata nadenggan naung pinasahat mu

Abing ma i antong diabingan nami,Tuat dia abara nami,Jala hot mai antong di simanjujung nami.

Asa songon ni dok ni umpasa ma antong dohonon nami:

Turtu inna anduhur, tio inna lote

Hata nauli hata nadenggan naung pinasahat mu sai unang ma muba sai unang ma mose

Jadi anggia dohot hamu inang nai paima sahat ma tu hamu pangamuion

Inang boru Marpaung

(sampaikan terima kasih kepada semua yg hadir terlebih tu Bapa/Ibu)

Anggi (Lumumba)

sampaikan terima kasih kepada semua yg hadir terlebih tu Simatua dan akhiri dengan umpasa :

Naung sampulupitu ma juma ni sampulu ualu,

hata pasu-pasu, hata nauli nadenggan napinasahatmu nai

hu ampu hami ma i martonga ni jabu. Mauliate Horas.

Ulaon ditutup tangiang oleh Hula-hula (alai jolo marende).

PENJELASAN DALAM BAHASA INDONESIA

Disebut Ulos Mula Gabe karena kenyataannya, keluarga yang bersangkutan memang sedang menantikan hagabeon yaitu kelahiran anak yang pertama. Jadi seorang ibu menerima ulos Mula Gabe ini hanya satu kali dalam hidupnya.

Pada zaman dahulu nama Ulos Mula Gabe biasa kita dengar dengan sebutan Ulos Tondi. Pada waktu nenek moyang kita belum mengenal Agama Kristen, keyakinan mereka saat itu ulos tondi adalah mengulosi tondi seseorang agar sehat dan mendapat keselamatan badan dan jasmani. Tetapi bagi kita orang Kristen yang percaya kepada Tuhan Yesus Kristus sebagai Juru Selamat kita, istilah ulos tondi harus kita tinggalkan, Yesus Kristus lah yang memberi kesehatan dan keselamatan kepada kita.

Pemberian dan penyerahan ulos mula gabe ini adalah bagian dari pelaksanaan adat/budaya Batak yang kita yakini tidak bertentangan dengan iman percaya kita sebagai orang Kristen dan dengan kehendak Allah.

Boru dan Hela yang menerima ulos ini harus mengimani bahwa ulos yang mereka terima itu adalah suatu pemberian kasih dari orang tua mereka menurut adat/budaya Batak. Orang Batak Kristen menyadari sepenuhnya bahwa ulos itu sendiri sama sekali tidak memiliki daya atau kuasa apapun untuk membuat ibu hamil tadi sukses dalam persalinannya. Kelancaran persalinan seseorang adalah mutlak anugrah Tuhan Allah di dalam AnakNya Yesus Kristus.

Bilamana seorang wanita untuk pertama sekali mulai hamil, maka kira-kira pada bulan ke 6 – 7 kehamilan itu disebutlah dalam keadaan tumagam haroan atau matigora pamuro atau denggan pamatang. Kata-kata tersebut adalah istilah halus dan terhormat untuk menyebut keadaan seorang Ibu sudah dalam hamil. Setelah kondisi kehamilan seperti itu orang tua si suami (mertua) dari calon ibu, akan memberitahukannya kepada hula hulanya, orang tua si calon Ibu, cara pemberitahuan hal itu cukup luas dan hormat dengan mempergunakan istilah tersebut di atas.

Di masyarakat Batak kedudukan Hulahula lebih tinggi harkat kekerabatannya dibidang adat, karena Hulahula adalah orang tua dari istri yang berarti orang tua kita juga, yang harus dihormati, itulah alasannya Hulahula yang berkompeten pasahathon “Ulos Mula Gabe” kepada borunya. Tujuan pemberian ulos itu adalah semata-mata menunjukkan rasa kasih sayang orang tua kepada borunya dan sekaligus ingin membangkitkan semangat hidup dan percaya diri borunya tersebut dalam menghadapi persalinannya yang akan datang.

Manfaat yang diperoleh dengan pasahathon ulos mula gabe itu.

Baik ibu-ibu zaman dahulu maupun ibu-ibu zaman sekarang yang akan melahirkan anak pertama pada umumnya mereka masih kuatir dan kurang percaya diri menghadapi persalinannya yang akan datang. Kekhawatiran mereka dapat di mengerti dan masih merupakan hal yang wajar, karena baru kali ini melahirkan. Bisa saja terjadi bahwa seorang ibu yang hamil anak pertama ingin makan sesuatu makanan kesukaannya atau ingin memiliki sesuatu barang tertentu, tetapi hanya dapat dipenuhi oleh orang tuanya sendiri.

Jika keinginannya tersebut tidak kesampaian, itulah yang disebut “TARHIRIM” atau “HIRANAN” yang dapat mengganggu kelancaran persalinannya kelak.

Mungkin juga akibat tempat tinggal yang berjauhan., si Ibu yang sudah hamil tua untuk anaknya yang pertama, diliputi kerinduan yang sangat dalam karena selama sekian bulan, setelah kawin belum pernah ketemu dengan orang tuanya dan saudara-saudaranya yang lain.

Hulahula dan rombongan yang datang menjenguk boru dan helanya dalam acara khusus seperti ini tidak terlepas dari adat dan budaya Batak. Sudah pasti di persiapkan bahan-bahan adat yang akan disampaikan dan sekaligus membawa makanan kesukaan maupun barang tertentu yang di ingini hati borunya. Dengan demikian timbul sukacita yang luar biasa sehingga semangat hidupnya kembali seperti semula dan rasa khawatir / kurang percaya diri yang menghantui pikirannya selama ini hilang sama sekali. Didorong oleh rasa kerinduan, kedatangan hula-hula beserta rombongan disambut oleh orangtua dan kerabat pria sebagaimana layaknya menyambut Hulahula menurut adat istiadat/ budaya Batak. Orangtua/kerabat suami, telah mempersiapkan acara pasahat ulos mula gabe ini dengan persiapan-persiapan seperlunya dan mengundang kerabat keluarga terdekat untuk hadir pada acara ini.

Acara ini dilaksanakan dalam nuansa ke Kristenan dalam bentuk pengucapan syukur, karena orang tua kita sadar bahwa Tuhan Allah telah berkenan memberkati kandungan menantunya. Sudah tentu diundang seorang Hamba Tuhan (Pendeta atau Sintua) yang menyiram acara ini lebih dahulu dengan Firman Tuhan. Setelah selesai acara kebaktian pengucapan syukur, tibalah saatnya kepada acara pokok, yaitu menyampaikan “Ulos Mula Gabe”.

Pertama, hulahula memberi boru dan helanya makan khusus yang dibawanya, yaitu dengke sitiotio, dengke simudurmudur dengan harapan dari orang tuanya kiranya Tuhan berkenan memberkati Boru dan Helanya, agar tio tio haroan (persalinan) yang akan datang dan agar mereka berdua seia sekata dalam perjalanan hidup mereka (mudurudur). Kedua, hulahula menyampirkan “Ulos Mula Gabe” ke atas bahu boru dan helanya, serta meletakkan beras parbue pir ke atas kepala boru dan helanya itu. Penyerahan “Ulos Mula Gabe” ini tentu disertai Doa Restu permohonan kepada Tuhan Yang Maha Kuasa dari orang tua berupa beberapa umpasa seperti disebutkan di atas.

Setelah selesai acara menyampaikan Ulos Mula Gabe dilanjutkanlah acara makan bersama. Acara makan bersama ini tentunya ditutup dengan Doa dan Harapan (hata sigabegabe). Menurut kebiasaan pemberian Ulos Mula Gabe ini dilakukan parnangkok ni mata ni ari artinya pada waktu matahari sedang naik jadi sebelum jam 12.00 WIB siang. Falsafahnya adalah merupakan doa, agar nasib dan keadaan anak yang akan lahir juga semua keturunan dari sipenerima Ulos Mula Gabe ini kiranya semakin naik seperti matahari.

Dahulu kala yang ikut menyerahkan ulos tersebut hanya Suhut Bolon maksimal disertai 3-4 keluarga terdekat, dan yang menyambut kedatangan pun Suhut Bolon Paranak cukup didampingi 3-4 keluarga terdekat. Tetapi akhir-akhir ini yang ikut menghadiri acara demikian sudah cukup meluas, sampai 10-20 keluarga dari masing-masing pihak. Jika semua keluarga bisa dapat hadir pada waktu yang ditentukan tidak menjadi masalah. Tetapi sudah menjadi kenyataan akhir-akhir ini pada pelaksanaan acara adat semakin di biasakan untuk datang terlambat, ada sampai 1-2 jam dan akibatnya ialah acara terpaksa juga diundur menunggu para undangan. Sebaiknya tetap di usahakan agar penyerahan Ulos Mula Gabe, pada waktu parnangkok ni mata ni ari (sebelum jam 12 siang), agar falsafah dan arti pemberian ulos itu tetap kelihatan dan dirasakan, tidak perlu menunggu sampai semua undangan hadir, sebab yang pokok adalah pemberian Ulos Mula Gabe.

Mengenai jenis Ulos Mula Gabe selain Ragidup ada juga yang memberikan ulos Mangiring dengan harapan seiring dengan pemberian ulos ini diharapkan kelak agar hadir pula adik-adiknya sebagai temannya seiring dan sejalan, ada pula yang memberikan Ulos Bintang Maratur yang menggambarkan jejeran bintang yang teratur, dengan harapan sebagai bintang yang teratur itu dapat hendaknya kelahiran anak laki-laki dan perempuan berjejer akan kelahirannya. Dalam menentukan jenis Ulos Mula Gabe ini, si calon Ibu bisa juga menyampaikan keinginannya yang mana yang lebih disukai dan biasanya keinginan itu akan disetujui oleh orangtuanya.

Pinadomuni (dirangkum oleh):

Sampe Sitorus, SE (A. Hitado Managam Sitorus)

Medang Lestari B3/K11 08129052462

Referensi & Daftar Pustaka :

1. Jambar Hata, T.M Sihombing, CV Tulus Jaya

2. Dalihan Natolu Nilai Budaya Suku Batak,

Drs. DJ Gultom Rajamarpodang,CV Armada –Medan

3. Garis Besar Ruhur-Ruhut Paradaton Sitorus, Buku Parsadaan

Raja Sitorus Dohot Boruna (PARSIBONA) JABOTABED

4. St.D.P.Hutagalung/Br. Simarangkir (O. ni Salomo)

http://www.rajaparhata.com

5. Seri Diskusi Injil & Adat, Pdt Daniel Taruli Asi Harahap;

http://rumametmet.com

6. Situs Partungkoan http://tanobatak.wordpress.com

7. Borsak Sirumonggur : http://sihombing.lumbantoruan.net

8. Literatur lain dohot panuturion ni natua-tua

Read Full Post »

Pangatusion Tu Ulaon Manuruk Jabu / Mangompoi Jabu

Di tingki on nunga hira dipados halak be ulaon na mangompoi jabu dohot manuruk jabu. Sasintongna marimbar do nian ruhut ni ulaon i. Umbalga do ulaon mangompoi sian manuruk jabu

Hadosanna (Persamaannya)

1. Ima sama-sama masuk jabu naimbaru manang baru di ingani jabu i.

2. Hasasampe (hasahatan) ni tudu tudu sipanganon (namargoar) somalna tu hula-hula do alai adong do luat napasahathon i tu Tulang ni parjabu (Baoa) molo ulaon mangompoi.

Imbarna (Perbedaannya)

Manuruk Jabu

1. Boido sada keluarga mangulahon ulaon manuruk jabu marpiga-piga hali. Misalna dipukka ibana muse sada bagas/jabu nabaru

jala pinda tusi.

2. Somalna parjuhuti na dang sigagat duhut alai namarmiak-miak (pinahan lobu) na bolon.

3. Dang adong ulaon “mompo” tar dos songon na mangan sibuha-buhai di tingki ulaon pamuli boru.

4. Scope manang naniundang angka tutur manang tondong terbatas do cukup yang dekat-dekat saja.

 

Mangompoi Jabu

1. Holan sahali do boi sada keluarga mangulahon ulaon mangompoi jabu jala jabu naung ni ompoan si tongka do

gadison jala i nama jabu sahat tu na Sari Matua / Saur Matua.

2. Somalna parjuhut i na sigagat duhut (lombu/horbo).

3. Di manogot ni ulaon i mardalan do ulaon na margoar “mompo” tar dos songon na mangan sibuha-buhai di tingki ulaon pesta unjuk, jala na dohot di ulaon manogot i holan angka pamili na sumolhot jala di tingki on ma di ulosi hula-hulana boru na marpesta i.

4. Scope manang naniundang mangompoi jabu nunga luas dari segi undangan, molo tu tingkat ni Tulang nunga sampe tu Bona ni ari.

 

Angka na porlu ulahononhon di ulaon namanuruk jabu.

(Molo di angka ruhut ni panghataion hira dos do di na mangompoi jabu dohot na manuruk jabu)

Sogot manogot i, di parnangkok ni mata ni ari, nunga mangarade paranak (suhut) paimahon hula-hula dohot horong ni tulang na. Nunga diparade nasida hian angka sipanganon tu ulaon i dohot sipanganon na marsaudara. Songon i sian horong ni hula-hula, nunga diparade nasida hian angka siboanonna tu jabu ni pamoruonna, ima dekke dohot indahan masak, dohot boras si pir ni tondi.

Horong ni boru hepeng ma di boan, Dongan Tubu dohot Dongan Sahuta mamboan parbue pir. Catatan: sian pigapiga natuatua panuturi na mangalehon panuturion tu ahu marimbar do pandapotna taringot tu boanboan ni Dongan Tubu dohot Dongan Sahuta. Torop do namandok tumpak/panumpahi do Dongan Tubu dohot Dongan Sahuta jala dipatorang pangantusion tusi, tarjalo roha do ala ni Bonapasogit pe ninna marimbar do pangulahonna di pigapiga luat. Nasomal ni ida di Jabodetabek on na praktis Boru, Dongan Tubu dohot Dongan Sahuta amplop nama dijalanghon

Najolo somalna hula-hula mamboan eme. Adong doi namangkunti jala adong bagian na so mangkunti. Biasana na somangkunti di suru nasida ma anakkonna manghallung ranting ni jabi-jabi manang hariara jala di dok “ On eme 30 belek” (marguru tu godang ni eme sipasahaton nasida tu hasuhuton). Molo paradongan do bagian ni boru olo do sipata horbo siluana, holan batahi ma di boan jala didok “ Sada horbo do on, ingananna di……………” (ALAI NAJOLO NA MA MASA SONGON I NUAENG ON NDANG BE TARLUMOBI DI PANGARANTOAN)

Asa ummura antusanta binahen ma jolo songon simulasi, contoh skenario di keluarga nami, Godangma pasu-pasu dipasahat Tuhanta tu hami kel. S.Sitorus/br Sitanggang, boi ma hupungka hami bagas naimbaru jala naeng ma inganan nami bagas i.

Konsep nami goarni ni ulaon on hugoari hami Manuruk Jabu do.

Ala ulaon las ni roha do on hu gonghon hami ma angka tutur jala ingkon tangkas do paboan di gonghon dohot jou-jou i na Manuruk Jabu (somalna di undangan di surathon Partangiangan Manuruk Jabu). Angka on ma na hugonghon hami: Hula-hula Sitanggang dohot Tulang Bao Hutapea, Tulang Doloksaribu dohot Tulang Rorobot Sirait, Bona Tulang Sirait ala rosu do parsaoran jala nidohotan punguan, hu ontang hami Punguan Sitorus, Boru dohot bere “DAMENTA”,

Punguan Parompuon Raja Mandidang Sitorus, Punguan Raja Sitanggang dohot Boruna Sektor 1 Tangerang Kota, Punguan PARNA Medang Lestari, Dongan Sahuta (Pengurus Parsahutaon Dos Roha dohot angka hombar jabu).
Hasuhuton Keluarga Besar Pomparan Ompu Tamado Sitorus, Punguan Pomparan Ompu Paralat Sitorus (hami namarhaha maranggi Ompu martinodohon).

Somalna sai di parnangkok ni mataniari do dibahen ulaon adat na manuruk jabu (termasuk manang na mangompoi), dimulai pukul 10.00 wib marhite kebaktian singkat na niuluhon ni pangula ni huria asa lam gabe bagas partangiangan.

MANJALO HARORO NI HULA-HULA DOHOT TULANG 

Paidua ni Suhut ( Protokol A. James) 

Loloan namarlas ni roha, di hita namarhaha maranggi suang songon i nang dongan sahuta nami tarlumobi di Bona ni Hasuhuton anggi niba Amani Managam, ala naeng ro nama Hulahulanta Raja Sitanggang suang songoni nang Tulangta Raja Doloksaribu dohot uduran namangihut asa mangarade ma hita manomu-nomu nasida di joloni pintu ni bagasta on.

Dihamu Hula-hula nami Raja Sitanggang dohot uduranna, Tulangnami Raja Doloksaribu dohot uduranna,suang songoni nang Bona Tulang nami Raja Sirait, nunga mangarade hami jala tomu-tomuon nami do hamu di pintu ni bagasnami, asa bongot ma hamu Rajanami.

 

Masuk ma hula-hula tu jabu ni boruna. Dibahen hula-hula ma parbue na pir (boras) di simanjujung ni hela dohot boruna di pintu masuk. Didokma:

“ On ma upa-upa gabe, upa-upa horas. Pirma tondi muna jala horas-horas mangingani jabu sibaganding-tuamuna on. Hipas jala horas-horas ma hamu didongani asi hohot holong ni Tuhanta Debata ”.

 

PASAHAT TUDU-TUDU NI SIPANGANON

Note: Molo Manuruk Jabu do goarni ulaon i, Hula-hula ma hasahatan ni tudu-tudu sipanganon. Alai molo Mangompoi Jabu do di dok goarni ulaon i, ba Tulang ni amanta par jabu i ma (Tulang nya yg punya rumah) hasahatan ni tudu-tudu ni sipanganon. Asa ta ingot ido sada dasarna molo matua (wafat) sada Ama ingkon jolo ro do Tulangna baru pe asa boi dimulai ulaon mompu tu ruma-rumana (peti mati) jala ingkon Tulangna do na mamastihon naung denggan manang daong parpeakna. Dung hundul angka tutur dohot sude sisolhot, dipasahat suhut ma tudu-tudu ni si panganon tu hula-hula. Adong do muse versi: sai parjolo hula-hula dohot horong ni tulang pasahathon dekke upa-upa dohot ulos tu suhut. Dung sae i pe suhut pasahathon tudu-tudu ni sipangaon tu hula-hulana. Aek godang ma tu aek laut, dos ni roha sibahen na saut. Di napasahaton tudu-tudu ni sipanganon dumenggan do molo jolo marsantabi tu horong ni tulang ni suhut (mangalapik hata).

Hata ni napasahat tudu-tudu ni sipanganon:

“Di ari nauli di bulan na denggan on, hupasahat hami tu hamu Rajanami Hula-hula Sitanggang tudu-tudu ni sipanganon na marsaudara, tudu-tudu ni panggabean parhorasan ma on, molo songon on pe na boi hupatupa hami laho pasangaphon hamu, las ma rohamu Rajanami. Jala songon hata ni natua-tua ma dohononnami:

Huta tanobato parasaran ni leang-leang,
Horas ma di hamu Rajanami di na manjalo, Horas ma di hami borumu na pasahathon. Botima. (Diolophon natorop – Imma tutu, Olopolop)

 

Hula-hula pasahat Dengke

Dung i dipasahat hula-hula ma muse dekke tu pamoruonna i. Songon on ma hata sidohonan ni hula-hula di napasahat dekke dohot ulos.

Hata Tingki Pasahat Dekke:

“Di son hupasahat hami tu hamu dekke sitio-tio, sai tu tiona ma ngolu-ngolu di hamu. Dekke sahat, dekke na ganjang ma on, asa sahat ma angka nauli nadenggan jala ganjang ma umur-muna. Songon i dekke simudur-udur ma on, asa sai mudur-udur ma hamu tongtong rap tu dolok tu toruan mangalului angka naringkot i ditumpak asi dohot holong ni Tuhanta i.”

 

Hata Tingki Pasahat Ulos:

“Nuaeng pe hupasahat ma ulos na ganjang on. Parhitean ma on, sai dilehon Debata ma ganjang ni umur di hamu di na manuruk bagasmuna on. Hatubuan ni anak dohot boru ma jabu sibaganding tua on di hamu, lumobi gabe bagas pamujion di Tuhanta Pardenggan basa i.” Asa songon hata ni umpasa ma tutu dohonon nami:

Andor ras ma tu andor ris, tubu di Dolok Purbatua,

Sai horas-horas ma hamu mangingani bagasmuna on, ditumpak Tuhanta Pardenggan Basa i.

Tubu ma simarlasuma di Dolok ni Lobutua

Sai ganjang ma antong umurmu mangingani sibaganding tua on, sahat hamu tu na saur matua.

Sahat-sahat ni solu sahat tu Tigaras,

Sahat leleng hamu mangolu, gabe jala horas. (Botima!)

Udutan ni Tulang ma. Dung simpul na pasahat ulos (termasuk molo tung adong sian horong ni angka tulang napasahat dekke dohot ulos) diparade ma sipanganon jala martagiangma laho marsipanganon.

Note: angka dekke bimoan ni horong ni hula-hula dohot tulang na asing dengke sahat nama goar ni i.

 

MARSIPANGANON

Tangiang marsipanganon sian hasuhuton. Ndung amen dohonon ni Protokol ma dai sira ni sipanganon :

Sitiktik marsigompa, golang-golang pangarahutna

Otik so sadia pe napinatupa ni hasuhuton, sai godangma pinasuna

Marjomuk ma hita.

Somalna tingki marsipanganon boi ma boru maneati angka na so marpanggoari ima ate-ate, jantung, usus dohot aliang-aling sian tudutudu ni sipanganon i laos huhut dipadalan (dibagikan).

MARBAGI JAMBAR

Dung sidung marsipanganon sungkunon ni hula-hula Sitanggang ma boa do partording ni tudu-tudu sipanganon naung di pasahat tu nasida.

Taringot tu parjambaron, sai jumolo do suhut (marhite protokol) parsangaphon hula-hulana didok, “Ba nunga hupasahat hami tu hamu Rajanami, hamu ma namangaturhon. Namangulahon ma hami”. Molo songon i, pintor olo do sipata didok hula-hula i songon on: “Sidapot solup ma hami. Di boto hami, di antusi hamu ruhut-ruhut ni parjambaron.”

Jadi dohonon ni Protokol ma, mauliate ma di Raja i, alai rajanami ia parjambaron na somal hupadalan hami di Sitorus songonon do.

Catatan : Parjambaron ulaon dijabu di Sitorus se Jabotabed sesuai Garis Besar Ruhut Paradaton
(buku PARSIBONA, 2004 hal 368 +373) sbb:

1. Namarngingi parsiamun : Hula-hula

2. Namarngingi parhambirang : Tulang

3. Osang parsiamun : Pariban (boruni hula-hula)

4. Osang parhambirang : Sude boru

5. Somba-somba : Angka Tulang dohot Hula-Hula

6. Soit : Sihal-sihal (termasuk dongan sahuta)

7. Ihur-ihur : Hasuhoton(suhut dohot dongan tubu)

Boi do molo tu hula-hula pintor di pasahat namarngingi sambariba, osang sambariba, satonga somba-somba, dos ni roha do i. Nauli jala nadenggan ma saluhutna i. Dipature ma jambar i jala dipasahat tu angka tutur.
Note: Jotjot ni parrohahon didok Hula-hula “ nga pature hamu ma di dapur “, suang songoni suhut pintor di suru boruna paturehon di dapur. (sipata bingung ma boru songon dia bahenonna parbagianna). Sasintongna ingkon tangkas do bagion i di jolo ni hula-hula,pinomat tangkas dihatahon Hula-hula parjambaron na somal di hasuhuton.

MARHATA SIGABE-GABE

 Dung sidung marbagi parjambaron udutan ma dohot ulaon na mangihut muse i ma angka panghataion. Molo tung boi sai jumolo ma sian dongan tubu ni hasuhuton manungkun sintuhu ni ulaon, sintuhu ni indahan masak tu hasuhuton.

Jolo mardos roha ma jolo Hahadoli Raja Pane dohot Anggidoli Raja Boltok dohot Dongan Sahuta ise na gabe panise. Somalna molo di ulaon sisongon on dongan tubu do panise jala molo di Sitorus ala Dori do hasuhuton, jadi Raja Pane ma nagabe Panise. Dung i mardos roha ma sian horong Raja Pane ise nagabe Panise, misal di dos ni roha nasida Hahadoli A. Helen Sitorus (Samasir Sitorus) ma na gabe panise.

Di hasuhuton pe nunga marsiaturan ise na mangalusi sungkun-sungkun ni dongan tubu, isarana nunga dos roha nami Anggidoli A. Martin Sitorus (Robinson Sitorus) ma na gabe pangalusi (Parsinabung).

Manise/Manungkun haha doli Raja Pane (Samsir Sitorus / A. Helen Sitorus)

Ba mangkatai ma hita anggi doli.

Gonghon sipaimaon jou-jou si alusan, nunga hujalo hami gonghon dohot jou-jou mu jala nunga ro hami antong jala sahat tu bagasta namrampang namarjual on jala nunga hundul iba antong di amak tiar ba sai tiar ma panggabean parhorasan tu hita tu joloansa on bahenon ni Amanta Debata Pardenggan Basa i. Ba nunga bosur hami mangan indahan na las, minum aek sitio-tio, sagat mar lompan juhut huhut sombu minum tuak tangkasan, ba nuaeng pe anggi doli na manungkun ma hami di hata dohot lapatan ni sipanganon i :

 

Sai marangkup do inna nauli, na dengggani sai mardongan

Siangkup ni nauli dia ma dia ma nanaeng sitaringotan

Botima da Anggidoli.

 

Parsinabung-> Robinson Sitorus ( A. Martin )

Tutu do Hahadoli na nidok muna i, sai marangkup do nauli, mardongan na denggan. Jadi paboan ma tutu nuaeng siangkupna songon na hundul, sidonganna songon na mardalan. Adong do umpasa na mandok:

Mardangka bulung bira, Martampuk bulun tabu;

Sonang ma rohaniba, Molo tipak iba marjabu.

Ima namanggohi rohani dahahang on na salelengon gabe marhoi-hoi ibana anggiat dapot namanggohi rohana.Ba hinorhon ni pasu-pasu ni Tuhanta antong, ba;

Tolap do ibana sian Sibuluan, mardalan tu Tampahan

Dapotsa do naniluluan, jumpang na do na jinalahan.

I ma dalannna umbahen na hundul hita nuaeng di jabu na pinauli na on, jala nunga di ingani nasida bagas on. Namarningot ma hami di hata sipaingot namandok;

Labu pe labui, ndang asal suanhononhon

Jabu pe jabui, ndang asal inganhononhon

 

Ido alana umbahen na jinou hamu angka dongan sabutuha, hula-hula, boru, bere, dongan sahuta rodi angka ale-ale, asa rap hita antong martangiang tu Amanta Debata asa gabe jabu na marampang na marjual on, jala sai horas jala hipas dahahang on rodi sude keluarga mangingani jabu on.

Botima da Hahadoli.

 

Manise/Manungkun haha doli Raja Pane (Samsir Sitorus / A. Helen Sitorus)

Ba ianggo ido hape lapatan ni parpunguanta on na uli ma i tutu jala na denggan. Toho do i tutu na nidok muna i, naeng ma jabu na marsahala bagasniba i. Antong jabu sipabereng-bereng on jala jabu hinalomoan ni angka dongan sahuta dohot angka sisolhot ma jabunta on. Sai dapot ma antong songon ni dok ni umpasa ;

Mabaor aek puli. Sian tano ni Simamora

Hot ma jabunta on bagas nauli, Inganan marlas ni roha

 

On pe anggidoli sai manumpak ma Amanta Pardenggan Basa i sai di ramoti ma tongtong jabunta on, sai hotma bagasta on di batuna, togu di rangsangrangsang na jala momos di pangarahutna

Marbulung ia tandiang, Marboras ia singkoru

Sai gok ma jolma di ginjang, Gok nang mas di si dabu-dabu. Botima,

Di hita na marhaha maranggi, borunami dohot bere, suang songoni nang dongan sahuta nami , tarlumobi ma di hamu Tulang nami Doloksaribu dohot Hula-hula nami Sitanggang, nunga tangkas rap umbegesa hita partording ni ulaonta di sadarion on, jala na tong-tong dope nasida mangido tangiang sian hita naung ro mangadopi ulaon on, asa marsiaturan mahita ra indok rohanami songonon ma partordingna :

1. Mandok hata ma Hita namardongan tubu (termasuk Pomparan Raja Mandidang Sitorus)

2. Mandok hata ma Borunami, dohot Bere/Ibebere

3. Mandok hata ma dongan sahundulan nami Raja ni Dongan Sahuta

4. Dung sidung dongan sahuta, pasahathon nami ma partingkian tu Tulang nami Raja Doloksaribu, jala hamu ma Tulang

namangaturhon uduranmu (Tulang Rorobot).

5. Dung sidung Tulang nami Doloksaribu pasahathon nami ma partingkian tu raja i Raja Sitanggang, asa hamu ma namangaturhon

dohot uduranmu (Tulang Bao & PARNA), jala hamu ma Raja nami na laos pa ampuhon tu hasuhuton.

6. Mangampu hasuhuton

Boa di hita namardongan tubu suang songoni nang dongan sahuta tarlumobi Tulang Dolok Saribu dohot Raja i Hula-hula Sitangang nga denggan i didok rohamu ? (Biasana dialusi nga na denggan i).

Urutan No 1 s/d 3 mandok hata, dungi dipasahat Panise ma partingkian tu No 4 +5.

Note:

Dang jadi pangampu Dongan Sahuta, ai Raja do nasida jala na niontang do nasida. Artina digonghon pe nasida asa dohot do martangiang tu Amanta Debata asa di pasu-pasu hami hasuhuton.

Dung ris horong ni hula-hula mandok hata biasana di paampuhonma tu hasuhuton, dohononna ma: Nunga liat hami pasahat hata nauli hata nadenggan, asa ampu hamu martonga ni jabu.

Pintor alusan ni

Parsinabung-> Robinson Sitorus ( A. Martin )
Mauliate ma tutu Raja nami,

Suman tu aek natio do hamu, riong-riong di pinggan pasu,
Hula-hula nabasa do hamu, na girgir mamasu-masu.

Tinapu bulung nisabi, baen lompan ni pangula
Sahat ma pasu-pasu na nilehon muna i tu hami,
Sai horas ma nang hamu hula-hula.

Aek marjullak-jullak sian tonga-tonga ni batu
Jullak-jullak na i bahenon tu tabu-tabu laho boanon tu jabu
Hata-nauli hata pasu-pasu marhite tangiangmu namanghaholongi hami
Tarlumobi ma i sian Tulang dohot Hula-hula nami ampuon nami ma antong
martonga ni jabu, botima.

Songon i ma nang di hita, ala tingkina nama hita mangampu hata nauli hata nadenggan naung dipasahat tu hita, asa mangarade ma hita.

Pasahat Piso-piso dohot Pasituak Natonggi

Di hahaniba Amani Managam dohot angkangboru andorang so mangampu hita asa borhat ma hamu Pasahat Piso-piso dohot Pasi tuak Natonggi ni Hula-hulanta dohot Tulangta.

Note : Piso-piso tu Hula-hula dohot Tulang tangkas (gumodang ma tu na sumolhot ai laos alus ni ulos nasida i do i),

Pasi tuak Natonggi Hula-hula dohot Tulang na humolang, dongan tubu dohot dongan sahuta.

Hasuhoton Mangampu

Dung sidung pasahat pasituak natonggi udutan ma pangampuion
Partording ni Pangampuion

· parjolo ma boru, jongjong ma sude boru ni Pomparan Ompu Paralat Sitorus.

· paidua ni suhut, jongjong ma sude Pomparan Ompu Paralat Sitorus.

· Suhut sihabolonan Keluarga Besar Pomparan Op Tamado Sitorus alai parjoloma angka inanta soripada, parpudi ma Nai Managam dohot Amani Managam.

 

Note: Inti ni mangampu ima mandok mauliate tu sude tutur na ro suang songoni angka na denggan naung pinasahat ni nasida dohot hata nauli pasu-pasu marhite tangiang nasida. Dang pala adong dohonon hata tu bona ni hasuhuton (Amani Managam dohot inanta boru Sitanggang), holan mandok peop ma sude hata nauli hata nadenggan. Tongka pasingothon manang podaan diloloan natorop.

Molo naeng adong sidohonon (poda manang sipaingot) annon ma dung mulak tutur manang haduan ni titi ari.

Contoh : hata mangampu sian SUHUT (Amani Managam)

Dihamu Haha Anggi, Borunami dohot Berenami suang songoni nang Raja ni Dongan Sahuta, mauliate ma hupasahat hami di harentaon ni roha mu mangadopi gonghon dohot joujou nami, suang songoni di pambaenan mu nadennggan, sai Tuhanta ma nambalos sude na i, asa songon nidok ni umpasa ma dohonon:

Tampulan Sibaganding di Dolok ni Pangringan

Horas ma hita namarhaha maranggi marsipairing-iringan.

Tu hamu Tulang nami dohot Raja i Hula-hula nami,
Mauliate di sude nauli nadenggan naung pinasahat mu tu hami ianakkonmu.
Tangkas do hu panghilalahon hami burjumu marbere dohot marboru,
Dipasahat hamu Dengke Simudur-udur, Dengke Sitio-tio, Dengke Sahat
Dipasahat hamu ulos holong ulos si ganjang rambu.

Anggiat ma antong asi roha ni Tuhanta sahat ma tu hami pamoruonmu songon pasu-pasu naung pinasahatmu marhite tangiang dohot elek-elek tu Tuhanta Jesus Kristus.

Molo tung mardomu sirang pe hita pe annon sian bagas on, tangiang nami di hamu saluhut Tulang dohot Hula-hulanami sai di dongani Tuhanta ma hamu sahat tu bagasmu ganup marsada-sada. Asa songon ni dok ni umapasa m a dohonon:

Tinapu bulung nisabi, baen lompan ni pangula
Sahat ma pasu-pasu na nilehon muna i tu hami,
Sai horas ma nang hamu hula-hula.

Tarsingot tu Hata nauli hata nadenggan naung pinasahat mu
Abing ma i antong di abingan nami, Tuat dia abara nami, Jala hot ma i antong disimanjujung nami,
Asa songon ni dok ni umpasa ma antong dohonon nami:

Songgop si Ruba-ruba tu dakka ni Hapadan,
Angka pasu-pasu na ni lehon muna,
Sai dijangkon tondi ma dohot pamatang.

 

Mardakka Jabi-jabi, marbulung ia si Tulan
Angka pasu-pasu na pinasahat muna,
Sai sude mai dipasaut Tuhan.

 

Naung sampulu pitu, jumadi sampulu ualu,
Angka pasu-pasu pinasat muna hula-hula nami,
Di ampu hami ma di tonga jabu.Botima, Horas ma di hita.

Di tutup hula-hula ma dohot tangiang (alai jolo marende)

Hatorangan tu :Tudu Tudu Sipanganon

 

Tudu-tudu sipanganon yang arti harafiahnya penanda perjamuan (bila dalam keadaan lengkap disebut na margoar atau bagian-bagian hewan yang diberi nama sesuai dengan yang berhak menerimanya dalam parjambaran atau pembagian daging hewan) adalah bagian-bagian tertentu hewan sembelihan yang diletakkan di tengah-tengah sebagai simbol penghormatan hasuhutan kepada undangannya khususnya hula-hula. Maksudnya: untuk menjamu hula-hula pihak tuan rumah tidak membeli daging kiloan (rambingan) tetapi rela mengorbankan nyawa satu ekor hewan. Sebagai balasannya hula-hula akan memberikan ikan (dengke) dan beras. (Dahulu disebut boras sipir ni tondi atau beras penguat roh, sekarang bagi komunitas Batak-Kristen harusnya disebut boras parbue atau beras buah kehidupan).

 

Sering kita saksikan pada jaman sekarang sewaktu menyerahkan tudu-tudu sipanganon atau penanda perjamuan pihak keluarga akan beramai-ramai memegang piringnya dan kalau mereka terlalu banyak jumlahnya akan saling memegang bahu, seolah-olah ada sesuatu yang hendak dialirkan. Padahal kesaksian orang tua-tua pada jaman dahulu tidak begitu. Tudu-tudu sipanganon cukup diletakkan di tengah-tengah ruangan di hadapan undangan terhormat!

 

Bagi kita orang Kristen lebih baik tudu-tudu sipanganon diletakkan di tengah tengah ruang agar tidak menimbulkan salah tafsir seolah-olah makanan itu memiliki kekuatan magis atau menjadi medium penyaluran berkat. Sebab tudu-tudu sipanganon itu hanyalah simbol penghormatan kepada undangan bahwa jamuan dilakukan dengan khidmad dan sepenuh hati. Tidak ada kekuatan magis yang hendak dialirkan di sana.

Pinadomuni (dirangkum oleh) : Sampe Sitorus, SE (A. Hitado Managam Sitorus)
Medang Lestari B3/K11 08129052462

Referensi & Daftar Pustaka :

1. Jambar Hata, T.M Sihombing, CV Tulus Jaya

2. Dalihan Natolu Nilai Budaya Suku Batak, Drs. DJ Gultom Rajamarpodang, CV Armada –Medan

3. Garis Besar Ruhur-Ruhut Paradaton Sitorus, Buku Parsadaan

Raja Sitorus Dohot Boruna (PARSIBONA) JABOTABED

4. Situs Partungkoan http://tanobatak.wordpress.com

5. St. D.P.Hutagalung/Br. Simarangkir (O. ni Salomo) http://www.rajaparhata.com

6. Literatur lain dan angka panuturion nu angka natua-tua.

Read Full Post »

PANGANTUSION TU ULAON TARDIDI (BAPTIS) DOHOT PASAHAT ULOS PAROMPA

Molo tardidi anak, lumobi ma i buha baju, olo do dibahen sada pesta partangiangan jala diundang angka tutur sahat tu dalihan natolu.

Di son pinatorangon do rumang dohot ruhut ni ulaon i, asa uli nian pardalanna. Molo sahat gonghon dohot jou-jou tu dalihan na tolu, tardok ma ulaon i nunga ulaon na balga. Jadi tudu-tudu ni sipanganon pe di si ingkon lengkap ma dipatupa (lengkap dohot somba-somba). Molo didok sahat tu dalihan natolu, lapatanna dohot do diundang tulang ni amanta i dohot tulang ni inanta i (tulang rorobot). Molo anak buha baju do natardidi i, nunga masa muse ni ida nuaeng, gabe dibahen maralaman manang di gedung pertemuan manang di hotel. Alai molo tung di jabu pe dibahen ulaon i na denggan ma i. Na porlu muse si pingkiran di na patupahon ulaon tardidi anak ima taringot di partingkian. Molo tangkas do binoto pukul piga sae acara pandidion di gareja, boi ma tontuhononhon tu angka tutur pukul pigama nasida ro tu ulaon i. Lapatanna, asa unang ro angka tondong tu jabu manang gedung pertemuan i hape suhut ndang ro dope sian gareja.

Najolo tingki so sahat dope barita nauli (Injil dan kekristenan ) tu tano batak, Ulos Parompa dipasahat tingki martutu aek / mangalap goar (bayi di mandikan oleh datu di pemandian sakral (pansur ni huta) dan oleh datu anak tersebut di beri nama).

Ulaon mangalap goar on do na sai diingot halak hita umbahen sipata sahat rodi tutingkion molo tardidi sada dakdanak sai adong dope namandok mangalap goarna sian bagas ni Tuhanta. Sasintongna nda namangalap goar, ai goarna i natorasna do namangalehon.

Ala naung Kristen hita dang adong be ulaon martutu aek / mangalap goar, jadi tingki tardidi ma dipasahat parboru

(ompung ni dakdanak i) dohot tulang ni dakdanak i ULOS PAROMPA tu pahompuna / berena.

Mardomu tu si binahen di son muse songon pedoman (acuan) di hita.
Taringot tu teknis pelaksanaan dohot ruhut ni angka panghataion di ulaon pasahat ulos parompa, hira songon on ma na somal jala naung sering taulahon.

1. Andorang so dimulai marsipanganon, parjolo ma nian Parboru pasahathon upa-upa horas tu pahompuna, ima na pasahathon ULOS PAROMPA, ala ulaon las ni roha do on naung gabe partohap pahompuna di harajaon ni Tuhan Jesus Kristus. Jala hira dua tempat ma inganan ni dekke. Sada ma i tangkas dibahen di ginjang ni pinggan pasu marisi sada dekke dohot indahanna, jala sada inganan sipasahatonna tu paranak (3-5 dekke).
2. Pintor pihak paranak jumolo pasahathon tudu-tudu ni sipanganon tu hula-hulana, di siala las ni roha nasida ala nunga gabe ianakonna di harajaon ni Tuhan Jesus Kristus

Dia na parjolo sian versi nadua on asa tong-tong ma i saguru tu dos ni roha. Alai, molo na dumenggan hira parjolo ma nian parboru pasahathon upa-upa marhite pasahathon ULOS PAROMPA.

Asa ummura antusanta binahen majolo songon simulasi (kondisi ideal/ seharusnya) contoh skenario di keluarga nami, misalna anggiku si Lumumba Sitorus/br Marpaung nunga tubu ma anak niba si Dimpos Hadameon Sitorus, dung marpiga-piga minggu di boan natorasna ma si Dimpos tardidi jala pinabotohon tu Hula-hula i Marpaung, Tulang Doloksaribu, Tulang Rorobot Ambarita (Tulang ni inang br Marpaung), alana antar umbalga do ulaon tardidi sian pasahat ulos mula gabe jadi hu ontang hami Punguan Sitorus, Boru dohot bere “DAMENTA” jadi nga termasuk di si Hahadoli Morgan Sitorus/br Sinurat (A. Michael ->Raja Pane), Tumpak Sitorus/br Sitohang (A. Joseph ->Raja Dori), Anggidoli Robert Sitorus/br Siahaan (Amani paima -> Raja Boltok) dohot Boru/Bere nami, dongan sahuta JM Siahaan/brPanjaitan (A. Collyn), ES Silitonga/br Silaban (A. Eva). Hasuhuton na mangadopi Kel. S. Sitorus/br Sitanggang (dang boi ro Abang par Cilegon A. Sitorus/br Napitupulu Ama Tamado ala tugas belajar tu Amerika), Punguan Pomparan Ompu Paralat Sitorus (hami namarhaha maranggi Ompu martinodohon) termasuk ma di si Hahadoli Sahat Sitorus/br Panggabean (Amani. James), Boruni suhut Kel. Manullang/br Sitorus, Kel Siwu/br Sitorus, Kel. Silaban/br Sitorus, Kel. Tampubolon/br Sitorus

Ala ulaon las ni roha do on, dumenggan ma jumolo dipukka dohot partangiangan (ibadah singkat). Tangkas do tahilala basa-baani Tuhanta Jesus Kristus nanung manobus hita jolma suang songoni nang anaknami si Dimpos gabe partohap ibana di harajaon ni TuhantaJesus Kristus.

Dung sidung partangiangan singkat jala pungu hundul sude angka tutur udutan ma tu ulaon namangihut.

Haroan Mangan di Jabu

Dung hira ro sude angka najinou diatur ma parhundul. Hundul ma Amani Dimpos dohot Inang boru Marpaung. Hami hasuhuton rap dohot Pomparan Ompu Paralat Sitorus (namarhaha maranggi Ompu martinodohon) marsiadopan ma dohotdohot Hula-hula i Raja Marpaung songoni nang Tulang Doloksaribu.

Dongan tubu Punguan Sitorus, Boru dohot bere “DAMENTA” hundul ma di siamun ni hasuhuton, molo tung so siat boima di hambirang alai dialap hata ma naung di siamun ni hasuhuto ma i.

Paidua ni Suhut (A. James)

Loloan namarlas ni roha, di hita namarhaha maranggi ra ianggo sian hita dang adong be sipaimaon ate ? Songon i ma nang di hamu Tulangnami Dolok Saribu, Hula-hula I Marpaung, beha Rajanami nga boi mulaanta ? Manang adong dope sipaimaonta ?.

(Molo dialusi horong ni Tulang + Hula-hula nauli mandapotima angka na so sahat dope),

boi ma udutanni paidua ni suhut.

Di ari nauli bulan nadenggan apala di sadari on, anak nami beremu/pahompumu si Dimpos Hadameon Sitorus nasogot nunga manjalo pandidion nabadia marhite naposo ni Tuhanta di Gereja GKI Gading Serpong.

Mauliate ma tutu di Tuhanta siala nunga gabe parjambar ibana di harajon ni Tuhanta Jesus Kristus. Alani las ni rohanami, las ni rohanta hupatupa hami ma uloan on.

Raja nami, ala naeng mulaanta ma ulaon on tarsongon on ma konsep siang hami:

Molo tung adong na naeng sipasahathon mu songon tu pahompu mu/beremu, ba parjoloma di pasahat Raja i Hula-hula nami, laos ima anon songon dalanna nami pasahathon songon tanda ni las ni roha nami tu hamu Hula-hula nami. Boa roha mu Rajanami, tiroi hamu hami.

Note:Ala si Dimpos Hadameon do pusat ni ulaon, biasana parjolo do Hula-hula mangupa ibana, baru pe borhat suhut paranak pasahathon tudu-tudu ni sipanganon.

Parboru (Hula-hula Marpaung) Pasahat Dengke Dohot Ulos Parompa.

Hata ni napasahat dekke:

“Songon i ma di hamu pamoruonnami, lumobi di hela dohot borunami songon i di pahompu si Dimpos Hadameon Sitorus.”

Dison hupasahat hami upa-upa dekke sitio-tio, asa sai tio ma antong panggabean parhorasan di hamu. Dekke simudur-udur ma on antong, asa sai mudur-udur hamu mangalului angka ngolu-ngolu siapari laho pature-ture pahompunami on. Dekke saur jala dekke sahat ma on, sai saur ma antong ibana laho jumunjung goarna i, imbur-imbur magodang sahat saur matua, tumpahon ni Tuhanta Pardenggan Basa i. Botima!

Laos diuduti ma dipasahat Ulos Parompa ni pahompuna.

Ada dua hal yang perlu diperhatikan :
Pertama apakah anak yang lahir tersebut anak sulung atau tidak.
Kedua apakah anak tersebut anak sulung dari seorang anak sulung dari satu keluarga.

1.Bila yang lahir tersebut adalah anak sulung dari seorang ayah yang bukan anak sulung maka yang mampe goar di samping si anak, hanyalah orangtuanya saja (mar amani ).

2. Bila anak tersebut adalah anak sulung dari seorang anak sulung pada satu keluarga maka yang mampe goar disamping si anak,  juga ayah dan kakeknya (marama ni…danompu ni… ). Gelar ompu… bila gelar tersebut mempunyai kata sisipan “si”,  maka gelar yang diperoleh itu diperdapat dari anak sulung perempuan (ompung bao). Bilamana tidak mendapat kata sisipan si…  maka gelar ompu yang diterimanya berasal dari anak sulung laki-laki (Ompung Suhut).

Untuk point pertama, maka pihak hula-hula hanya menyediakan dua buah ulos yaitu ulos parompa untuk si anak dan ulos pargomgom mampe goar untuk ayahnya. Untuk si anak sebagai parompa dapat diberikan ulos mangiring dan untuk ayahnya dapat diberikan ulos suri-suri ganjang atau ulos sitoluntuho.

Untuk point kedua, hula-hula harus menyediakan ulos sebanyak tiga buah, yaitu ulos parompa untuk si anak, ulos pargomgom untuk ayahnya, dan ulos bulang-bulang untuk ompungnya.

Seiring dengan pemberian ulos selalu disampaikan kata-kata dalam bentuk umpasa yang mengandung harapan agar kiranya anak tersebut tumbuh besar, tidak sakit dan memperoleh berkah dari Tuhan Yang Maha Esa. Pihak hula-hula memberikan ulos dari jenis ulos bintang maratur, tetapi bila hanya sekedar memberi ulos parompa boleh saja ulos mangiring.

Hata pasahat ulos parompa tu pahompu :

On pe inang dohot hamu amang hela, sai tangiang ma bahen hamu landasan ni ulaon muna, hipas ma hamu jala di dongani Tuhanta nang dina pature ture pahompunami on. Jala tu ibana pe antong dohonon nami ma:

Dangka ni hariara ma pinangaitaithon

Simbur ma ibana magodang, tongka panahitnahiton

Tubu tambisu di dolok ni Sipoholon;

Sai gabe anak na bisuk ma ibana, anak sipatujoloan

Naung sampulu sada jumadi sampulu dua;

Sai siboan sangap ma ibana jala siboan tua.

Botima da, laos di uloshon ma parompana tu pahompuna i sian jolo.

Udut tusi di pasahat ma ulos mampe goar tu Hela dohot Boru, songonon ma hatana:

Rimbur ni Pakkat tu rimbur ni Hotang,
Sai tudia pe hamu mangalakka, sai tusima hamu dapot pansamotan.

 

Dekke ni sale-sale, dengke ni Simamora,
Tamba ni nagabe, sai tibu ma hamu mamora.

Sahat-sahat ni solu, sahat ma tu labuan,
Sahat ma hamu leleng mangolu, jala sai di dongani Tuhan.

Botima da, laos di uloshon tu hela dohot boru.

Paidua ni Suhut (A. James)

Mauliate ma Rajanami, Loloan namarlas ni roha,nunga mampe be goarni si Dimpos tu natua-tuana, jadi mulai sadarion panjuon tu Angginiba : Amani Dimpos, suang songoni tu inang boru Marpaung, Nai Dimpos, asa rap tahalashon ma i

Note: Untuk skenario ini tidak ada pasahat ulos mampe goar tu natoras ni hela (Sitorus Ompung ni si Dimpos) , alana dang anak panggoaran Ama Dimpos (Lumumba Sitorus).

Alai molo tung adong di ulaon keluarga lain haduan tarsongonon ma hata tingki pasahat ulos mampe goar tu natoras ni hela :

Andor halumpang togutogu ni lombu, mamboan tu onan gambiri;
Sai saur matua ma hamu pairing-iring pahompu sahat tu namar nono sahat tu namarnini.

Eme na marbiur, di lambung ni hariara;
Sai torop ma pomparanmu jala maribur, huhut matakkang jala manjuara

Hau simartolu, di tombak ni Panamparan;
Sahat ma hamu leleng mangolu di haliangi angka pomaparan
Botima, laos di uloshon ma tu Ompung ni pahompu i.

Paidua ni Suhut

Mauliate ma Rajanami, Loloan namarlas ni roha,nunga mampe be goarni si Dimpos tu Ompungna, jadi mulai sadarion panjuon tu Amanguda dohot Inangauda gabe Ompu…….(goarni na mampe goar i), asa rap tahalashon ma i.

Molo tung adong dope sian horong ni Tulang nalaho pasahathon dekke laos mangihut ma i. Jala laos disi ma Tulang langsung pasahat ulos holong (parompa).

Suhut (kelarga Sitorus) pasahat tudu-tudu ni sipanganon

Dung sidung na pasahat dengke dohot ulos, borhat ma paranak (suhut) pasahat tudu-tudu ni sipanganon na marsaudara tu hula-hula Marpaung. Biasana jolo gorahonon do tu nasida manang naung rade nasida. Somalna ala ro do Tulang Doloksaribu jumolo suhut mangalaphata tu nasida jala didokma :

Di hamu Tulang nami Doloksaribu, santabi Tulang molo tung tu Hula-hula Marpaung pe apala di ombason hasahatan ni tudu-tudu ni sipanganan namarsaudara na hupatupa hai on, pos rohamu Tulang sogot haduan sai adong do tikki nauli tu hamu pasahaton nami tudu-tudu ni sipanganon, ate Tulang ? (Biasa di alusi ole bere pasahat hamuma tu anggi parhundul nami).

Hata di napasahathon tudu-tudu ni si panganon songon on ma:

“Di hamu hula-hulanami, di son hupasahat hami tu hamu tudu-tudu ni sipanganon di pesta ni pahompu mu si Dimpos Hadameon Sitorus siala naung manjolo pandidion nabadia ibana marhite naposo ni Debata. Ia tudu-tudu sipanganon on songon dalan pasangaphon hamu Rajanami. Molo tung songon on pe na boi hupasahat hami las ma rohamu. Botima!”

Marsipanganon
Tangiang marsipanganon sian hasuhuton (parsinabung)
Dai sira ni sipanganon :
Sitiktik marsigompa, golang-golang pangarahutna
Otik so sadia pe napinatupa ni hasuhuton, sai godangma pinasuna
Marjomuk ma hita.

Biasana tingki marsipanganon boi ma seatan ni boru (Manullang /Tampubolon) ate-ate, jantung, usus dohot aliang-aling.

Marbagi Parjambaron

Dung sidung marsipanganon sungkunon ni hula-hula Marpaung do boa do partording ni tudu-tudu sipanganon naung di pasahat tu nasida.
Taringot tu parjambaron, sai jumolo do suhut (parsinabung ni paranak) i parsangaphon hula-hulana didok, “Ba nunga hupasahat hami tu hamu Rajanami, hamu ma namangaturhon. Namangulahon ma hami”. Molo songon i, pintor olo do sipata didok hula-hula manang tulang i songon on: “Sidapot solup ma hami. Diboto hami , diantusi hamu ruhut-ruhut ni parjambaron.”
Note : Nauli jala nadenggan ma saluhutna i. Dipature ma jambar i jala dipasahat tu angka tutur: jambar ni hula-hula, tulang, pariban, songon i tu boru, dongan sahuta nang jambar ni dongan tubu.

Parjambaron ulaon dijabu di Sitorus se Jabotabed sesuai Garis Besar Ruhut Paradaton (buku PARSIBONA,2004 hal 368 +373) sbb:

1.Namarngingi parsiamun:Hula-hula

2.Namarngingi parhambirang:Tulang

3.Osang parsiamun:Pariban (boruni hula-hula)

4.Osang parhambirang:Sude boru

5.Somba-somba:Angka Tulang dohot Hula-Hula

6.Soit:Sihal-sihal (termasuk dongan sahuta)

7.Ihur-ihur:Hasuhoton(suhut dohot dongan tubu)

Boi do molo tu hula-hula pintor di pasahat namarngingi sambariba, osang sambariba, satonga somba-somba, dos ni roha do i.

Note: Jotjot tni parrohahon didok Hula-hula “ nga pature hamu ma di dapur “, suang songoni suhut pintor di suru boruna paturehon di dapur. (sipata bingungung ma boru songon dia bahenononna parbagianna). Aturanna ingkon tangkas do bagion i di jolo ni hula-hula, paling tidak patangkashononton tu Hula-hula parjambaron na berlaku.
Jadi dohonon ni parsinabung ma, mauliate ma di Raja i, alai rajanami ia parjambaron na somal hupadalan hami di Sitorus sononon do.. (di dok ma songon naung ni surat di ginjang).

Dung sidung marbagi parjambaron udutan ma muse dohot marhata sigabe gabe

Biasana hira dos panghataion manang marhata sigabe-gabe di ulaon tardidi dohot angka ulaon naasing na di jabu (misal Pasahat Ulos Mula Gabe, Tardidid, Malua sian pangkangkungi/Sidi)
Sesuai skenario ala adong do dongan tubu (Punguan Sitorus, Boru dohot bere “DAMENTA” ) dohot dongan sahuta, suang songoni hami hasuhuton torop so piga Pomparan Ompu Paralat Sitorus, jadi songonon ma partordingna :
Jolo mardos roha ma jolo Hahadoli Raja Pane dohot Anggidoli Raja Boltok dohot dongan sahuta ise na gabe panise. Somalna molo di ulaon sisongon on dongan tubu do panise jala molo di Sitorus ala Dori do hasuhuton, jadi Raja Pane ma nagabe Panise. Dung i mardos roha ma sian horong Raja Pane ise nagabe Panise, isarana sian dos ni roha nasida Hahadoli A. Michael Sitorus (Morgan Sitorus) ma na gabe panise.
Suang songon i hasuhuton pe nunga marsiaturan ise na mangalusi sungkun-sungkun ni dongan tubu, isarana nunga dos roha nami Hahadoli A. James Sitorus (Sahat Sitorus) paidua ni suhut ma na gabe pangalusi.

Dongan Tubu Panise (Pane= Ama Michael / Morgan Sitorus)
Dihamu hasuhutonnami anggidoli, mangkatai ma hita suhut nami.

Paidua ni Suhut (A. James)
Nauli, ima tutu hahadoli.

Dongan Tubu Panise (Pane = Ama Michael / Morgan Sitorus)
Asa serser inna mula ni tortor, sise inna mula ni hata.
Gonghon inna sipaimaon, jou-jou siadopan,
Di gonghon dohot jou-jou tu hami dongan tubu mu, nunga marnatampak hami.

Bangkona doi anggidoli ,molo so binoto ba siseon ma antong, jadi namanise ma hami nuaeng :
Asa jolo ni nang-nang inna asa ni nung-nung
Jolo ni pangan inna asa sinungkun

Nunga butong hami mangan indahan na las,
sagat marlompan juhut jala minum aek sitio-tio
suang songoni dohot tuak tangkasan na tinahuanmu
Dia ma unokna, dia ma laklakna
Dia ma nidokna, dia ma hatana
Tangkas ma dipaboa hasuhuton.

Paidua ni Suhut (A. James)
Ima tutu hahadoli, taringot sintuhu ni indahas na las dohot juhut na sosadia i suang songoni aek sitio-tio,
Panggabean Parhorasan do Hahadoli.

Dongan Tubu Panise (Pane = Ama Michael / Morgan Sitorus )
Mauliate ma tutu di Amanta Debata Pardenggan Basa i,
ianggo Panggabean Parhorasan do hape, asa donohonon nami ma :

Bagot namarhalto ma inna na niagatan di robean
Horas ma hami namanghon tu tambana ma di hamu namangalean

Alai anggidoli sai marangkup do nauli mardongan inna nadenggan
Siangkupnasongon nahundul, sidonganna songon na mardalan
Tangkas ma di paboa anggidoli.

Paidua ni Suhut (A. James)
Ima tutu hahadoli, taringot di sungkun-sungkun ni hahadoli tangkas ma antong paboan
siangkup ni nauli siangkupni nadenggan.
Ia partording ni ulaonta di sadari on ima naung manjalo pandidion na badia do anak nami Dimpos Hadameon Sitorus sian bagas joro ni Tuhanta marhita naposona. Mansai las situtu antong rohanami ala gabe partohap ibana di harajaon ni Tuhanta Jesus Kristus.

Disiala las ni rohanami, hupatupa hami ma angtong songon pesta ni si Dimpos jala on ma dalan nami mangido pasu-pasu tu Amanta Debata marhite tangiang dohot pasu-pasu ni sude hamu namanghaholongi hami. Ima tangkasna Hahadoli, jadi namangido tangiang ma hami tusude hamu namanghaholongi hami, Hahadoli dohot Anggidoli, Dongan Sahutatarlumobi ma sian Tulangnami Doloksaribu dohot Hula-hula nami Raja i Marpaung.

Dongan Tubu Panise (Pane = Ama Michael / Morgan Sitorus)
Ba ido hape partording ni ulaonta sadari on.
Maliate ma tutu ta pasahat tu Amanta Pardenggan Basa i, hami pe siang Hahadolimuna tung mansai las do antong roha nami umbegesa i. Ai nunga gabe partohap hape di harajaon ni Tuhan Jesus Kristus anakta si Dimpos Hadameon Sitorus.

(Di dompakhon ma bohi na tu dongan tubu na asing dohot dongan sahuta).

Di hita na marhaha maranggi, borunami, suang songoni nang dongan sahuta nami , tarlumobi ma di hamu Tulang nami Doloksaribu dohot Hula-hula nami Manpaung, nunga tangkas rap umbegesa hita partording ni ulaonta di sadarion on, jala na tongtong dope nasida mangido tangiang sian hita naung ro mangadopi ulaon on, asa marsiaturan mahita ra indok rohangku songonon ma partordingna :

1.Mandok hata ma Hita namardongan tubu (marsiaturan ma nasida)

2.Mandok hata ma Borunami, dohot Bere/Ibebere

3. Mandok hata ma dongan sahundulan nami Raja ni Dongan Sahuta

4.Dung sidung dongan sahuta, pasahathon nami ma partingkian tu Tulangnami Raja Doloksaribu, jala hamu ma Tulang namangaturhon uduranmu.

5.Dung sidung Tulang nami Doloksaribu pasahathon nami ma partingkian tu Hulahulanami Raja i Raja Marpaung, asa hamu ma namangaturhon dohot uduranmu, jala hamu ma Raja nami na laos pa ampuhon tu hasuhuton.

6.Mangampu hasuhuton

Boa di hita namardongan tubu suang songoni nang dongan sahuta tarlumobi Tulang Dolok Saribu dohot Raja i Hula-hula Marpaung tuturi hamu hami, nunga singkop jala denggan i didok rohamu ? (Biasana dialusi nunga na denggan i).

Urutan No 1 s/d 3 mandok hata, dungi dipasahat Panise ma partingkian tu No 4 +5.

Note:
Dang jadi pangampu Dongan Sahuta, ai Raja do nasida jala na niontang do nasida. Namarlapatan digonghon pe nasida asa dohot do martangiang tu Amanta Debata asa di pasu-pasu hami hasuhuton.

Dung ris horong ni hula-hula mandok hata somalna di paampuhonma tu hasuhuton, dohononna ma:
Nunga liat hami pasahat hata nauli hata nadenggan, asa ampu hamu martonga ni jabu.

Pintor alusan ni Paidua ni Suhut (Ama James)
Mauliate ma tutu Raja nami,
Aek marjullak-jullak sian tonga-tonga ni batu
Jullak-jullak na i bahenon tu tabu-tabu laho boanon tu jabu
Hata-nauli hata pasu-pasu marhite tangiangmu namanghaholongi hami Tarlumobi ma i sian Tulang dohot Hula-hula nami
ampuon nami ma antong martonga ni jabu, botima.

Songon i ma nang di hita, ala tingkina nama hita mangampu hata nauli hata nadenggan naung dipasahat tu hita, asa mangarade ma hita.

Pasahat Pasituak Natonggi
Di angginiba Ama. Dimpos dohot inang boru Marpaung andorang so mangampu hita asa borhat ma hamu Pasahat Pasi Tuak Natonggi ni Hula-hulanta dohot Tulangta.
“Gomos jalang hula-hulanta”.

Note : Somalna hira sude do horong ni hula-hula dapotan, alai martingkat (gumodang ma tu na sumolhot) dibahen suhut hepeng pasituak natonggi i. I ma songon ganti ni dekke dohot ulos nabinahen nasida.

Hasuhoton Mangampu

Dung sidung pasahat pasituak natonggi udutan ma pangampuion

Note: Molo taida philosofi ni na mangampu, intina na laho mangoloi, mangunduk huhut manjalo sude angka hata pasu-pasu dohot angka hata na uli, jala mandok mauliate tu sude tutur naro suang songoni angka nadenggan naung pinasahat nasida. Jadi taingot ma dison manurut hatorangan na di ginjang i, sitongka ni na unang do hape mamasu masu iba tingki mangampu, jala tongka pasingothon jala podaan parbagas (suhut tangkas) diloloan natorop. Molo naeng adong sidohonon (si pasingot) annon ma nung mulak tutur manang haduan ni titi ari.

Urutan Pangampuionparjolo ma boru. Jong-jong ma sude boru suhut (marsiaturan ma nasida)

1. paidua ni suhut (namarhaha maranggi pomparan Ompu Paralat)
2. Suhut sihabolonan (Sampe Sitorus) alai parjoloma inanta soripada boru Sitanggang
   

Contoh : hata mangampu sian Ahu (Ama. Managam)
Tama do antong hita mandok mauliate tu Amanta pardenggan basa i na tong-tong mangiring-iring hita saluhutnasian na mamuhai hita boi tiur jala denggan mardalan ulaonta on sahat tu na naeng pasimpulonta. Suang songoni nang di sude pasu-pasu naung pinasahatna tu hita ganup marsada-sada, tarlumobi ma i di angginiba A. Dimpos dohot inang boru Marpaung.

Di angginiba A. Dimpos, nunga godang hata nauli hata pasu-pasu naung pinasahat ni angka namanghaholongi hita, pahusor-husor ma i dibagasan roham, baen ma i poang gabe sulu-sulu di parngoluonmu.

Dihamu Haha Anggi, Borunami suang songoni nang Raja ni Dongan Sahuta, mauliate ma hupasahat hami di harentaon ni roha mu mangadopi gonghon dohot jou-jou nami, suang songoni di pambaenan mu nadennggan, sai Tuhanta ma nambalos sude na i, asa songon nidok ni umpasa ma dohonon:

Tampulan Sibaganding di Dolok ni Pangringan
Horas ma hita namarhaha marsipairing-iringan.

Tu hamu Tulang nami dohot Raja i Hula-hula nami,
Mauliate di sude nauli nadenggan naung pinasahat mu tu hami ianakkonmu.
Tangkas do hu pangkilalahon hami burjumu marboru
Dipasahat hamu dengke simudur-udur, Dengke Sitio-tio, Dengke sahat
Dipasahat hamu ulos si ganjang rambu, Ulos Parompa ni pahompu muna.
Anggiat ma antong asi roha ni Tuhantasahat ma tu hami pamoruonmu tarlumobi ma i pahompu mu si Dimpos Hadameon Sitorus, Helamu dohot Borumu songon pasu-pasu naung pinasahatmu marhite tangiang dohot elek-elek tuTuhanta Jesus Kristus.

Molong tung mardomu sirang pe hita pe annon sian bagas on, tangiang nami di hamu Tulang dohot Hula-hulanami sai di dongani Tuhanta ma hamu sahat tu bagasmu ganup marsada-sada.

Tarsingot tu Hata nauli hata nadenggan naung pinasahat mu
Abing ma i antong di abingan nami, Tuat dia abara nami,
Jala hot ma i antong disimanjujung nami, Asa songon ni dok ni umpasa ma antong dohonon nami:

Turtu inna anduhur, pio-pio inna lote
Hata nauli hata nadenggan naung pinasahat mu sai unang ma muba sai unang ma mose

Jadi anggia dohot hamu inang sahat ma tu hamu pangampuion

Inang boru Marpaung
(sampaikan terima kasih kepada semua yg hadir terlebih tu Bapa/Ibu)

Anggi (Ama ni Dimpos)
sampaikan terima kasih kepada semua yg hadir terlebih tu Simatua dan akhiri dengan umpasa :

Naung sampulupitu ma juma ni sampulu ualu,
hata pasu-pasu, hata nauli nadenggan napinasahatmu na i
hu ampu hami ma i antong martonga ni jabu. Mauliate Horas

Ulaon ditutup tangiang oleh Hula-hula (alai jolo marende).

Hatorangan taringot tu umpasa pangampuion:

Aek marjullak-jullak sian tonga-tonga ni batu

Jullak-jullak na i tahuan tu tabu-tabu laho boanon tu jabu

Hata-nauli hata pasu-pasu marhite tangiangmu namanghaholongi hami

Tarlumobi ma i sian Hula-hula ampuon nami ma antong martonga ni jabu.

Hatorangan : Aek na marjullak sian batu aek na tio do i (mual mata) na boi patorsok uas lumobi di hos ni ari. Nang pe so nilompa mual mata i alai mansai sehat do i, godang mangandung mineral dungi muse manigor sumbu do tu tolonan jala pintor sombu uas. Alani na boi do antong angka hata na uli dohot pasupasu naung dipinasahat tu Suhut i pasombu uas ni nasida secara mental dohot rohani, gabe didok ma, pasu-pasu i.

Turtu inna anduhur, Tio ma inna lote

Hata nauli hata nadenggan naung pinasahat mu

sai unang ma muba sai unang ma mose .

Hatorangan : Tangkas do taboto molo anduhur mangunduhi do i sai hira na mangoloi. Songon i muse lote unduk do on manuruk tu tano, boi ma lambanghonon songon toru ni roha. Ndang rupani songon pidong sigurguak (suman do nian rupana tu anduhur) alai sai andorana na bontar i do dipadirgak-dirgak. Jadi mansai tingkos do antong anduhur dohot lote na adong di humaliang ni angka Ompunta najolo dibahen gabe sampiran manang “tabas” asa sahat tu inti ni pandohanna ima “poda” songon na pinatorang di pudi i. Jadi ndang asal dibahen angka Ompunta najolo angka umpasa i, sude do i marlapatan jala timbo do philosofina. Ingkon adong do hubungan ni tabas dohot poda asa tingkos jala memenuhi syarat gabe umpasa, tangiang manang pasu-pasu.

Hatorangan tu Pasahat Piso-Piso dohot Pasituak Natonggi

Di sada ulaon molo godang na mangulosi, misalna Hula-hula tangkas dohot muse nasida angka namarhaha-maranggi, songon ulakni ulos nasida, tu Hula-hula tangkas di goari ma i “Piso-Piso”(ung hapal do isi ni amplop on), tu hula-hula na humolang di goari ma i“Pasituak Natonggi”. Sabotulna ndang si lehonon ni boru “garar” ni ulos naung pinasahat nasida ai kewajiban ni nasida do pasahat ulos. Philosofi pasituak natonggi : Ala antar dao (adong do jarak dang sahuta) hutani paranak tu parboru, jadi di pardalanan mulak atik jolo minum tuak nasida annon di lapo. (misalna sambil paimahon motor/angkot).

SEKILAS PENGERTIAN TARDIDI (PANDIDION NA BADIA)

Dengan demikian kita telah di kuburkan bersama-sama dengan Dia oleh baptisan dalam kematian, supaya sama seperti Kristus telah dibangkitkan dari antara orang mati oleh kemulian Bapa, demikian juga kita akan hidup dalam hidup yang baru. (Roma 4 :6)

Biasana di ulaon tardidi, tikki marhata sigabe-gabe (mandok hata) sering kita dengar beberapa orang mengatakan mangalap goar na sian bagas joro ni Tuhanta.
Apa sebenarnya pengertian mangalap goar tersebut?
Jaman pra Kristen, sesudah beberapa minggu keluarga yang tubuan anak / sorang boru akan menentukan hari (maniti ari) untuk membawa anak yang baru lahir itu pertama kali ke mata air keramat atau homban (biasanya setiap kampung memiliki mata air keramat di tengah sawah) dipimpin oleh seorang dukun (datu). Inilah yang dinamakan upacara manutu aek.

Melalui ritus ini keluarga menyampaikan persembahan kepada dewa-dewa terutama Dewi Air Boru Saniang Naga yang merupakan representasi kuasa Mulajadi na Bolon dan roh-roh leluhur untuk menyucikan si bayi dan menjauhkannya dari kuasa-kuasa jahat. Juga sekaligus meminta agar semakin banyak bayi yang dilahirkan (gabe). Acara ini dilanjutkan dengan memberikan nama atau mambahen goar kepada si bayi, yang juga dengan meminta rekomendasi dukun (datu). Bila dukun mengatakan nama itu tidak berakibat baik kepada si anak, maka orangtuanya pun akan mengganti nama itu.

Bagi kita komunitas Kristen-Batak jelas acara manutu aek dan upacara mamampe goar (memberi nama) yang melibatkan dukun (datu) bertentangan dengan iman kristiani kita sebab itu harus ditinggalkan. Kita percaya hanya darah Kristus sajalah yang dapat membersihkan dan menyucikan kita dari dosa dan kejahatan, dan melindungi kita dari segala bahaya. Upacara manutu aek dan mangalap goar biasanya dilanjutkan dengan membawa si bayi ke pekan (maronan, mebang). Kita tahu pada jaman dahulu pekan atau pasar (onan) terjadi satu kali seminggu. Onan adalah simbol pusat kehidupan dan keramaian, sekaligus simbol kedamaian. Ke sanalah orangtua si bayi membawa anak yang baru lahir itu. Orangtua si bayi sengaja membeli lepat (lapet) atau pisang di pasar dan membagi-bagikan kepada orang yang dikenalnya sebagai tanda syukur dan sukacitanya. Sebaliknya kerabat yang menjumpainya juga membekali si bayi dengan oleh-oleh kecil. Bagi kita komunitas Batak-Kristen moderen yang paling penting adalah menangkap makna atau nilai yang terkandung di dalam tradisi maronan atau mebang ini yaitu: memperkenalkan dan membawa anak masuk kepada realitas atau dunia sekitarnya.

Mengutup isi Pengakuan Iman (Konfessi HKBP) tentang baptisan kudus:
Kita percaya dan menyaksikan : Baptisan kudus adalah perantaraan anugerah Allah kepada manusia, sebab melalui baptisan orang percaya menerima keampunan dosa, kelahiran kembali, kelepasan dari maut dan kuasa iblis, serta hidup yang kekal. Dengan ajaran ini kita menyaksikan: anak kecil pun harus dibaptiskan karena dengan pembabtisan itu mereka juga masuk ke dalam persekutuan orang-orang yang ditebus oleh Yesus. Ini juga berhubungan dengan pembekatan anak-anak oleh Tuhan Yesus.
(Kis 2:41, 10:48, 16:33, Roma 6:4, I Kor 10:4, Titus 3:5, Ibrani 11:29, I Pet 3:21).
Dengan penjelasan di atas jelaslah bagi kita bahwa Pandidion na Badia (baptisan kudus) berbeda sama sekali dengan tradisi manutu aek dan mamampe goar.

Baptisan adalah sakramen yang menjadikan seorang anak masuk ke dalam Kerajaan Allah, pewaris segala berkat, dan keselamatan yang dikerjakan oleh Tuhan Yesus Kristus. Pemberian nama adalah hak dan urusan orangtua si bayi. Sebab itu baptisan bukanlah “mengambil nama” (mangalap goar) dari gereja. Gereja membaptiskan si bayi untuk masuk Kerajaan Allah bukan memberikan nama si bayi. Nama bisa saja berganti. Namun baptisan tetap sekali untuk selamanya.

Dalam Roma 6:4 melalui pandidion na badia atau baptisan kita dijadikan satu atau sepokok (sanghambona) dengan Kristus yang mati (bagi dosa) dan Kristus yang bangkit (hidup bagi Allah). Sebab itu dasar baptisan adalah mempersatukan orang percaya dengan kematian dan kehidupan Kristus. Sebab itu sama seperti kematian Kristus, baptisan itu pun bagi kita hanya terjadi sekali untuk selama-lamanya. Baptisan itu adalah peristiwa yang sungguh besar dan mulia bagi orang beriman.

Sebagai orang-orang Kristen-Batak kenapa biasanya setelah Baptisan Kudus (Pandidion na Badia) dilanjutkan dengan adat Batak (memberikan ulos parompa, dll)?

Melalui baptisan seorang pindah dari kematian kepada kehidupan, dari perhambaan dosa kepada Kerajaan Allah. Kegiatan-kegiatan adat komunitas Kristen-Batak yang dilakukan di rumah persis sesudah acara Baptisan Kudus merupakan ucapan syukur atas anugrah Tuhan tersebut dan menyampaikan kasih kepada anak serta penghormatan kepada orangtua si anak tersebut.

Terutama bila yang tardidi tsb adalah anak pertama (buha baju), maka biasanya ompung bao memberikan ulos paromapa kepada cucunya. Pada jaman dahulu ulos kecil ini memang benar-benar fungsional atau digunakan untuk menggendong (mangompa) si bayi sehari-hari. Namun sekarang dalam prakteknya ulos parompa tinggal merupakan simbol kasih ompung bao sebab komunitas Batak moderen sudah menggunakan tempat tidur bayi, kain panjang batik, gendongan dan ayunan untuk menggendong bayi.

Ada kebiasaan komunitas Batak sekarang terutama di kota-kota untuk mengobral ulos parompa. Bukan hanya ompung bao, tetapi seolah-olah semua hula-hula harus memberikan ulos parompa kepada bayi yang baru lahir. Obral ulos ini hanya mengurangi makna ulos parompa.
Acara Ulaon Adat setelah Baptis harus di maknai sebagai Pengucapan Syukur kepada Allah Tri Tunggal.

Pinadomuni (dirangkum oleh) : Sampe Sitorus, SE(A. Hitado Managam Sitorus)
Medang Lestari B3/K11 08129052462

Referensi & Daftar Pustaka

1.Jambar Hata, T.M Sihombing, CV Tulus Jaya

2.Dalihan Natolu Nilai Budaya Suku Batak, Drs. DJ Gultom Rajamarpodang, CV Armada –Medan

3.Garis Besar Ruhur-Ruhut Paradaton Sitorus, Buku Parsadaan Raja Sitorus Dohot Boruna        

   (PARSIBONA) JABOTABED

4.St.D.P.Hutagalung/Br. Simarangkir (O. ni Salomo) http://www.rajaparhata.com

5.Seri Diskusi Injil & Adat, Pdt Daniel Taruli Asi Harahap; http://rumametmet.com

6.Situs Partungkoan http://tanobatak.wordpress.com

7.Ulaon Las Ni Roha : Ulos Mula Gabe, http://sihombing.lumbantoruan.net

8.Literatur lain dohot panuturion ni natua-tua

Read Full Post »

Pangantusion tu Ulaon Manopoti Haporseaon (Lepas Sidi / Malua sian pangkangkungi)

Di dalam masyarakat atau gereja Kristen–Protestan ritus inisiasi disebut “sidi” (sempurna atau sah–bahasa Indonesia) atau “malua” (lepas–bahasa Batak), yaitu ketika seseorang berdiri di hadapan jemaat dan melafalkan pengakuannya terhadap doktrin gereja tentang Allah, Kristus Yesus, Roh Kudus, Gereja, Kebangkitan Daging atau Orang Mati dan Hidup Yang Kekal.
Seseorang dapat dikatakan Lepas Sidi apabila ia telah menjalani Katekisasi.

Dari Wikipedia bahasa Indonesia, ensiklopedia bebas, Katekisasi adalah masa sebelum seorang umat Kristiani atau Katolik menerima baptisan. Pada masa ini, seorang umat mendapat bimbingan-bimbingan yang mendasar mengenai Kekristenan oleh pemimpin agamanya (biasanya seorang Pendeta atau Pastor). Lamanya seorang umat menjalani masa ini tergantung pada peraturan gereja dimana ia berkatekisasi.

Biasanya sebelum berangkat ke Gereja untuk lepas sidi “Katekisan” berdoa bersama orang tua dan selanjutnya berangkat bersama ke gereja untuk pelepasan sidi.

Dung sidung sian gareja, di patupa natorasna do ulaon sipalas roha ni na sidi i.
Sabotulna ndang apala masuk adat i.

Asa ummura antusanta binahen majolo songon simulasi (kondisi ideal/ seharusnya) contoh skenario di keluarga nami, misalna Lepas Sidi (malua) ma anak niba si Hitado Managam Sitorus, pinabotohon tu Hula-hula i Sitanggang, Tulang Doloksaribu, ala aktif do iba di punguan hu ontang hami Punguan Sitorus, Boru dohot bere “DAMENTA”, Punguan Raja Sitanggang dohot Boruna sektor Tangerang Kota, Punguan PARNA Medang Lestari, Dongan Sahuta (Pengurus Dos Roha) dohot hombar jabu T. Pasaribu/br Hutabarat (A. Bintang), N. Sagala/br Panggabean. Hasuhuton na mangadopi A. Sitorus/br Napitupulu (A. Tamado), L. Sitorus/br Marpaung (A. Dimpos), Punguan Pomparan Ompu Paralat Sitorus (hami namarhaha maranggi Ompu martinodohon) termasuk ma di si Hahadoli Sahat Sitorus/br Panggabean (A. James), boru suhut ASH.Manullang/br Sitorus, E. Siwu/br Sitorus, Silaban/br Sitorus, Tampubolon/br Sitorus.

Ala ulaon las ni roha do on, dumenggan ma jumolo dipukka dohot partangiangan (ibadah singkat). Dung sidung partangiangan singkat jala pungu hundul sude angka tutur udutan ma tu ulaon namangihut.

Haroan Mangan di Jabu
Dung hira ro sude angka najinou diatur ma parhundul. Hundul ma di juluan Hitado Managam Sitorus rap dohot hami natorasna. Hami hasuhuton rap dohot Pomparan Ompu Paralat Sitorus (namarhaha maranggi Ompu martinodohon) marsiadopan ma dohot dohot Hula-hula i Raja Sitanggang rap dohot PARNA Medang Lestari suang songoni nang Tulang Doloksaribu.
Dongan tubu Punguan Sitorus, Boru dohot bere “DAMENTA” hundul ma di siamun ni hasuhuton, molo tung so siat boima di hambirang alai dialap hata ma naung di siamun ni hasuhuton ma i.

Paidua ni Suhut (A. James)
Loloan namarlas ni roha, di hita namarhaha maranggi ra ianggo sian hita dang adong be sipaimaon ate ?
Songon i ma nang di hamu Tulangnami Dolok Saribu, Hula-hula nami Raja i Sitanggang dohot uduranna PARNA, beha Rajanami nga boi mulaanta ? Manang adong dope sipaimaonta ?.
(Molo dialusi horong ni Tulang + Hula-hula nauli mandapotima angka na so sahat dope),
boi ma udutanni paidua ni suhut.

Di ari nauli bulan nadenggan apala di sadari on, anak nami beremu/pahompumu si Hitado Managam Sitorus nasogot nunga manghatindanghon haporseoan ibana di jolo ni Tuhanta suang songoni nang di joloni angka ruas ni Tuhanta.
Mauliate ma tutu di Tuhanta siala nunga malua anak nami sian pangkangkungi anggiat ma antong gabe ruas namangolu ibana jala parsidohot laho papatarhon harajaon ni Tuhanta.
Songon si palas ni rohana hupatupa hami ma uloan on.

Raja nami, ala naeng mulaanta ma ulaon on tarsongon on ma sanghap (konsep) sian hami:
Molo tung adong na naeng sipasahathon mu songon si palas ni roha ni bere mu/pahompu mu, ba parjoloma di pasahat Raja i Hula-hula nami, laos ima annon songon dalanna hami pasahathon songon tanda ni las ni roha nami tu hamu Hula-hula nami. Boa di roha mu Rajanami, tiroi hamu hami.
Note: Ala si Hitado Managam do pusat ni ulaon, biasana parjolo do Hula-hula mangupa ibana, baru pe borhat hami natorasna rap dohot si Hitado Managam pasahathon tudu-tudu ni sipanganon.

Mangupa Na Malua
Dengke do upa-upa i jala Nantulang ni namalua i ma mangupahon.
Hundul ma Nantulangna i songon namarsinggang mameakkhon dengke pangupa i tu jolo ni berena, di tiop topi ni inganan ni dengke i jala di dok ma hatana:
“Martua sanga berengkon malua sian pangkangkungi, manjalo tohap jala arta na umbalga sian nasa arta, i ma pasu-pasu dohot hata ni Debata, asa tiur sude dalan baluson muna, ai didok do : MataMi do sulusulu ni pathu jala hatiuran di dalanhu.
Sian las ni rohanami huboan hami do dison Dengke Sahat asa anggiat ma antong sahat tu ho sude pasu-pasu ni Tuhanta; Dengke Saur do on huhut, asa anggiat saur maulibulung berengku tumpahan ni Amanta Debata; Dengke Sitio-tio do i huhut asa anggiat sai tio sude parngoluanmuna, jala dapot sude napinarsinta ni roham. Jadi sahat ma bere na uli sahat ma nadenggan di ho. Botima. Laos di uduti ma dohot na

Pasahat Ulos Holong tu Bere na lepas sidi :
On pe di ho bere Hitado Mangam Sitorus, sai tangiang ma bahen landasan ni ngolum hipas ma ho jala di dongani Tuhanta nang di parsingkolaonmu gabe anak nabisuk ho sihalomoan ni donganmu tarlumobi gabe si jungjung baringin di natorasmu lae dohot ito.

Jala tu ibana pe antong dohonon nami ma:

Tubu tambisu di dolok ni Sipoholon;

Sai gabe anak na bisuk ma ho bere, anak sipatujoloan

Naung sampulu sada jumadi sampulu dua;

Sai siboan sangap maho jala siboan tua.

Ni patikhon ma inna hujur di topi ni tapian

Manang tudia pe ho mangalangka sai tong-tong ma di ramoti Tuhan.

Botima da, laos di uloshon ma ulos holong i tu si Hitado Managam.

Di jomput Tulangna ma parbue pir

Parjolo dijompot ma parbue tu simanjujungna laos didok pir ma tondiku,

Dungi di jomputma tolu hali tu simanjujung ni si Hitado Managam laos di dok

Pirma tondi ni bere ku, dijomput muse tu simanjujung ni laena dohot ibotona loas di dok

Pirma tondi ni lae ku doho iboto ku pairing-iring sude bere ku.

Molo tung adong dope sian horong ni Tulang nalaho pasahathon dekke laos mangihut ma i. Jala laos disi ma Tulang langsung pasahat ulos holong (parompa). Tarhira dos ma angka hatana, ba paling angka umpasa i di ganti tu parbinotoanna dohot namangonjar di rohana.
Note: Anggo di ulaon songon holan Tulang tangkas do na pasahat ulos. Dang pola sai sahat tu tantena manang inang tuana songoni nang tulang naung humolang.
Dung sae na pasahat ulos holong, pintor mulak ma nasida tu hundulanna be.

Suhut (keluarga Sitorus) pasahat tudu-tudu ni sipanganon

Dung sidung na pasahat dengke dohot ulos, borhat ma Hitado Managam dohot natorasna (suhut) pasahat tudu-tudu ni sipanganon na marsaudara tu hula-hula. Biasana jolo gorahonon do tu nasida manang naung rade nasida. Somalna ala ro do Tulang Doloksaribu jumolo suhut mangalap hata tu nasida jala didokma :

Di hamu Tulang nami Doloksaribu, santabi Tulang molo tung tu Hula-hula Sitanggang pe apala di ombason hasahatan ni tudu-tudu ni sipanganan namarsaudara, pos rohamu Tulang sogot haduan sai adong do tikki nauli pasahathon nami tu hamu tudu-tudu ni sipanganon, ate Tulang ? (Biasa di alusi: olo bere pasahat hamu ma tu anggi parhundul nami).

Hata di napasahathon tudu-tudu ni si panganon songon on ma:

“Di hamu hula-hulanami, dison hupasahat hami tu hamu tudu-tudu ni sipanganon di pesta ni pahompu mu si Hitado Managam Sitorus siala naung malua ibana sian panghanghungi.

Ia tudu-tudu sipanganon on songon dalan pasangaphon hamu Rajanami siala las ni roha nami. Molo tung songon on pe na boi hupasahat hami las ma rohamu. Botima!”

Marsipanganon
Tangiang marsipanganon sian hasuhuton (parsinabung)
Dai sira ni sipanganon :
Sitiktik marsigompa, golang-golang pangarahutna
Otik so sadia pe napinatupa ni hasuhuton, sai godangma pinasuna
Marjomuk ma hita.
Biasana tingki marsipanganon boi ma seatan ni boru (Manullang /Tampubolon) ate-ate, jantung, usus dohot aliang-aling.

Marbagi Parjambaron
Dung sidung marsipanganon sungkunon ni hula-hula Sitanggang do boa do partording ni tudu-tudu sipanganon naung di pasahat tu nasida.

Taringot tu parjambaron, sai jumolo do suhut (parsinabung) paranak parsangaphon hula-hulana didok, “Ba nunga hupasahat hami tu hamu Rajanami, hamu ma namangaturhon. Namangulahon ma hami”. Molo songon i, pintor olo do sipata didok hula-hula manang tulang i songon on: “Sidapot solup ma hami. Diboto hami , diantusi hamu ruhut-ruhut ni parjambaron.”
Note : Nauli jala nadenggan ma saluhutna i. Dipature ma jambar i jala dipasahat tu angka tutur: jambar ni hula-hula, tulang, pariban, songon i tu boru, dongan sahuta nang jambar ni dongan tubu.

Parjambaron ulaon dijabu di Sitorus se Jabotabed sesuai Garis Besar Ruhut Paradaton (buku PARSIBONA, 2004 hal 368 +373) sbb:

1. Namarngingi parsiamun : Hula-hula

2. Namarngingi parhambirang : Tulang

3. Osang parsiamun : Pariban (boruni hula-hula)

4. Osang parhambirang : Sude boru

5. Somba-somba : Angka Tulang dohot Hula-Hula

6. Soit : Sihal-sihal (termasuk dongan sahuta)

7. Ihur-ihur : Hasuhoton(suhut dohot dongan tubu)

Boi do molo tu hula-hula pintor di pasahat namarngingi sambariba, osang sambariba, satonga somba-somba, dos ni roha do i.
Note: Jotjot tni parrohahon didok Hula-hula “ nga pature hamu ma di dapur “, suang songoni suhut pintor di suru boruna paturehon di dapur. (sipata bingungung ma boru songon dia bahenononna parbagianna). Aturanna ingkon tangkas do bagion i di jolo ni hula-hula, pinomat patangkashononton tu Hula-hula parjambaron na somal dihorong ni hasuhuton. Jadi dohonon ni parsinabung ma, mauliate ma di Raja i, alai rajanami ia parjambaron na somal hupadalan hami di Sitorus songonon do.. (di dok ma songon naung ni surat di ginjang).

Dung sidung marbagi parjambaron udutan ma muse dohot marhata sigabe gabe
Somalna hira dos panghataion manang marhata sigabe-gabe di ulaon tardidi dohot angka ulaon naasing na di jabu (misal Pasahat Ulos Mula Gabe, Malua sian pangkangkungi/Sidi)

Sesuai skenario ala adong do dongan tubu (Punguan Sitorus, Boru dohot bere “DAMENTA” ) dohot dongan sahuta, suang songoni hami hasuhuton torop so piga Pomparan Ompu Paralat Sitorus, jadi songonon ma partordingna:

Jolo mardos roha ma jolo Hahadoli Raja Pane dohot Anggidoli Raja Boltok dohot dongan sahuta ise na gabe panise. Biasana molo di ulaon sisongon on dongan tubu do panise jala molo di Sitorus ala Dori do hasuhuton, jadi Raja Pane ma nagabe Panise. Dung i mardos roha ma sian horong Raja Pane ise nagabe Panise, misal di dos ni roha nasida Hahadoli A. Michael Sitorus (Morgan Sitorus) ma na gabe panise.

Disisi lain hasuhuton pe nunga marsiaturan ise na mangalusi sungkun-sungkun ni dongan tubu, misalna nga dos roha nami Hahadoli A. James Sitorus (Sahat Sitorus) paidua ni suhut ma na gabe pangalusi.

Dongan Tubu Panise (Pane= Ama Michael / Morgan Sitorus)
Dihamu hasuhuton nami anggidoli, mangkatai ma hita suhut nami.

Paidua ni Suhut (A. James)
Nauli, ima tutu hahadoli.

Dongan Tubu Panise (Pane = Ama Michael / Morgan Sitorus)
Asa serser inna mula ni tortor, sise inna mula ni hata.
Gonghon inna sipaimaon, jou-jou siadopan,
Digonghon dohot jou-jou tu hami dongan tubu mu, nunga marnatampak hami.
Bangkona doi anggidoli ,olo so binot ba siseon ma antong, jadi namanise ma hami nuaeng :

Asa jolo ni nang-nang inna asa ni nung-nung
Jolo ni pangan inna asa sinungkun
Nunga butong hami mangan indahan na las,
sagat marlompan juhut jala minum aek sitio-tio
suang songoni dohot tuak tangkasan na tinahuanmu
Dia ma unokna, dia ma laklakna
Dia ma nidokna, dia ma hatana
Tangkas ma dipaboa hasuhuton.

Paidua ni Suhut (A. James)
Ima tutu hahadoli, taringot sintuhu ni indahas nalas dohot juhut naso sadia i suang songoni aek sitio-tio, Panggabean Parhorasan do Hahadoli.

Dongan Tubu Panise (Pane = Ama Michael / Morgan Sitorus )
Mauliate ma da di Amanta Debata Pardenggan Basa i, ianggo Panggabean Parhorasan
do hape, asa donohonon nami ma :
Bagot namarhalto ma inna na niagatan di robean
Horas ma hami namanghon tu tambana ma di hamu namangalean
Alai anggidoli sai marangkup do nauli mardongan inna nadenggan
Siangkupna songon nahundul, sidonganna songon na mardalan
Tangkas ma di paboa anggidoli.

Paidua ni Suhut (A. James)
Ima tutu hahadoli, taringot di sungkun-sungkun ni hahadoli tangkas ma antong paboan
siangkup ni nauli siangkupni nadenggan.
Ia partording ni ulaonta di sadari on ima lana sasogot nunga manghatindanghon haporseaon anakta si Hitado Managam Sitorus, jadi songon sipalas ni rohana hupatupa hami ma ulaon songon dalan mangido tangiang dohot pasu-pasu tu Amanta Debata Pardenggan Basa i asa tong-tong di iring- iring jala di ramoti ibana jala gabe ruas namangolu ibana di tonga-tonga ni huria i. Ia hata sipaingot tu ibana natarsurat di Surat Malua na ima………(laos di jahahon ma songon na tarsurat di Surat Maluai, jala boi dipatangkas 2 X ).

Dongan Tubu Panise (Pane = Ama Michael / Morgan Sitorus)
Ba ido hape partording ni ulaonta sadari on.
Mauliate ma tutu tapasahat tu Amanta Pardenggan Basa i, hami pe sian Hahadolimuna tung mansai las do antong roha nami umbegesa i. Ai nunga manghatindanghon haporseaon anakta si Hitado Managam Sitorus, tangiang nami antong sai dipargogo i Tuhanta ma ibana jala parsidohot ibana papatarhon barita nauli i.

Marhata Sipaingot Tu Namalua
(Di dompakhon ma bohi na tu dongan tubu na asing dohot dongan sahuta).
Di hita na marhaha maranggi, borunami, suang songoni nang dongan sahuta nami, tarlumobi ma di hamu Tulang nami Doloksaribu dohot Hula-hula nami Sitanggang, nunga tangkas rap umbegesa hita partording ni ulaonta di sadarion on, jala na tongtong dope nasida mangido tangiang sian hita naung ro mangadopi ulaon on, asa marsiaturan mahita ra indok rohangku songonon ma partordingna :

1. Mandok hata ma Hita namardongan tubu (marsiaturan ma nasida)

2. Mandok hata ma Borunami, dohot Bere/Ibebere

3. Mandok hata ma dongan sahundulan nami Raja ni Dongan Sahuta dohot aleale

4. Dung sidung dongan sahuta, pasahathon nami ma partingkian tu Tulang nami Raja Doloksaribu, jala hamu ma Tulang namangaturhon uduranmu.

5. Dung sidung Tulang nami Doloksaribu pasahathon nami ma partingkian tu Raja i Raja Sitanggang laos hamu ma namangaturhon dohot uduranmu, jala hamu ma Raja nami na laos pa ampuhon tu hasuhuton.

6. Mangampu hasuhuton

Boa di hita namardongan tubu suang songoni nang dongan sahuta tarlumobi Tulang Dolok Saribu dohot Raja i Hula-hula Sitanggang nga denggan i didok rohamu ? (Biasana dialusi nga na denggan i).

Urutan No 1 s/d 3 mandok hata, dungi dipasahat Panise ma partingkian tu No 4 +5.
Note: Dang jadi pangampu Dongan Sahuta, ai Raja do nasida jala na niontang do nasida. Artina digonghon pe nasida asa dohot do martangiang tu Amanta Debata asa di pasu-pasu hami hasuhuton.

Dung ris horong ni hula-hula mandok hata biasana di paampuhonma tu hasuhuton, dohononna ma: Nunga liat hami pasahat hata nauli hata nadenggan, asa ampu hamu martonga ni jabu.

Pintor alusan ni
Paidua ni Suhut (Ama James)
Mauliate ma tutu Raja nami,
Aek marjullak-jullak sian tonga-tonga ni batu
Jullak-jullak na i bahenon tu tabu-tabu laho boanon tu jabu
Hata sipaingot hata pasu-pasu marhite tangiangmu namanghaholongi hami
Tarlumobi ma i sian Tulang dohot Hula-hula nami ampuon nami ma antong
martonga ni jabu, botima.

Songon i ma nang di hita, ala tingkina nama hita mangampu hata nauli hata nadenggan naung dipasahat tu hita, asa mangarade ma hita.

Pasahat Pasituak Natonggi
Di angginiba Amani Hitado Managam dohot inang boru Sitanggang dohot anakniba Hitado Managam andorang so mangampu hita asa borhat ma hamu Pasahat Pasituak Natonggi ni Hula-hulanta dohot Tulangta.
“Gomos jalang hula-hulanta”.
Note : Somalna hira sude do horong ni hula-hula dapotan, alai martingkat (gumodang ma tu na sumolhot) dibahen suhut hepeng pasituak natonggi i. I ma songon ganti ni dekke dohot ulos nabinahen nasida.

Hasuhoton Mangampu
Dung sidung pasahat pasituak natonggi udutan ma pangampuion
Note: Molo taida philosofi ni na mangampu, intina na laho mangoloi, mangunduk huhut manjalo sude angka hata pasu-pasu dohot angka hata na uli, jala mandok mauliate tu sude tutur naro suang songoni angka nadenggan naung pinasahat nasida. Jadi taingot ma dison manurut hatorangan na di ginjang i, sitongka ni na unang do hape mamasu masu iba tingki mangampu, jala tongka pasingothon jala podaan parbagas (suhut tangkas) diloloan natorop. Molo naeng adong sidohonon (si pasingot) annon ma nung mulak tutur manang haduan ni titi ma ari.

Urutan Pangampuion

· parjolo ma boru. Jong-jong ma sude boru suhut (marsiaturan ma nasida)

· paidua ni suhut (namarhaha maranggi pomparan Ompu Paralat)

· Suhut sihabolonan (Sampe Sitorus) alai parjoloma inanta soripada boru Sitanggang

Mangampu Suhut sihabolonan
Jongjong ma namalua i dohot natorasna laho mangampu, parpudi namalua i mangampu. Denggan do ajaran hian ibana taringot tu pajojor ni sijouhononna.

Contoh: hata mangampu sian Amani Hitado Managam.

Tama do antong hita mandok mauliate tu Amanta pardenggan basa i na tong-tong mangiring-iring hita saluhutna sian na mamuhai hita boi tiur jala denggan mardalan ulaonta on sahat tu na naeng pasimpulon ta. Suang songoni nang di sude pasu-pasu naung pinasahatna tu hita ganup marsada-sada, tarlumobi ma i di anakni Hitado Managam Sitorus.

Dihamu Haha Anggi, Borunami suang songoni nang Raja ni Dongan Sahuta, mauliate ma hupasahat hami di harentaon ni roha mu mangadopi gonghon dohot jou-jou nami, suang songoni di pambaenan mu nadennggan, sai Tuhanta ma nambalos sude na i, asa songon nidok ni umpasa ma dohonon:

Tampulan Sibaganding di Dolok ni Pangringan

Horas ma hita namarhaha marsipairing-iringan.

Tu hamu Tulang nami dohot Raja i Hula-hula nami,

Mauliate di sude nauli nadenggan naung pinasahat mu tu hami ianakkonmu.

Tangkas do hu pangkilalahon hami burjumu marboru

Dipasahat hamu dengke simudur-udur, Dengke Sitio-tio, Dengke sahat

Dipasahat hamu ulos si ganjang rambu, Ulos Holong tu Beremuna / Pahompu muna.

Anggiat ma antong asi roha ni Tuhanta sahat ma tu hami pamoruonmu tarlumobi ma i

Di pahompu mu si Hitado Managam Sitorus songon pasu-pasu naung pinasahatmu

marhite tangiang dohot elek-elek tu Tuhanta Jesus Kristus.

Molong tung mardomu sirang pe hita pe annon sian bagas on, tangiang nami di hamu Tulang dohot Hula-hulanami sai di dongani Tuhanta ma hamu sahat tu bagasmu ganup marsada-sada.

Tarsingot tu Hata nauli hata nadenggan dohot sipaingot naung pinasahat mu

Abing ma i antong di abingan nami, Tuat dia abara nami, Jala hot ma i antong di

simanjujung nami, Asa songon ni dok ni umpasa ma antong dohonon nami:

Turtu inna anduhur, pio-pio inna lote

Hata nauli hata nadenggan naung pinasahat mu sai unang ma muba sai unang ma mose.

Naung sampulupitu ma juma ni sampulu ualu,

hata pasu-pasu, hata nauli nadenggan napinasahatmu na i

hu ampu hami ma i antong martonga ni jabu.

Jadi anaha, nunga tung mansai godang hata sipaingot dohot hata nauli hata nadenggan marhite pasu-pasu dohot tangiang naung pinasahat ni angka na manghaholongi hita, ampu ma poang :

Hitado Managam Sitorus mangampu dohononnama :

Hamu amang, inang, angka amang tua, amanguda, angka daompung, angka tulang dohot nantulang, angka amang boru dohot namboru, angka dongan sabutuha rodi sude namangkaholongi hami, “ Mauliate godang ma hudok tu hamu sude di angka hata poda dohot sipaingot na sian Hata ni Tuhanta i, songoni nang pambahenan muna tarlumobi angka pasu-pasu muna marhite tangiang.

Anggiatma dipargogoi Tuhanta ahu mangulahon songon naung pinodahonmuna i tu ahu. Hu ulahi mandok mauliate ma di hamu. Botima.

Dungi di tutup hula-hula ma ulaon i dohot tangiang, alai jumolo marende.

Pinadomuni (dirangkum oleh) : Sampe Sitorus, SE (A. Hitado Managam Sitorus)
Medang Lestari B3/K11 08129052462

Referensi & Daftar Pustaka :

1. Jambar Hata, T.M Sihombing, CV Tulus Jaya
2. Dalihan Natolu Nilai Budaya Suku Batak,

Drs. DJ Gultom Rajamarpodang,CV Armada –Medan

3. Garis Besar Ruhur-Ruhut Paradaton Sitorus,

Buku Parsadaan Raja Sitorus Dohot Boruna (PARSIBONA) JABOTABED

4. St.D.P.Hutagalung/Br. Simorangkir (O. ni Salomo)

http://www.rajaparhata.com

5. Seri Diskusi Injil & Adat, Pdt Daniel Taruli Asi Harahap;

http://rumametmet.com

6. Literatur lain dohot panuturion ni natua-tua

Read Full Post »